سؤال حق كل اللي يشتغلون! خصوصآ المهندسات

[soka]

السلام عليكم.. شلونكم كويتيااات

انا حابه اسئلكم عن فرعين من فروع الهندسه وبليز لا تردوني... واتمنى تردون علي بأقرب وقت .. لان كلش ما عندي وقت !!

هندسه كمبيوتر
هندسه صناعيه​

حابه اعرف اي تخصص فيهم المطلوب اكثر؟ ويمشي سوقه؟؟
ويناسب البنيه؟ مع ان الحين كل الاشغال تناسب البنت...
و اهم شي يمكن بالنسبه لي اي واحد معاشه اكثر؟!!!!! :eh_s(3): :eh_s(3): يعني ما ابي اتعب عمري واخر شي المعاش ما يسوى صح!!!

و بليز لا تقولون اللي ترتاحين له اكثر .. وله اللي تحبينه ..اللي شايفه نفسج فيه.. لان جد مادري .. احس اثنينهم نفس الشي بالنسبه لي...

واذا تعرفون احد في هالمجالات ممكن تسؤلونهم بلييييييز لان حدي محتاجه مساعدتكم و انا ما اعرف احد بالهندسه... اهوه معاشات المهندسين عمومآ اول ما يشتغلون جم؟؟؟ وبعدين جم يزيدون؟؟ :eh_s(10):

انشالله ما اكون ثقلت عليكم بالاسأله... بس والله عذروني ما اعرف شي عن هالموضوع .... و ما حطيت اسألتي هني الا لاني واثقه انكم راح تفيدوني ))) :eh_s(15):


وشكرآآآآ لكم [/SIZE ]

 

[soka]

معقوله محد يدري!!
بلييييييييييييييز احتاج ردودكم.... لا تبخلون علي

 

[انــــــــــــــــــــــا]

معاشات المهندسين تقريبا 1100وكل المهندسين نفس المعاش تقريبا ما عدا الميكانيك والكهربا هذول يكونون اكثر شوي لان شغلهم مرات يكون خطر وصعب فياخذون عليه زياده ويعتمد عالمكان اللي يكونون فيه يعني مو دايما معاشهم اعلى والمدني بعد اذا يطلع موقع ياخذ 100 زياده

يعني المعاش بالحكومه كله نفس الشي تقريبا اللي يفرق المكان اللي بتشتغلين فيه بعدين شنو فيه بدلات زياده عرفتي شلون

وطبعا القطاع الخاص الحين معاشاتهم ارتفعت ماشاءالله عطو مهندسين القطاع الخاص زياده

الصناعي حسب ما اسمع ان مشكلته بالحكومه مايعرفون وين يحطونهم يعني اذا توظفتي بوزاره مثلا ممكن يعطونج شغل مو تخصصج
الصناعي مستقبله اكثر بالقطاع الخاص بس مشكلة القطاع الخاص دوامهم طويل والبعض يقول مافيه امان وظيفي باي لحظه يفنشون

هندسة الكمبيوتر مطلوب بكل مكان طبعا حكومي وخاص

انتي شوفي نفسج تحبين سوالف برمجه وجذي يعني لغات c++ وجافا
والا شغل ايكونومي واقتصاد و رفع الكلفه والانتاجيه وجذي

انا من وجهة نظري تدخلين تخصص انتي حابته يعني انتي بتدرسين وبتتعبين تخيلي شي انتي مو حابته التعب بيكون اكثر

وتقدرين تمرين دكاتره قسم الكمبيوتر والصناعي وتسمعين منهم عن التخصصين حتى عن الوظيفه بعدين وحطي حق كل واحد ايجيابيات وسلبيات بورقه واللي ايجابياته اكثر وسلبياته اقل بالنسبه لج اختاريه

والاستخاره اهم شي طبعا لااااااااااازم تصلين استخاره

والله يوفقج

 

[يامطوله صبري]

رواتب مهندسين الكمبيوتر بوزارة الكهربا حدود ال 1070 دينار

بس سؤال بضيفه على اسئلتج يصير خريجة هندسة كمبيوتر تشتغل معلمة بالتربية؟؟

واذا ابي اسأل بهالخصوص منو يقدر يفيدني


شكلج خريجة ثانوي وبتقدمين على ال aum صح؟؟

 

