سؤال ضروري!

[JuJu]

السلام عليكم بنات ..
انا البارحة سويت تلقيح صناعي .. و اليوم الصبح و انا بالحمام و انتو بكرامة و انا قاعدة اضغط و اشوف قطعة شفافة مايلة على بيج شوي نزلت مني !!
سامحوني على هالشؤال بس ممكن احد يفيدني اذا هذا الشي عادي و الا يعني التلقيح فشل ؟

 

[بمبرة]

:tek:حياتي JUJU
والله ما عندي فكرة بس ما حبيت ادش وما اشارك
عسى الله تنجح العملية ويرزقج الذرية الصالحة
ممكن سؤال بس خارج الموضوع:شنو تلقيح صناعي يعني شنو سويتي؟؟؟

 

[Hello_kitty]

حبيبتي الافرازات تدل على التبويض

يعني تبويضج ممتاز

لا تحاتين

الله يرزقج يارب ولا يضيع تعبج

 

[Cacawa]

لا تحاتين ولاتفكرين
انشالله ماكو الا الخير وربج ماينسى احد

 

[بقايا الليل]

خلي كل شي على الله وتوكلي عليه والله كريم ان شاء الله يرزقج الذريه الصالحه اللهم امين عاجلا غير اجل يارب العالمين

 

[++The DuchesS++]

عادي حبوبه
الافرازات هذي مالها شغل بنجاح التلقيح او فشله
واعتقد هالشي يدل على التبويض
وترا نتيجه التلقيح تبين بعد اسبوعين ان شاء الله
وبشرينا

 

[أمونة الحلوة]

لا تحاتين حبيبتي ترى هذه الافرازات طبيعيه وربي يرزقج ان شاء لله وينجح عمليتج يارب

 

[pink-rose]

والله ماعندي فكرة
خلي كل شئ علي الله
وتقدرين تسألين الدكتوره اذا كان هالشئ شاغل بالج

 

[ام عبدالكريم]

يارب عسى الله يوفقك ويرزقك وعقبال ماتبشرينا بحملك يارب

 

[$غــ(ز)ــل$]

باذن ينجح التلقيح وتحملين يارب
والبنات جاوبوا وماقصروا

 

[بسبوسه الحلوه]

حبيبتي لا تحاتين انشالله ماكو الا الخير
وانا انشالله بعد ابي اسوي التلقيح فا بغيت اسآل هل في شي يخرع او يعور بنج ولا من غير البنج ؟؟؟؟؟؟ انا حدي خايفه

 

[JuJu]

جزاكم الله الف خييير بنات و ما قصرتوا كفيتو و وفييتوا , انشالله يرزق كل محرومة اميين و ادعولي بنات اذا باذن الله حملت الله يثبت حملي على خير انشالله ..

 

[JuJu]

بسبوسة الحلوة: انشالله سهالات و ماراح اتحسيين في شي , كلها 5 دقايق .
اول شي لازم قبلها تاخذيين كلوميد او ابر على حسب الحالة , و عقب الكلوميد تاخذيين ابرة تفجيرية قبل التلقيح ابيوم (مع استشارة الدكتورة) و يوم التلقيح ياخذوون عينة من زوجج و يحطونه في ابرة و يوصلونها اب انبوب ضعيف و يحطونه في الرحم , بس العملية بدون الم و سهلة انشالله بس طمنيينه علييج و انشالله الله يكتبلج الحمال بدون تلقيح صناعي

 

[كويتيه مذهله 87]

لا تخافين حبيبتي هذا تبويضج زين ماشالله وانشالله تحملين يارب

 

[بساط الريح]

حبيبتي هذا شي عادي افرازات بس انتي لاتحاتين ولاتفكرين بشي كثري الاستغفار وقراءة القران وادعي كثر ماتقدرين

عسى الله يرزقج الذرية الصالحة يارحيم يارحيم ويثبت حملج يارب

 

[بسبوسه الحلوه]

هلا والله
بس حبيت اسال عادي الجماع بعد التلقيح الصناعي

 

[امراة من زمن الحب]

لا تحاتين هذي افرازات عاديه

لا توسوسين

 

[زنوبة الحلوة]

والله يا اختي ماعندي فكرة

بس انشالله تكونين حامل ولا يضيع تعبج رب العباد

يارب

 

[كندوش]

انشالله ماكو الا العافيه عادي لا اتحاتين
يارب حامل

 

[* لذة غرام *]

الله يوفقج يارب وعقبال مابشرينا ..

لاتحاتين فديتج هذي افرازات ماتخلي احد في حاله وان شاء الله كل شي زين يالغلا ..