سؤال بخصوص صبغات الشعر...ساعدوني

[الفتاة الثلجية]

السلام عليكم

خواتي انا البارحه صبغت صبغة كولستون بني غزالي وابداً ما بينت في شعري .....جني حاطه حنا بااااااااهته

اليوم دقيت على الصالون قلت لهم البارحه صابغه في البيت عادي اجي اصبغ اليوم....انا ابي اصبغ لون فاتح بني غزالي او افكر في الاشقر....بس متخوفه من هاللون الجرئ

المهم الحرمه بالصون قالت لي عادي لو صابغه البارحه تعالى بسوى لج صبغه يديده اليوم.....بس انا متردده اقول اهي اش همها بس تبي الربح المادي....انتو اش رايكم بنات عادي اليوم اصبغ في الصالون وانا البارحه صابغه في البيت ؟

 

[& دلوعه زوجها &]

حرام عليك ياشخه هذا تااااااااجك

انتي صابغته والحين بتروحين بعد تصبغينه تدرين افضل وقت بين الصبغتين من سنتين الي اربع
فمالك انتي يوم لا حراممممم تعدمييييييينه صدقيني
جربي الحنه مع النساكفيه يمكن يصلحلك حاجه والله يعينك

 

[aloooya]

نطري على الاقل اسبوع

 

[الفتاة الثلجية]

تسلمون خواتي على الردود

 

[أماني عمري]

في شي ينحط على الشعر غير الصبغ اسمه Toner في منه درجات و أخف من الصبغ بس لا تنسين بنفس اليوم حطي انبولة ترطيب الشعر بعد الصبغ تقدرين تشترينها من الجوثن او اي محل من محلات تجهيزات الصالونات بمجمع الأذينة بالسالمية و اذا تبين اعطيج رقم صالون فيه لبنانية شاطرة و عندها ذمة

 

[Vaniela]

نطري اسبوع او عشر ايام حرااام تحرقين شعرج

 

[الفتاة الثلجية]

مشكورات الغاليات على اردودكم

 

[ضحكه طفل]

والله مادري بس لاتستعجلين

 

[blondeya-pretty]

حبيبتي آنا دااايما اصبغ اشقررررر ثلجي حيييل
بس انتي بتصبغين بني
فا عادي نطري اسبوع أو بالكثير اسبوعين وبعدين روحي ,, البني الفاتح ما يحرق الشعر بس يمكن يغيره شوي
ماكو شي يحرق الشعر اكثر من الاسود والاشقر يحرقون الشعر حررررررررررق سأليني آنا اعاني

 

[أماني عمري]

مشكورات الغاليات على اردودكم

ما سوينا شي و حاضرين

 

[pink ink]

لا استني شوية ماعليك منها تقولك تعالي مايهمها الا تكسب فلوس على حساب شعرك حرام كذا
لاتغامري بشعرك استني على الاقل شهر
الشعرة بعد الصبغة لو شفتيها بجهاز تكبير تلاقي سطحها متشقق وفيه فراغات تحتاج على الاقل شهر الى شهرين عشان تقفل وتتقبل الصبغ من جديد
مع ان الصبغ حتى بعد شهر لازم بيتسبب في ضرر للشعرة وينشفها ويخليها من الاطراف مقسومة اثنين
اما تصبغيها ثاني يوم وانتي اصلا صابغتها بصبغة العصار مرة صعبة
لو انك صابغة بالشامبو اللي موجود لاستخدام العادي بقولك روحي بعد اسبوعين
فما بالك بالصبغة العصار !!!
ترى كل صبغات العصار للمحترفين حتى لو كنتي اخذه بروكسيد بحجم صغير مجهز يكفي كمية عصار واحد للصبغة وضامنة ان التركيبة سليمة

اتركي شعرك على حاله شوية واهتمي فيه بماسك صفار البيض مع زيت الزيتون كل اسبوع لمدة شهر عشان يقويه قبل الصبغة الجديدة
والا والله شعرك بينتهي ويبهت وبتعرفي معنى الشعر النافش والفشيلة قدام الناس في المناسبات لو سويتيها في وقت قريب
خصوصا انك تبغي درجة فاتحة يعني لازم يتفتح عشان تحصلي على اللون اللي تبغيه
وشوفي عاد الصالونات واجرامهم ممكن تسوي لك حركة غلط وتخلط لك مع الصبغة بودرة تفتيح تدمر لك شعرك على الاخر
والا تسوي لك سحب لون واقعدي ابكي على شعرك كم سنة لين يرجع لطبيعته
تضطري تقصيه باستمرار وانسي الشعر الطويل الحلو لين يروح مفعول البلاوي اللي سوتها في شعرك

 

[NEW WOMEN]

ربي يعنيك بس ودي اعرف صبغة كليستون ليش ما تعطي نفس الدرجه اللي على العلبه ولوريال اوغارنيه تتقعون احسن ممكن خبيرة صبغ ترد