سؤال عن الابر النتشطه و التلقيح الصناعي

[cat_women]

السلام عليكم

"ربي لا تذرني فردا و انت خير الوارثين"

عسى الله يرزق بنات هالقسم ياااااارب و ما تعدي هالسنه الا اللي تدور الحمال تكون حامل

انا توني مبلشه علاج عن الدكتور ناهض حماديه بمستشفى المواساه

قالي راح يعطيني ابر منشطه 4 شهور

و اذا ما صار حمل بسوي تلقيح صناعي

الحين انا بعرف شلون طريقة كل وحده فيهم و متى اخذها حزت الدوره و لا عقب؟؟

و شنو اللي نتيجتها اضمن ؟؟

انا فكرت اختصر الطريق و اسوي تلقيح ع طووول

و اللي سوت عند الدكتور ناهض ياااريت تفيدني

 

[Break Time]

والله يا عمري ما ادري بس ما حبيت اطلع بدون لا ارفع الموضوع

الله يرزقج الذرية الصالحه يا رب

 

[shayto0oNa]

اول شي يااارب يرزقج من اول مره ولا تتعبين

انا هذا ثاني شهر اخذ منشطاات

اهو نظامه من ثاني يوم الدوره تبلشين ابر والجرعه حسب جسمج ويتابع تبويضج لين تول البويضه 19 وبهاليوم يعطيج ابره تفجيريه والجماع يصير بعد 36 من الابره التفجيريه بس افضل لج تسوين تلقيح الفرق اهو بعد التفجيريه بدال لا يصير جماع يير تلقيح بس ياخذون عينة الزوج ويوصلوونها للبويضه اضمن

انتي تعبتي وتعبتي سوي تلقييح اضمن

انا اخذت ابر مونغون75 ,, اشهر اللي طاف خذيت 14 ابره عشان وصلت البويضه حجم ال19

وهالشهر للحين اخذت 9 وباجر اشوف حجم البويضه

بس لها اثار جانبيه كل ابر التنشيط تمتن انا بظرف شهرين زدت 13 كيلووو مع اني مااااكل والله وجبه وحده باليوم والمغرب بعد مو متاخر

عشان جذي انصج تسوين دايت وتمشييين كل يووم لحد ماتاخذين الابره التفجيريه وقفي مشي

والمشي راح يفيدج لانه ينشط المبايض

موووفقه حبوووبه

 

[cat_women]

حبيبتي بريك تايم جزاج الله خير ما قصرتي


شيطونه حبيبتي مشكوووره
جم تكلفه الابر المنشطه تقريبا؟؟
و انتي تقولين يتابع التبويض يعني كل يوم اسوي سونار داخلي ؟؟
و تمتن بعد مو ناقصين متن عاد

 

[ابدا يالغالي مانساك]

ربي يرزقج حبيبتي بالذريه الصالحه وتبشريناا​

 

[عسل حدي]

حبيتي البنونات كفو ووفو

 

[shayto0oNa]

لا مو كل يوم سونار تقريبا كل 4 ايام لان دكتوري حيل حريص ان مايطلع لي اكياس ,,

الابره ب 3 دنانير واحسبي عااد 3.5×14=49 اذا مو غلطانه

 

[cat_women]

ابد حبيبتي و يرزقج ياااااارب

عسل مشكوووره حبيبتي

شيطونه مشكوووره حبيبتي
اذكر عند فوزيه القطان قالت الابره تكلفج 10 نانير تاخذين 8 ابر يعني 80 دينار

 

[cat_women]

up

up

 

[cat_women]

شدعوه المشاهدات 54

يعني ماجربتو الابر و لا التلقيح

 

[أخاف اجرح]

بنات انا اعالج عند دكتور زكريا بدار الشفا وقاعد يعطيني بس كلوميد صارلي شهرين اخذهم ومافي حمل ابي الابر لان وايد حملو عالابر شرايكم بنات وشالفرق

 

[شنوووفه]

حبيبتي انا اقوول دامج تااخذين الابر سوي تلقيح اضمن انا الدكتووره عطتني هالشهر ابر تنشيط جونال 75 وسعرهم 9 دنانير لمده 5 ايام وراح اسوي سوناار وبعدها تحددلي مته التلقييح واول مره اسويها الصرااحه الابر غاليه الله يستر شكلها راح تكتبلي بعد :<
حدنا فلسنا