[marioma]

حبيبتي ما انصحج بالهندسة الصناعية اذا كنتي تحاتين الوظيفة والاماكن اللي يشتغلون فيها لانهاا مو مطلووبه بالكويت.
انا اختي خريجة هندسة صناعية صارلها سنة ونص ما توظفة ماكوووو احد يبيها على كثر الوزارات والهيئات اللي تارسة الديرة ولا وحدة تبي هالتخصص وكل ما راجعو الديوان يقولون ما عليكم طلب لا اهيا ولا رفيحاتها اشتغلو.
وحتى لو كنتي تبين القطاع الخاص هم يحتاج واسطه بس ما انصح فيه لانه المهندسين تقريبا نفس المعاش بالخاص والحكومة بس يفرق شي بسييييط .

 

[اجياد]

صباح الخير .....حبيبتي الكلام اللي قالوه الاخوات عن الهندسة الصناعيه كونها تخصص ابدا غير مرغوب في القطاع العام صحيح جدا لان فعلا التخصص ينفع اكثر للقطاع الخاص...طبعية الهندسة الصناعيه تتعلق بدراسه الجودة والتكلفه ، يعني تقريبا هو تخصص اداري اكثر من انه فني وللحين الجماعه هني مو فاهمين شنو طبيعة هذا التخصص من جذي تلاقين ديوان الخدمة المدنيه مايدري وين يحطهم ، فمساكين قاعدين يحطونهم بامكان مالها شغل بدراستهم​

واذا تحبين تتأكدين روحي قسم سلامه المنشآت بوزارة التربيه ، بتلاقين المهندسات الصناعيات ماعندهم غير القال والقيل وكل يوم للتحقيق بسبب المشاكل لان مافي عمل محدد يمارسونه يتناسب مع اللي درسوه، وطبيعة شغلهم انهم يلفون على المدارس يشيكون على طفايات الحريق اذا شغاله ولا!!!!

بالمناسبه انا مقبوله بالهندسه الصناعيه بال aumالسنه اللي فاتت بس صارلي حادث ووقفت قيدي كورسين وللحين محتاره ...لكن الاغلب ماراح اكمل هندسه صناعيه​

 

[soka]

مشكوووووووورين على ردكم وما قصرتو

 

[soka]

اول شي الاخت انـــــــا :

صح كلامج لازم اكون حابه التخصص علشان ما اتوهق بعدين ..
ماكو الا اني اسوي اللي قلتيه اكتب الايجابيات و السلبيات.. و بعدين انقي
ان شاء الله استخير و الله يكتب اللي فيه الخير
مشكوووره و ماقصرتي حبيبتي انــــا ​

 

[soka]

الاخت يامطوله صبري:

اي والله ودي اقدم على aum بس لي الحين ما اتخذت قراري ..
بخصوص سؤالج والله ما ادري بس ان شاء الله يقدر احد يفيدج ..
مشكوره على الرد ​

 

[soka]

الاخت marioma :
اي والله انا احاتي الوظيفه بعدين!!

الصراحه كلامج خرعني .. شلون لي الحين ما وظفوهم؟؟ عيل ليش فاتحين التخصص بالجامعه؟؟​

مشكوره على الرد

 

[soka]

الاخت اجياد :

( وطبيعة شغلهم انهم يلفون على المدارس يشيكون على طفايات الحريق اذا شغاله ولا!!!! ) امبيه مساكين.. ما اتخيل ادرس جامعه و حالتي حاله اخر شي اسوي جذي!!! الا اذا كنت ابي القطاع الخاص!
خطاااج السو و ما تشوفين شر حبيبتي.. شلونج الحين ان شاء الله تمام
عيل وين تبين اتدشين؟ انزين aum شلونها زينه؟؟
مشكووره و الله يوفقج وين ما رحتي ..
​

 

[q8dvd2000]

بالتوفيق يا باش مهندسه

 

[soka]

بالتوفيق يا باش مهندسه

لووول انشالله .. الله يسمع منج

 

[اجياد]

الاخت اجياد :

( وطبيعة شغلهم انهم يلفون على المدارس يشيكون على طفايات الحريق اذا شغاله ولا!!!! ) امبيه مساكين.. ما اتخيل ادرس جامعه و حالتي حاله اخر شي اسوي جذي!!! الا اذا كنت ابي القطاع الخاص!
خطاااج السو و ما تشوفين شر حبيبتي.. شلونج الحين ان شاء الله تمام
عيل وين تبين اتدشين؟ انزين aum شلونها زينه؟؟
مشكووره و الله يوفقج وين ما رحتي ..​

صباح الخير

خريج الهندسه الصناعيه اللي تكلمت عنه طبعا هو خريج سنه 2002 وتخيلي على ايامها ومحد رضى فيه غير وزارة التربيه!!!!

