سؤال علي الماشي بليز لاتخلون

[أم سم سوم]

السلام عليكم كروشات

والله يسهل عليكم وتولدون بالسلامه
:yaaaaaarb:

بس ممكن مساعدتكم :eh_s(17):
انا لي الحين 36 اسبوع يعني 9 شهور واسبوعين
واحس بثقل مو طبيعي لدرجة اني ابي اولد باي طريقه
رحت امس للدكتور وقالي بعد 12 يوم موعدج
يعني على تاريخ 22/6
وانا ودي اولد الحين لأنه أمي راح تسافر علاج 20/6 :eh_s(11):
وودي اولد قبل لاتسافر اليوم قبل باجر
شربت دارسين وكليت اناناس فريش ماسولي شي بليز ساعدوني
شنو اللي يحمي الطلق علي ويفتح الرحم وينزل الماي الله يخليكم
لاتبخلون علي :yaaaaaarb:​

 

[ملاك لبنان]

احنا بنسمع الرطب والمشي عالرمل والدارسين والاناناس كلها اشياء تسهل عالولادة لكن اذا في طلق وبوادر ولادة

اما صدقيني لو تسوي المستحيل غير بوقته الي ربنا كاتبه ما رح يجي

فانتي اصبري واحتسبي الاجر وكل يوم ببطنك بالشهر التاسع عن عناية شهر خارج بطنك ( وهذا كلام اطباء وموثوق فيه )

 

[ملكه الحطب]

حليب وزعفران وعسل

وانا مع كلام الاخت ملاك لبنان لاني كنت مثلج كنت تعبانه من الثقل وعلبالي راح اولد بسرعه ولدت باخر يوم لي بالتاسع التاريخ اللي عطتني اياه الدكتوره

 

[اسوم الخالدي]

انا نفسج ابي اولد فيدونا بخبرتكم

 

[Aloe Vera]

شوفي انا ضد تعجيل الولادة

بس دام امج بتسافر فكري بموضوع الطلق الصناعي اذا الرحم مفتوح

ناقشي الموضوع مع الدكتورة و ان عندج ظروف و حابة تولدين قبل لا امج تسافر

بس انا لو منج ما اتعبث بعمري و انطر الولادة تيي بشكل طبيعي و ماتدرين وين الخيرة
انا مقتنعة ان افضل حل هو الصبر

الله يسهل عليج و يكتبلج اللي فيه الخير

 

[اريـ الكويت ـاف]

و الله يا عمري هي كتبه رب العالمين و اجسام بعد يعني انا اعرف وايد بنات بس يشربون خروع يمسكهم اسهال قوي و بعدهايبدى الم الولادة بالنسبة لي جربته و جاني عوار مو محتمل و اسهال و بعد المعاناة ليلة كاملة لا ولادة و لا شي ما ادري يمكن تضبط و معاك و الله يسهلك يا رب ادعيلي

 

[أم سم سوم]

مشكورين ع الرد بس انا ماودي اولد وامي مو عندي
عشان جذي أقولكم أبي حل ولما رحت للدكتوره قالتلي ما أقدر اعطيج طلق صناعي
لأنه رحمج للحين مسكر يدوبك نص سانتي مفتوحه​

 

[@سيدة نفسي@]

الحل الوحيد هو ان الدكتورة توسعج غير جذي مالج الا الصبر

الله ييسر امورج ويسهل عليج

 

[أبكاني ذنبي]

لاتاخذين طلق صناااعي

لانه عوااره قوووي وانتي مومجبوره عليه باقيلج وقت


الجمااااااع واااايد يساعد والمشي انا بعد الله هالشغلتين خلتني اولد


والدكتوره فتحتني سانتي والحمدلله ربي سهلهاا

 

[أم سم سوم]

أب أب أب​

 

[امـ خــزامـى]

الله يكتبلك الخير ويرضيك فيه

 

[smo0o]

سبع حبات بركه مع ملعقة عسل

ملعقه الفجر و ملعقه المغرب

ثلاث أيام و ولدت

أنا شخصياً مجريتها

الله يسهل عليك يارب

 

[Aloe Vera]

وي دام الرحم مسكر لا تاخذين خروع و لا طلق صناعي

خليج عالمشي و الجماع و مابيدج شي غير الدعاء

 

[أم سم سوم]

مشكورين حبايبي وماقصرتواااا
أدعولي​