 

[cat_women]

بنات انا اعالج عند دكتور زكريا بدار الشفا وقاعد يعطيني بس كلوميد صارلي شهرين اخذهم ومافي حمل ابي الابر لان وايد حملو عالابر شرايكم بنات وشالفرق

حبيبتي الله يرزقج ان شاء الله
ماااعندي فكره عن الابر عشان جذي اسأل عنها

 

[cat_women]

حبيبتي انا اقوول دامج تااخذين الابر سوي تلقيح اضمن انا الدكتووره عطتني هالشهر ابر تنشيط جونال 75 وسعرهم 9 دنانير لمده 5 ايام وراح اسوي سوناار وبعدها تحددلي مته التلقييح واول مره اسويها الصرااحه الابر غاليه الله يستر شكلها راح تكتبلي بعد :<
حدنا فلسنا

حبيبتي الله يرزقج ان شاء الله و تحملين
اي الابر اسعارها غاليه بس عادي
الله يعوضنا ياااااارب

 

[الزيـــــ^^ـــــن]

توكلي ع الله واخذي الكلوووميد والابر وسوي تلقيييييييح مادام الفرصه يتلج
لاتفوتينها وعسى ربي يرزقج ،، والتلقيييح بسييط جدآ مايعوور كلش ثواني ويخلص

 

[خشف بدو]

حبيبتي اهوا الدكتور يحدد لج الإبر اللي تناسب حالتج مو شرط نفس البنات انتي جربي اول شهر بدون تلقيح اذا ماصار شي سوي الشهر اللي وراه تلقيح ،اذا انتي قبل محببه دكتورة فوزيه القطان راح يفرق معاج الفلوس لان أنا كنت عند فوزيه عقب جربت ناهض بصراحه اهوا خوش واحد بس غالي نار قطيت دبل اللي اقطه عند فوزيه

 

[cat_women]

توكلي ع الله واخذي الكلوووميد والابر وسوي تلقيييييييح مادام الفرصه يتلج
لاتفوتينها وعسى ربي يرزقج ،، والتلقيييح بسييط جدآ مايعوور كلش ثواني ويخلص

اي انا شكلي باخذ تلقيح ع طول
مشكوووره حبيبتي

 

[cat_women]

حبيبتي اهوا الدكتور يحدد لج الإبر اللي تناسب حالتج مو شرط نفس البنات انتي جربي اول شهر بدون تلقيح اذا ماصار شي سوي الشهر اللي وراه تلقيح ،اذا انتي قبل محببه دكتورة فوزيه القطان راح يفرق معاج الفلوس لان أنا كنت عند فوزيه عقب جربت ناهض بصراحه اهوا خوش واحد بس غالي نار قطيت دبل اللي اقطه عند فوزيه

انا احس التلقيح اضمن من الابر المنشطه
الدكتور ناهض دشيت عليه مره وحده بس
و انا سويت تحاليلي كلها عند فوزيه القطان بس راح اكمل مع ناهض ان شاء الله
ما قصرتي حبوبه

 

[سوسو العصلة]

شلونج كات شخبارج حبي

الله يرزقج ياااااااارب

لجج وحشه وربي


اذا تبين دكتور شاطر انا بنت خالتي وبنات خالي ثنتين تعالجو عنده شاطر جيييييييييييييييييل ماشاء الله بنت خالتي قالوله عياده ثانيه انه فيها تكيس واهو قال هذا موتكيس هذا تراكمات مادري شنو وعطاها حبوب وارشادات وطبعا غزت ابر وحملت سبحان الله جابت توم الله يرزقج يااااااارب عاجل غير اجل والثنتين بنات خالي وحده هم كان فيها تكيس عالجت عنده وحملت اذا تبين كلميني عالخاص مادري واذا انتي مرتاحه على دكتووورج كمللي ياحياتي وربي يرزقج الذريه يارب

 

[عسل حدي]

ربي لا تذرني فرداً و أنت خير الوارثين