وعلى فكره بعد ما اشتغل بالتربيه وشاف الواقع حاول يغير ، وقدم على القطاع الخاص ، نفس المشكله واجهه بعد اغلبهم مو عارفين شنو طبيعة عمل مهندس الصناعه ، يعني مثلا قدم على بيت التمويل وبوبيان وبالمقابله سألوا باستغراب : يعني شنو يسوي مهندس صناعي!!!! ومارضوا فيه وقدم على الوطني وتقريبا كل البنوك...محد دق علىه غير بنك الخليج وعرضوا وضيفه يكون على الكاونتر....من جذي اللحين يلعن اليوم اللي درس صناعيه فيه....

قدم بشركات كبيره ...محد دق عليه ولا عبره​

 

[اجياد]

soka
ترا انا نفسج محتاره ... اليوم لازم اقرر بشكل نهائي اذا كنت اسحب اوراقي من جامعة الشرق الاوسط وهذا اللي بيصير على الاغلب ، بعد شوي بروح عمادة القبول والتسجيل اسال لان عن طريق الانترنت مارضى النظام يسجل اسمي​

ناويه اقدم على كلية البنات تخصص علوم معلومات ، هالتخصص موجود اللحين بجامعة الشرق الاوسط اسمه تقنيه وعلوم معلومات.​

بالنسبه لي جامعة الشرق الاوسط بعيده عن بيتي ، وانا بعد تشائمت منها ، وبصراحه انا داومت بس 12 يوم وبعدها صار الحادث ، فما قدرت اكون فكره جيده عنها ، لكنهم مادييييييييييييييييين جدا جدا واستغلالين ، يعني في بداية الدراسه جبرونا نشتري الكتب الدراسيه كامله وكانت على شكل باكج ، قيمتها 153 دينار وبنفس اليوم المدرسه قالت : ترا احنا ما راح ندرس كل الكتب لان مافيه وقت !!! بندرس بس كم كتاب. ... والله وكيلج اغلب الكتب عباره عن كتيبات​

 

[soka]

صباح الخير ​

خريج الهندسه الصناعيه اللي تكلمت عنه طبعا هو خريج سنه 2002 وتخيلي على ايامها ومحد رضى فيه غير وزارة التربيه!!!!​

وعلى فكره بعد ما اشتغل بالتربيه وشاف الواقع حاول يغير ، وقدم على القطاع الخاص ، نفس المشكله واجهه بعد اغلبهم مو عارفين شنو طبيعة عمل مهندس الصناعه ، يعني مثلا قدم على بيت التمويل وبوبيان وبالمقابله سألوا باستغراب : يعني شنو يسوي مهندس صناعي!!!! ومارضوا فيه وقدم على الوطني وتقريبا كل البنوك...محد دق علىه غير بنك الخليج وعرضوا وضيفه يكون على الكاونتر....من جذي اللحين يلعن اليوم اللي درس صناعيه فيه....​

قدم بشركات كبيره ...محد دق عليه ولا عبره​

بس هذا على كلامج سنة 2002!!! يعني اتوقع الحين تغير الوضع صح؟؟!!

 

[اجياد]

بس هذا على كلامج سنة 2002!!! يعني اتوقع الحين تغير الوضع صح؟؟!!

