سؤالي بخصوص الإشراف الإداري ومميزاته ؟

[mimi_el3so0ola]

سلام عليكم جميعا ً ^__^ شلونكم أبلات وشخباركم ؟؟

كل عام وانتوا بصحه وعافيه .. وعساها تكون سنة خير عليكم يا رب ^^

:

عندي استفسار بخصوص الإشراف الإداري .. شنو المطلوب من المشرفه الإداريه تسويه ؟
شلون تتعامل مع مربيات الفصول اللي هي مسئوله عنهم ؟
شلون ممكن تحافظ على جناحها بصوره حلوه وتكسب تعاون الطالبات ؟

والسؤال الأهم .. شنو مميزات الإشراف الإداري وشنو سلبياته ؟؟


أعتذر على كثرة الأسئله ... بس أتمنى ألقى إجابات شافيه لتساؤلاتي ويعطيكم العافيه معلماتنا .،​

 

[عيون سارة]

رفع
ياليت البنات يفيدونا

 

[اسمي بين الاسامي]

ماعندي فكره اااااااب

 

[سـكـر زيـادة]

رد : سؤالي بخصوص الإشراف الإداري ومميزاته ؟

الإشراف الإداري حلقة وصل بين المعلمات والطالبات بالادارة

مثلا هي مسؤولة عن تواجد الطالبات في الصفوف وعدم إحداث اي شغب

ومسؤولة عن مدى سرعة وصول المعلمات لفصولهن ( واذا تأخرت تصير فتينية وتبلغ الادارة علشان يعاقبون المعلمة المتأخرة )

طبعا مو الكل فتينيات البعض

من مميزاتها انها تكون محبوبة عند الادارة ،

ما تاخذ حصص اخيرة ولا أولى


هذا اللي اعرفه

 

[james546613]

من مزاياها ان هناك نوع من المعامله السبشل في الادارة من ناحية الاستذان والتساهيل ...وممكن يرفع من المشرفة المناوبه الاسبوعية ت شقردية مثل انها تعمل مسابقة انظف فصل في جناحها ...اعقل صف ...اسرع معلمة توصل مبكر لحصصها في جناحها فتصير مشرفة متميزة ...واهم شي ...تبني علاقة طيبة مع طالبتها واذا كانت تمون وتسمح ادارة المدرسة بتجميع فلوس من البنات لتجميل او صبغ الفصل مع مسابقة اجمل صف ...... ولاتنسي لاتفتن على المعلمات المتاخرات خلي الادارة تكشفهم

 

[Turquoiseya]

اخذته مرة وتوبت

اسرع وسيلة للكبر بالعمر والشكل

ومشاكله ماتخلص
واذا تسرتي على الابلة اعتبرتج الادارة متساهلة ومتسيبة
جزء من وقت حصتج يضيع لانج قاعدة تشرفين على جناح كامل وماتدخلين الحصة الا وكل شيء اوكي
واذا دخلتي حصتج اتكونين تعبانة

اتجيكين على الابلات المناوبات بالفرصة وتفرين على اماكن المناوبة
ولازم تكونين متواجدة قبل الساعة 7 اذا كان هذا اليوم اهو المخصص لمراقبة مناوباتج
مسؤولية الدرجات النهائية عليج ولازم اتراجعين كل فصول الجناح اللي انتي مشرفة عليه

ميزاته : يقولون انج اتحصلين امتياز! اخذته وماشفت امتياز
ممكن يتساهلون معاج بالاستئذان 00 يعني مايحققون معاج اذا طلبتي استئذان

الاشراف الاداري اللي ماسكينه عندنا اهم المعلمات الوافدات لان الكويتيات يرفضونه

 

[أحاسيس ومشاعر]

رد : سؤالي بخصوص الإشراف الإداري ومميزاته ؟

حوسه وعوار راس اذا تبين راحتج ارفضيه

 

[يا بختي^كويتية]

الوع الجبد تعب و شقى و مشاكل
ما ترتاحين من الجرس لازم تركضين لي الجناح ولا بصير فوضى
و الاداره بدال ما تعور راسها و تعاقب البنات تعاقب المشرفه انها مو شايفة شغلها
دايما تتاخرين عن حصتج لانج تنطرين المعلمات على ما ايون حصصهم عاد انتي و حظج يو مبجر و لا حصلهم ظرف و تاخرو
و هم لازم اتبلغين معلمات الاحتياط اذا ما عندهم خبر او معترضين
و الصبح لازم المشرفة توصل مبجر و توقف و ترتب جناحها للطابور و تتاكد من تواجد كل معلمه مع فصلها
يعني تعب تعب و ماني شايفه ان له اي امتيازات
يعطونج احتياط عادي و مطلوب منج الانشطه و الاجازات حالج حال كل المعلمات [/b][/b][/b][/b]

 

[mimi_el3so0ola]

لووووووووووووووولز حبطتوني P; مشكورين بنات ماقصرتوا

شكرا جزيلا حبيبتي " إطلالة قمر " ع الشرح الوافي ~[; والله ماقصرتي غلاآتي .،

وأشكرج خيتوو " james546613 " ^.^ ربي يعطيج الصحه والعافيه قلب .،

لوووووووووولز " Turquoiseya " ضحكتيني على سالفة أسرع وسيله للكبر ~P; عاد انا يبيلي لأن شكلي نتفه خخخخخخ

وتانكس ألوووت " أحاسيس ومشاعر " ع الرد والمشاركه قلبووو (=

& يسلمووو " يابختي^كويتيه " والله ماقصرتي حبي ^_^ وآنا حدي متخوفه إني اغلط وينقلب كل شي ضدي =\


مشكوووووووووورين بنات ماقصرتوا والله على هالمبادرة الطيبه منكم ^^
.. عساكم ع القوه خواتي ((=

 

[))M N((]

رد : سؤالي بخصوص الإشراف الإداري ومميزاته ؟

تعب تعب تعب
خذيته مره ولعبت فيني الشمس لعب تعبت بشرتي حتى لو في مظلات
أنا رفضته هالسنه

 

[مسك وطيب]

رد : سؤالي بخصوص الإشراف الإداري ومميزاته ؟

مميزاته :: كثرة الحركة تصيرين مثل النحلة بس تدورين من صف إلى صف وتعالي جمعي البنات ودخليهم وياسلام لو كانوا إبتدائي وصبيان بعد كملت وهالميزه تفيدج إذا كنتي تدورين الرشاقة ,,,
- تكونين علاقات طيبه مع بعض المدرسات ,,, ولو ان الاغلبية مايحبون المشرفه لان ممكن تفتن عليهم إذا تأخروا

سلبياته :: تعب وضغط زياده على حصصج و تكونين مسؤوليه عن شهادات البنات ومراجعتهم مع المربيات ,,, وقفتج بالطابور ولازم تحضرين مبجر وماتنصرفين من الطابور إلا إذا تحرك اخر صف

والله يكتب لج الخيره

 

[ساندريلا]

عيوبه : انج تكوني بالويه ااي غلطه تصير بالجناح تكونين انتي بالويه تعب موطبيعي ولوعه وعوار راس اذا صرتي صرمه كرهوج المدرسات واذا صرتي متساهله الاداره يحاسبونج
خذيته مره وتبت ماعطوني ولاميزه بالعكس تحقيق مو طبيعي كل مابغيت منهم شي


مميزاته:1- تصيرين رشيقه من كثر ماتروحين وتردين
2- تان رباني