سؤالي عن الصدقة ممكن الاجابه ؟؟

[العيوووووف]

السلام عليكم

خواتي نعرف كلنا فضل الصدقه بس حبيت احد يجاوبني علي سؤالي

اذا دفعنا حق العامل العادي مثل العمال اللي بالجمعيه يدزون العربانات

او اي عامل بالسوق او الغسال تعتبر صدقه اذا نوينها او الصدقه لفئة

معينه من الناس ؟ ومن اللي ممكن ندفعلة وتعتبر صدقة ؟

جعل الله اجابتكم والتوضيح لي في ميزان حسناتكم والف شكر​

 

[العيوووووف]

الله يرضي عنكم ويوفقكم

9 مشاهدات ولا رد واحد بس هم عندي امل في ان احد راح يجاوب

علي سؤالي ..........​

 

[RowTow]

و عليكم السلام و الرحمه

حبيبتي الصدقه مو نفس الزكاة, الزكاة لها شروط أما الصدقه فما لها.

تعطينها حق أي إنسان يصير.
و حتى الحيوانات عليها صدقه, و في كل كبد رطبه صدقه. أو كما قال صلى الله عليه و سلم.
​

 

[انا لحبيبي .]

اذا اعطيتي العامل
هادي صدقه
اي فلوس بتدفعيها هادي صدقه
اما الزكاه
فهي مثلا زكاة البقر
او زكاة الغنم او زكاة المال
مثلا اذا عندك كذا من المال لازم تزكي عليه سنويا بكذا
هادي زكاه
او زكاة الفطر
مثلا
هادي زكاه
اما العامل او واحد بيشحد فهادي صدقه
والصدقه سنه اما الزكاه واجبه
هذا والله اعلم​

 

[انسه انيقه]

توني ادري بالسالفه هذي جزاكم الله خير كلكم ​

 

[العيوووووف]

شكرا حبيباتي علي الاجابه

الزكاة انا عارفه طريقتها والحمد لله بس الصدقه فيه ناس شككوني فيها

بعتبار انها لفئه معينه من الناس مثل المحتاجين بس العمال لا ما تعتبر صدقه

وحبيت اي احد متاكد من الاجابه ينورني

وللمرة الثانيه اشكركم​

 

[الأميرة جوري]

العمال مساكين معاشاتهم 20 واذا وايد 40..تحق عليهم الصدقه..>>(((وافضل الصدقات السقي.>الماء)) لو تاخذين ماي وتتصدقين علي العمال وحتى الحيوانات لج اجرعظيم وتطفى الذنوب...والله يكتب لي ولكم الاجر يارب

 

[nodi]

غاليتي العيوووف اعتذر عن عدم امكانية الرد على الرساله الخاصة لان مشاركتي لا تسمح بعد للرد يمكننا التواصل عبر الموبايل 90063863 او الايميل لو حبيتي future.bettr على الهوت ميل

بالنسبه لموضوع السعر لن نختلف اما المده المطلوبه حسب استجابتها و التزامها بما تدرسه خلال الحصة

موفقه حبيبتي