سؤال سريع وياليت تساعدوني ... معقولة ما تتغير حالته

[بتوشة]

بنات عندي قطو سويت له عملية من اسبوعين علشان ما يأذي القطوتين اللي عندي لأنه يتحرش فيهم ليل نهار وكل شوي وحدة منهم حامل... المشكلة إني سمعت إن القطو بعد هالعملية يصير ثقيل وفي حاله ولا له شغل بأحد ويمتن ويتعوذ من ابليس ويعقل... بس القطو اللي عندي لين الحين يماوي وكنه ما تغير شي فيه .. لازال يلاحق في القطوتين ومطلع عينهم ... بنات اللي مسوية هالعملية لقطو مثلي تقول لي شنو يصير بعد العملية ... يتغير ولا لأ .. يبطل يلاحق القطوات ولا لأ... تكفون احس اني سويت العملية على الفاضي هذا هو بالعكس مو راضي يعقل الله يصلحه... بليز فيدوني تكفون :eh_s(1):

 

[xXBountyXx]

انا ربيت قطاوه بس عمري ماجربت اسويلهم هالعمليه


انتظري رد الأخت ( أمونه)

ممكن تفيدج أكثر بخصوص هالموضوع


///للرفع///



تقبلي مروري
xXBountyXx

 

[بتوشة]

مشكورة حبيبتي وتسلمين على الرد السريع ... خاطري اعرف وارتاح

 

[AmOoNa-]

حبيبتي اهو بعد العمليه مايكون عنده قدره على التزاوج لكن مومعناته انه مايتحرش اباجي القطاوه انا الي عندي صارلي 3 سنين مسويتله عمليه وبعض الاحيان رفيجاتي يخلون قطاوتهم بيتنا اشوفه ودود لأبعد الحدود معاهم لكن مايحاول يتزاوج اتوقع قطوج يلاحق القطوتين مو لانه عنده رغبه بس مجرد شي نفسي انه تعود يسوي جذي انا صديق لي عنده جلب ومسويله العمليه ويقول دايما يتزاوج مع النثيه لكن ماتحمل لانه الحيوانات المنويه ميته

 

[بتوشة]

شكرا حبيبتي ما قصرتي على الرد كنت متوقعة إنه بيشيل الموضوع كله من باله بس مادام السالفة تعود يبي له فترة ... الله يخليه لي يارب ولعياله

 

[q8yat777]

انا قطوتي كانت مدوختني تماوي ليل نهار تنادي القطاوه الظاهر

بس ماافكر اسويلها عمليه حرام يكسرون الخاطر

 

[AmOoNa-]

كويتيات انا انصحج بالعمليه صج حرام تحرمينهم من حقهم وفكره العمليه تخوف بس صدقيني جذي بتظل تتعذب وبتضعف واذا زاوجتيها بتيب عيال الله اعلم يطيحوون بيد منو يمكن ياخذونهم ناس يقطونهم بالشارع ولا شي عشان جذي انا افضل العمليه حتى جمعيه الرفق بالحيوان والاجانب دايما يخصون حيواناتهم