سؤال شرعي !!!

[المها الابيض]

السلام عليكم

عندي سؤال محيرني ومادري وين اكتبه

دكتورتي كتبتلي تحاميل البيتادين آخذهم يوم 30 من النفاس لمده اسبوع

وانا اللي سامعته وقريته هني منكم ان التحاميل تنظف وتنزل الدم الباقي

طيب>>>
اذا نظفت حطيتهم يوم 30 وقمت اصلي الصبح لازم اتسبح ولا اتوضا واصلي عادي؟؟؟؟

وبس

 

[دآنة آلرشآيده]

عادي اختي اذا نظفتي توضي وصلي
والتحامييل اقطعيهآ دامج نظفتي

 

[ام نواااف]

حبيبتي لازم تاخذين التحاميل وماله شغل الدم الباقي
التحاميل تنظفج من الالتهابات الي تجي بعد الولاده تطلع الرطوبه والوصخ
والبياتدين حيل زينه وخفيفه وتنظف استمري عليهم

وعادي توضي وصلي طبيعيي .

 

[خوخة123]

اب اب اب

بس اتوقع انه لازم تتسبحين وتغتسلين لان الدم نجس
والله اعلم

 

[Om-azooz]

تسبحي مثل ما تتسبحين لما تخلصين من الدوره وصلي دامج نظفتي
والحمدالله على السلامه

 

[tmtmt]

سالي اهل الشرع افضل
شوفيلج شيخ وساليه هاذي صلاة مو اي شي

احسن من فتاوي متعدده وماتدري ايهي الصح

الحمدالله على سلامتج

 

[كتالونيه]

حبيبتي اذا انتي نفاس
مايجوز تصلي
وانتي صارلج ٣٠
المفروض ٤٠يوم
وبعد الاربعين عاد صلي
اسئلي شيخ افضل منا
بس غريبه تصلين وانتي نفاس
حتى لو الدم وقف المفروض تنطرين يمكن يرجع

 

[shak!shoka]

امبلا تصلي دام وقف الدم

حطي التحاميل بليل قبل النوم
و الصبح تسبحي و صلي صلواتج طبيعي مع الوضوء بكل فرض طبعا

 

[kuwaitiya_84]

الي اعرفه حبيبتي ويالت علي ولادتي الاولي شيخ لما كنت بالعمره قالي مافيً شي اسمه تقعدين ٤٠ يوم لاصلاة ولاصيام اذا رمضان علي عدد ايام الدورة وتغتسلين نفاس وتصلين واذا هم ينزل دم وايد علي كل صلاة غسل واذا دم بسيييط وضوء وقال ايام جداتنا يقعدون ٤٠ يوم من غير صلاة او شي الحين في مسائل بالدين محد يبحث علشان يعرف ويالي شيخ وتاكدي من كلامي وانا من كلامه علي بجري دورتي سادس يوم اغتسل والحمدالله مع الحسو وهالسوالف نظفت واغتسلت وصليت مابي احط شي بذمتي وحتي علي ولدي الثاني نفس الشي والحين حامل هم نفس الطريقه وانتي تاكدي احسن

 

[أبكاني ذنبي]

سإلي شيخ احسن

لا تخلين البنات يفتون ويتحملون ذنبج

احسن لج

 

[ناتشوو]

البيتادين
ماينزل الدم
ولا له علاقة فيه
ينزل الرطوبة
وافرازات

واحسن وقت لاستخدام التحاميل
لي بدى الدم يخف
وبيوقف

اذا نظفتي من الدم
تسبحين وتصلين
حتى لو عقب يوم من الولادة
للامانة السالفه هذي متعبة ومحيرة
اصلي ولا انطر يمكن ماطهرت
معاناة
بس الوحدة تحتسب الاجر

 

[ناتشوو]

كويتيه٨٤

اسمحيلي
مو دقيق اللي قلتيه
اذا الوحدة وقف الدم قبل ال٤٠ تصلي و اذا استمر الدم فوق ال٤٠ يوم
هني تصلي ووضوء قبل كل صلاة بعد دخول وقتها
بس مو٧ ايام نفاس وتصلي
للعلم بس منو اسم الشيخ اللي ذكرتيه؟

 

[مشتطـه]

