سؤالي ....للجامعيات

[عدوانية والنعم]

قوة يالجامعيات بسالكم سوال انا توني متخرجة من الثانوية وانشالله بدش الجامعة سؤالي اهوة
اول يوم لازم اخب نفسي حيل يعني اتكشخ حيل واحط مكياج وجذي ولاعادي مو لازم اخب نفسي ادري سؤالي تافه بس ابي راااااااااااااااااااااااايكم بليز؟وقولي شنو اول يوم لبستو كشختوا ولا عادي حطيتوا مكياج ؟ناعم ولاوايد؟عادي احط حمرة غامجة ولافشلة لان احب الحمر الغامجة مع مكياج ناعم؟هاشرايكم

 

[عدوانية والنعم]

شدعوة محد رد؟؟؟؟

 

[Betty]

اهلين عسوله اول شي مبروك القبول
اول يوم شوي راح يكون متعب فانصحج تلبسين عملي عشان ترتاحين و بالنسبه للميكب امم ما انصحج تحطين فاونديشن خصوصا سائل راح يسيح و يخرب بشرتج اذا تبين حطي مينيرال باودر و يفضل انه يكون ناعم
اذكر كنت لابسه شي عملي و بس حاطه قلوس
واااي ايام
مادري انتي داومي و شوفي الوضع بكليتج و موفقه عسوله

 

[fun]

انا اقول لبسي عملي احسن لج انا لبست كعب و ما بقى مكان بالكليه ما رحتل له

بس عشان ادور مكان محاضرتي
و مت من وار ريولي و يومها بعد كان رطووبه اف خسنا

بس الميك اب

انا ما احط وايد بس والله كنت كاشخه

حاطه اي لاينر و قلوس

كاشخه اول يوم دواام خخخخخخخخخخخخخخخخخ

و موفقه انشالله

 

[زهرااا]

لبسي عملي
ووخري عن الكعب

 

[المـــــها]

لبسي لبس مريح و كشخة بنفس الوقت لأنج راح تدورين قاعاتج و تمشين بالكلية و تضيعين و ......


و المكياج أحسنلج يكون ناعم ،،،، و لا تكثرين فاونديشن ، تدرين الجو ما يساعد ،،
و لبسي حذاء مريح ،،

و سؤالج عن الحمره ،، حسب شخصيتج ،،،
بس حلو لما تحطينها بشكل ناعم ....


و موفقة إن شاء الله ،،،،

 

[tannooona]

مبروك القبول اولا

شوفي المكياج على حسب اذا تدرسين بكيفان ولا الخالديه انصحج لاتكثرين لان خيسة حر وبيسيح مكياجج
, اما اذا بالشويخ كيفج كشخي .. بس نصيحة الجامعه ماينفع الا الماكياج الناعم والأرواج حلاتها الفواتح يعني اول يوم لاتحطين فاقع ولا غامج

اما اللبس فأنصحج اول يوم لبسي عملي وبعدي عن الكعب لأن بتضيعين وبتدورين فبتتعبين وايد
وبعدين على حسب الدوام تشوفين اذا تقدرين تلبسين كعب ولا لا

 

[JaDeL]

مبروك ع القبول شوفي انا بكيفان وقليل البس بدل واكثر شي عبي واذبحيني ما البس كعب اما المكياج حده ناعم بس احط حماية واطقطق بودرة خفيفة وقلوس ومرات احط مسكرا ومرات لا يعني البسي عملي وفلات ومكياج ناعم وبس لان دراسة ولوية مايحتاج الخبة

 

[متميـ بكل شي ـزة]

اول شي مبروووووك القبوووول
و ترى كلية عن كلية تفرق لووووووول
نفس ما قالوا البنات اذا انتي مكان كليتج مفتوح و مشاوط .. لبسي عملي بس كشخة
و المكياج كحلة و ماسكرا و قلوس
اما اذا انتي بالادارية احم احم ههههههههههههههههههههه تعالي كاشخة و كعبج متر ما عندنا مشكلة نهائيا الحمد الله يا ربي :krkrkr:
نهائيا ما اييج شعور انج يايه تدرسين :dddds:

