سؤالي هو من جربت كوي قرحة عنق الرحم

[همس الليل2009]

سؤالي هو من جربت كوي قرحة عنق الرحم هل تألم؟ وكم جلسة تسوين؟ وكم المدة تكوني ممنوعه منالمعاشرة الزوجية؟
يله ردوا علي لاتنطنشوني انا في انتظاركم

 

[البيداء_77]

انا جربته حبيبتي بنج عام وما تحسين بشي بس اذا كويتي يصير مافي جماع لين تنزل عليج الدوره اللي عقبها وهالله هالله بادوية الحريم الحسو وغيره بالدوره اللي تييج عقب الكوي ولا تسكتين عن القرحه علطول اكويها

 

[نور الوادي]

اختي وش اعراض القرحة

 

[همس الليل2009]

رد : سؤالي هو من جربت كوي قرحة عنق الرحم

البيداء_77
الله يجزاك خير ويجعله في موازين أعمالك
أختي كم جلسة سويتي أنا الدكتورة تقول جلستين

 

[همس الليل2009]

رد : رد: سؤالي هو من جربت كوي قرحة عنق الرحم

اختي وش اعراض القرحة

والله يوم اروح كنت أكشف على الرحم هل عندي ميلان أم لا
وبس قالت عندك قرحه متوسطة لازم كوي بعد الدورة

 

[السمبتيك]

انا جربته

الله يسلمج انا كنت مركبه لولب عند د نداء بوخضور

ويوم رحتلها عشان تشيله

طبعا حطت هذي البطه عشان تشيل اللولب ولا جان تقولي ويي فيج قرحه عووده

لازم اجويها

قتلها لا مابي الحين

قالتلي تبين تيين يوم ثاني ونسويلج هالعباله !1 ليش !! خليها مره وحده وافتكي

والله ماحسيت بشي الكوي بارد ، بس البطه الي تعور الصراحه

وقالتلي مافي جماع لمدة شهر

والله يزاها الله خير الدكتوره سوتلي الكوي وفكتني

انا ماكنت احس باعراض حق القرحه ، بس كان فيني افرازات وكنت متوقعه انها طبيعيه بس طلعت مو طبيعيه

 

[لوازم العائلة]

انا بعد عند دكتورة نداء
والحمدلله جويتها عندها والله كريم
وقالت نوقف جماع لمدة شهر

 

[همس الليل2009]

رد : سؤالي هو من جربت كوي قرحة عنق الرحم

السمبتيك
لوازم العائلة
الله يجزاكم خير ويجعلة في موازين حسناتكم ماقصرتو

 

[أم عزة]

رد: رد : سؤالي هو من جربت كوي قرحة عنق الرحم

انا سويتها بس من زمان وكانت جلسه واحده وما كان فيها عوار واذكر الدكتوره فى الهادى قالت لى راح ينزل عليج ماء وردى 10 ايام بس صلى وصومى (لان كان علينا رمضان ) وبالنسبه للاعراض كنت اشتكى من التهابات وفطريات متكرره واثناء الفحص قالت لى فيج قرحه كبيره

 

[أم عليوي]

انا سويتها بالكي البارد وبعد قالتلي الدكتورة القرحة كبيرة وبجلسة وحدة سوتها وقالتلي مافي جماع لمدة ١٠ايام وانا نزلت الدورة بعدها بس عطتني حبوب وقالتلي استخدم تحاميل البوثيل لمدة اسبوع وبعدها بيتادين يوم وترك والحمدالله راحت بس التحاميل قالت مافي بالكويت

 

[أم عليوي]

انا سويتها بالكي البارد وبعد قالتلي الدكتورة القرحة كبيرة وبجلسة وحدة سوتها وقالتلي مافي جماع لمدة 10ايام وانا نزلت الدورة بعدها بس عطتني حبوب وقالتلي استخدم تحاميل البوثيل لمدة اسبوع وبعدها بيتادين يوم وترك والحمدالله راحت بس التحاميل قالت مافي بالكويت

 

[بنت الشمس]

انا سويتها بنج عام عند طيبة كلينك
حسيت الم فى اخرالظهر وافرزات

 

[نيبال الايمان]

سؤالي هو من جربت كوي قرحة عنق الرحم هل تألم؟ وكم جلسة تسوين؟ وكم المدة تكوني ممنوعه منالمعاشرة الزوجية؟
يله ردوا علي لاتنطنشوني انا في انتظاركم

ياعمرى اول شى عسى الله يشافيج ويعافيج ان شاء الله ويفرح قلبج بالضنا الصالح اللهم امين يارب

ياعمرى انا جربتها من زمان حييييل تقريبا باول سنة زواج لى وكانت بسيطة حيل وتحسين بعوار الفحص بس والكى ما تحسين فيه ان شاء الله وشغلتها بسيطة وجلسة وحده بس

فلا تحاتين وسويها وتوكلى على الله والله يشافيج ان شاء الله

 

[همس الليل2009]

رد : سؤالي هو من جربت كوي قرحة عنق الرحم

مشكوووورين جميعاً على الردوود والله ماقصرتو
دمتم بود

 

[هـنوفـه البحرين]

رد : سؤالي هو من جربت كوي قرحة عنق الرحم

سويها حبيبتي لاتهملين نفسج لان مو زين اذا توصل لرحم بعدين انا سويتها من قبل 4 شهور او 5 الحمدالله رب العالمين ارتحت بعدها توقفت عن الجماع شهر ونص 6 اسابيع في بالكوي البارد والحار البارد نفس الوقت والحار بنج كامل وليمن صحيت ماحسيت بشي سويها ارتاحي ان شاء الله ماعليج الا العافيه يارب

 

[GreenRose]

سلامتج قلبي

شوفي يا الغلا القرحه اعراضها مختلفه ممكن افرازات معاها ريحه او بدون ريحه ولونها مايل للصفره ومرات ينزل دم بعد الجماع او بوقت مو وقت الدوره وآلالام بالظهر كأنها سكاكين انا على بالي عندي مشكله بظهري وهات يا مساج وعلاج طبيعي ويزيد الوجع ما ينقص

ولما رحت للدكتوره افحص عشان الحمل الدكتوره شافتها وعطتني مضادات حيويه لحين وقت الدوره الثانيه وتحاميل وسابع يوم الدوره رحت سويت الكوي البارد كان في الم شوي الصراحه على الاخص من الاله الحديديه وبعدها عطتني كريم دالاسين لمده اسبوع مع مضاد حيوي وفيتامين سي بالكالسيوم مفيد جدا عشان تلتئم الجروح ولما رحت لها بعد ١٠ ايام عطتني تحاميل البوثيل وكان ممنوع الجماع شهر كامل

وما تشوفين غير الصحه ولا تحاتين سويها بترتاحين صدقيني

 

[** باربي **]

شنو اعراضها ؟؟

 

[عبث طفله]

انا فيني قرحه بس الدكتوره قالت لي ما يحتاج كوي وقالت استعملي تحاميل البوثيل وايد زينه تقول نستخدمها بمصر وتشيل القرحه لانها عباره عن كي كيميائي وشريتها من وحده بالمنتدى وهذا انا مستمره بالعلاج وان شاء الله تروح واذا ماراحت بروح اكويها الشهر الجاي ..