اكيد تغير اللحين الوضع لكن .....للاسوء ....لان عدد الخريجين صار كبير جدا من الهندسه الصناعيه ، يعني على ايامه حصل التربيه تقبل فيه ، لكن على وقتنا منو بيقبل فينا!!! وترا ليومج الوكيل المساعد عندهم يقولهم انه الوكيل اللي قبله وهقنا فيكم انتو اصلا مالكم مكان عندنا​

واذا ليش يفتحون تخصصات هم مايحتاجونها !! فهو جهل بحاجة السوق ، بجانب سياسات تفيع للتجار​

شوفي لما كنت بالثانويه ، اخر سنه خذوا من كل ثانويه خمس بنات متفوقات انا كنت منهم ، سوولنا محاضره ، كانت المحاضره بالتعاون مابين مركز تدريبي اسمه جيجلز ومجلس الوزراء ، طبيعة المحاضره كانت عن انه المتفوقين لازم يتوجهون لدراسة نظم وتقنية المعلومات ، لان الكويت وعلى مدى العشرين سنه القادمه هذا اكثر تخصص محتاجه له​

 

[اجياد]

http://www.q8yat.com/t881348.html
http://www.q8yat.com/t880469.html​

شوفي هالرابطين انا كتبت فيهم عن قلقي من اني اكمل بالهندسة الصناعيه او لا​

 

[soka]

انا اعتقد اعرفج.. يعني اقصد قاريه كلامج اب سايت ثاني ..
الحين شنو قررتي... انا اقول اذا كان تخصص المعلومات اللي بكلية البنات عاجبج دخليه .. اما اذا كان بس جذي علشان اللي كانو بالندوه امدحوه .. فإن لا تدشينه! اخاف بعدين تملين منه و يصير ثقيل عليج عرفتي.. وبعدين على طاري الهندسه وانه انتي ودج هندسه.. اذا ماقدرتي صناعيه بالaum .. ترى فيه هندسة كمبيوتر بال auk و تعتبر اقرب حق بيتكم..

و صحيح ما تدرين خيره اللي صارلج .. الحمدالله على كل حال .. الحمدالله انه الحين انتي بخير و صحه وعافيه

انزين هندسة الكمبيوتر ما تعتبر ضمن تقنية المعلومات ؟؟!

 

[اجياد]

انا اعتقد اعرفج.. يعني اقصد قاريه كلامج اب سايت ثاني ..
الحين شنو قررتي... انا اقول اذا كان تخصص المعلومات اللي بكلية البنات عاجبج دخليه .. اما اذا كان بس جذي علشان اللي كانو بالندوه امدحوه .. فإن لا تدشينه! اخاف بعدين تملين منه و يصير ثقيل عليج عرفتي.. وبعدين على طاري الهندسه وانه انتي ودج هندسه.. اذا ماقدرتي صناعيه بالaum .. ترى فيه هندسة كمبيوتر بال auk و تعتبر اقرب حق بيتكم..

و صحيح ما تدرين خيره اللي صارلج .. الحمدالله على كل حال .. الحمدالله انه الحين انتي بخير و صحه وعافيه

انزين هندسة الكمبيوتر ما تعتبر ضمن تقنية المعلومات ؟؟!

الله يسلمج من كل شر.....شوفي تقنية المعلومات او علوم المعلومات جزء من هندسة الكمبيوتر ، في هندسة الكمبيوتر ياخذنه لكن بدون تعمق ، وهو يعتمد على البرمجة بالدرجه الاولى​

قبل شوي مريت كلية البنات ، قسم علوم المعلومات ، واستفسرت عن بعض التفاصيل ،التخصص عاجبني من قبل لاني قريت عنه وايد ، بس ماكانت هاينه علي نفسي وانا طول عمري متفوقه ما اكون بغير كلية الهندسه ، من جذي رحت لجامعة الشرق الاوسط.​

بالنسبه لتخصص هندسة الكمبيوتر ، بصراحه هالمجال مرغوب بكل مكان ، لكنه دراسته تعتمد على مواد الكهرباء وانا من ايام الثانويه ماكنت احب جزء الكهرباء في الفيزيا.​

وفي واحده من اهلنا معدلها 98% ودرست هندسة كمبيوتر ، تشتغل معيده حاليا بكلة الهندسه ، قالت انه هالتخصص يعتبر من اصعب تخصصات الهندسه ، وبالغصب خذت فيه الماجستير ، وانا ماحب اكون بمجال ما اقدر اتفوق فيه ، من جذي قلت اتعمق بدراسة جزء من عالم الكمبيوتر وهندسته ، واذا الله وفقني وقدرت ابدع ف أكيد بكون شي مميز فيما بعد.....والله كريم​