 

[صانعة أجيال]

كشخي بس أهم شي لاتلبسين كعب<<< حده متعب

 

[عدوانية والنعم]

مشكوووووووورين ع ارائكم انا انشالله بدش علوم اجتماعية بس عندي مادة بحقوق وااااااااااااااااااااااااااي ريحتوني يعني ما اخب نفسي وايد والله يبارك فيكم وبالتوفيق حبايبي احبكم

 

[Doodoo.star]

نصيحة الكعب لا خصوصا اول اسبوع لان بتتعبين وبتحوسين وايد لاتعوتي على الكلية ذيج الساعة لبسي لاتصرين نفسي اذكر اول يوم لبست كعب رديت البيت ابجي بالنسبة للمكياج نصيحة لاتسرين مثل البنات وايد ميكب وتخب بعمره الجامعة يبلها شي عملي وايد وبسيط وناعم وهمن بالنفس الوقت كشخة وذرب

 

[Miss.6Mo7]

شفيكم ع الادآريه

 

[عبيطه^ماتستعبط]

خلي بدلج عملية وبنفس الوقت كشخه
يعني لبسي بنطرون مع كاردقان وحزام سنع جنطه سنعه وبس
اما على الميك اب عادي احط حمره حمره ماكو مشاكل ;p

 

[شيومة العوضي]

خليج طبيعية مكياج ليش انتي مو رايحة تقزين بتروحين تدرسين شالفايدة تخربين بشرتج انا اقول حطي كريم حماية شمس اللي يكون ممزوج مع كريم الاساس و كحل و ماسكرا و طلعي و الله يوفقنا ان شاء الله ..

 

[ماري مار]

أنا من راي شيومه العوضي مالا داعي ميك أب وخربطه حلات البنت بطبيعتها وانتي رايحه تدرسين مو تكشخين لبسي عادي وحطي حمايه وانتها الموضوع ...

 

[عالمي المجنون]

نصيحة وحدة متاذية

وخري عن المكياج لان صج اذا تعودتي تحطينه

يصير فيج ادمان لازم كل يوم تحطين وتكشخين ع الاخر

خلج من الاول سنبل راحة والله

انا متحسفة قد شعر راسي لاني اكشخ وايد واتمكيج

صرت لازم كل يوم ميك اب مع ان خفيف بس تعودت عليه وكارهته بنفس الوقت

قلت لو مومتعودة من الاول جان صار الوضع عادي وارتحت

وعن الفلات انا وحدة غرامي الكعب مااعرف استغني عنه

مع ان وااايد يلبسون فلات بس التعود شين يا بنت الناس

وانا دايم عندي هالمقولة : دامي بنت خل اكشخ على راحتي

بس انصحج بالاعتدال والخفيف الناعم الي يبرز انوثتج

لان في ناس تهلق من صباح الله خير تهول بنفسها

عبالها بعرس مو جامعة

وربي يوفقج

 

[عالمي المجنون]

ونسيت اقول ترى الجامعة تشيش صج

يعني اول مادخلت كنت اللهم كحل وقلوس

بس بعدين شفت البنات الوان واشكال

تشوق اشكالها فقمت احط معاهم

" مادري شنو مع الناس عيد "

حطي خفيف وعن خاطرج اخذيلج يوم كشخي فيه

loo0ool

 

[مِـسـك]

الله يوفقج حبيبتي

انا من وجهة نظري ان الميك اب الاوفر ماله داعي لان يعطي صوره موشيء عن البنت وخاصه ان الجامعه اختلاط والكل يعرف بعض

وعندي تعقيب ثاني ياليت تقبلينه بصدر رحب

النك موكأنه شوي جريئ

ولج الحريه ,,

 

[مِـسـك]

الله يوفقج يارب

كفوا ووفوا البنات