انصحح بالبيتادييييين طلعت مني بلاوي وماي و وصخ

نصييييييييييييييييحه اخذيهم

قاصين علينا بخرابيط النفاس
مابقى حلبة ولا لهوم ولا ادوية ما اكلتهم

يوم استخدمت التحامييييييل وتطلع بلااااوي
استااانس لما اشوووفهم يطلعون احس اني قاعده انظف

 

[Q 8 Y A t]

كتالونيه

اذا وقف الدم اتصلي عادي


لو كانت دورة ونظفت على خمس ايام هل يعني تنطر يومين وهي نظيفه واتصلي بعد ما تخلص السبع ايام؟؟؟؟

اصلا اذا نظفت وهي بالاربعين يقدر زوجها يجامعها
ومافي اي محظور شرعي يمنعه الا اذاة كانت مريضة وماتقدر

 

[Q 8 Y A t]

كويتيه تقصدين بكلامج انج وانتي دم بالنفاس
عديتي ست ايام بعد الولادة وبعدها اغتسلتي وصليتي وانتي بدم النفاس؟؟؟؟؟

منو هالشيخ هذا اللي افتى لج؟؟؟؟


اتمنى ترجعين لاحكام الحيض والنفاس واذا تبين اساعدج بكتب او مطويات انا حاضرة

 

[قموووره]

حبيبتي دام طهرتي خلاص نفس ما تطهرين بعد الدوره تغتسلين نفس غسل الدوره وبعدين تصلين
اما موضوع التحاميل فهذي التحاميل ممتازه وبعدين مالها شغل بالدم أهي تنظف وتنزل الماي الزايد بالرحم والافرازات
اصلا تحاميل البتادين لا تستخدمينهاا الا بعد الطهر يعني بعد ما يوقف الدم لان اذا استخدمتيها وفي دم راح توقفه مؤقت واول ما توقفين تحاميل راح تتفاجئين ان الدم نزل مره ثانيه وهالكلام عن تجربه
نطري لين تطهرين خلااااص بعدين استخدميها​

 

[ناتشوو]

انصحح بالبيتادييييين طلعت مني بلاوي وماي و وصخ

نصييييييييييييييييحه اخذيهم

قاصين علينا بخرابيط النفاس
مابقى حلبة ولا لهوم ولا ادوية ما اكلتهم

يوم استخدمت التحامييييييل وتطلع بلااااوي
استااانس لما اشوووفهم يطلعون احس اني قاعده انظف

مشتطة
جزء كبير من افرازات التحميلة ناتج عن ذوبانها
مو من الرحم
انصح الجميع
بشرب منقوع المحلب
او تلهم المحلب مطحون
صج ينظف وبنشف الرحم

 

[ام نواااف]

بنات اهي كلامها واضح

تقول انها نظفت وتصلي البنت

بس سؤالها اللي فهمته هل اذا استعملت التحاميل يوميا لازم اتسبح
اهي الدم واقف عندها يعني اكيد مغتسله
بس بحاله وحده اذا طلع معاها دم من التحاميل تغتسل اكيد

يعني مثلا انتي موانفاس واخذتي التحاميل اكيد ماراح تغتسلين بس وضوء
لان مافي دم ودوره

ومومعقوله الوحده دورتها 7 ايام وفجأة توقف ع 3 ايام وماتغتسل وتصلي
انا قبل وقفت ع 30يوم وتغسلت وصليت ونزلت ع الاربعين مومعقوله 10 ايام ماصلي وانا نظيفه

 

[kuwaitiya_84]

هلا حبايبي والله ماذكر ووايد مشايخ تحصلينهم بالحرم بمكه من ثمان سنوات واذا غلطانه ممكن تستفسرين انا مايبت شي من عندي وفي كتب لمسائل احكام الحيض والنفاس بالمكتبات وبتاكد اكثر وحتى رفيجتي بالدوام امس سالتها عن هالموضوع قالت نفس ماذكرت لكم تقول ماتقعد 40 يوم لا صلاة ولا صيام علي عدد ايام دورتها واللي مو متاكده خل تتاكد وانا هم يعني اكيد هم ابي اسوي فرضي وهم ابي اكون متطمنه من الناحيه الشرعيه وللعلم رفيجتي الي قالت لي هالكلام بعد عتيبيه ومتدينه لي ابعد الحدوود وشكرا

 

[kuwaitiya_84]

وفي اكثر من ردود للخوات ياكد كلامي بقعد لي ٤٠ يوم من غير صلاة مايصير اي شرع يعطيج الحق