سؤال بالنسبه للخمريه

[منيره آل ثاني]

بسم الله الرحمن الرحيم

السلام عليكم ورحمة الله وبركاته

بنات عندي أسئله حول الخمرية
شلون نستعملها..؟
ومنو الي اخترعها..؟
وليش سميت بالخمرية..؟
وشنو مكوناتها..؟
وأي خمرية الي عند القرشي اخذها..؟
شنو اسمها..؟
بنات ابي نوع ثقيل يتم من غسله الى الغسله الثانيه
عندهم موقع إلكتروني..؟

أرجوكم جاوبو على تساؤلاتي

انتظركم:eh_s(17):

 

[mischocolat]

نحن بالامارات نسميها مخمريه لانها تتخمر بالخلطه والعطور اللي فيها تحت الارض 40 يوم وعقب نطلعها ونستخدمها وهي من الأطياب اللي توارثناها عن جداتنا
عاد ما ادري اذا انتو عندكم ايها من زمان جداتكم مثلنا واللا خذتوها عنا واختصرتو الاسم الى مخمريه ...ما اقدر اعرف هالشي
المهم : المخمريه الأصليه يسوونها من خشب العود المطحون ويا الزعفران ودهن العود واساسا تستخدم لتعطير الشعر
اللي الحين تنباع بالمحلات يحطون فيها مسك بودره ......ممكن تستخدمينها على جسمج بس ما تنفع للشعر لان المسك يبيض الشعر
وطبعا فيه محلات يخلطون ويا المسك مواد ثانيه مثل الشبه وغيرها وهالشي مب زين وأصلا ما تعرفين شو المكونات اللي حاطينها فأنصج تشترينها من الحريم الكبار اللي يسوونها بالبيوت أحسن وأضمن
وشغله ثانيه بعد الحين فيه مخمريات بروايح فرنسيه وانصحج ما تستخدمينها لشعرج ابدا ابدا لان كوناتها تختلف تماما عن الاصليه اللي تكون بدهن العود والزعفران ...تجاره وبس

 

[منيره آل ثاني]

ميس جوكليت

بسئلج الحين القرشي المخمريه يحطون فيه مسك وأي نوع عشان ما اخذه لانه فيه نوعين بالزعفران والي بدهن العود
امممم بشوف اذا عندنا في قطر يبيعون مخمريه ولا لا
مشكوره على مرورج

 

[mischocolat]

اخر مره دخلت له كان عنده نوعين واحد فيه مسك مطحون ما ادري اذا عنده غيره واللا لا

 

[laiwn]

بصراااحه انا دايم اخذ خمرياتي من العربية للعود
عندهم مخلط غروب ....خمرية فيروز رهيبه ...مخلط الحمراء
رائحتها ثابته بالشعر حتى بعد غسيل الشعر
تقبلي مروري