سؤالى عن نوع معين من الحفاظات ؟؟؟؟

[باونتى]

شلونكم يا أمهات .. انا ان شاء الله بسافر ومعاى ولدى وعمره سنه و7 أشهر , بغيت أسأل عن الحفاظات انا أتذكر قبل فى نوع من حفاظات بامبرز شكله سروال ولمن بتبدلين اليهال الحفاظه تبطلينه على جنب يعنى جنج تشقينه شكلها وااايد مريح ورحت الجمعيه امس ادور ماااااا لقيت بصراحه هالنوع ينفع حق السفر .. اللى تعرف فى من هالنوع بس مو بامبرز يا ريت تفيدنى جزاكم الله ألف خير .

وعندى استفسار ثانى : ولدى يحتاج لعربانه ؟؟

 

[لازوردي]

السلام عليكم

حبيبتي البامبرز اللي تقولين عنه اهو دارلينغ انا ماخذه منه و اهو زين بس لازم اتعرفين وزن البيبي عدل علشان مايسرب معاج..... و بخصوص العربانه ترا ضروري لأنه السفر فيه مشي و ترا الياهل يتعب من المشي فا احسن لكم العربانه علشان اذا حس بالتعب يقدر يقعد و يرتاح و لا تبتلشون بالشيل ....


و انشالله اتروحون و تستانسون و ترجعون بالسلامه يارب ...​

 

[باونتى]

مشكوووووووووووره يالغاليه وما قصرتى .. وبروح أشوف دارلينغ .. مشكوووووووووره مره ثانيه

 

[نونه الكتكوته]

السلام عليكم ورحمة الله وبركاته:

انا ام وعندي بنتي توها داشه 8 شهور.. وبالنسبه للحفاظات البامبرز كلش مايمشي معاها لانها حساسه جدا..
وصرت استخدم لها موني وااااايد مريحه وواااااااايد زينه .. بس للأسف حاليا مقطوعه... وصرت استخدم دارليز وصارلها حاليا اسبوعين .. انا اشوف انها زيينه ومقاربه لموني .. بس موني روووووعه ... على فكره امي كانت تستخدم لي موني واختي دارليز يعني عن تجربه امهاتنا فينا

 

[لازوردي]

حبيبتي ترا موني موجود بجمعيتنا تعالي جمعية قرطبه و انشالله اتحصلينه و هم روحي مركز سلطان اتحصلين منه انا استخدمه حق ولدي و الصراحه اهو ممتاز وايد حلو و اذكر الدكتوره عفاف الرومي اهي اللي انصحتني فيه قالت احسن انواع البامبرز موني و ليبرو و ترا هم دارلينغ زين ب انا استخدم الحين نوع اللي يصير جنه اندر وير بس بانهار علشان اهيئ ولدي علشان يروح الحمام ......​

 

[بناتي زينة حياتي]

انا مفكره اجرب هالنوع لبنتي بس للحين مارحت اشوفهم فماعندي فكره اذا موجودين او لا

والعربانه اخذيها اريح لج حتى اذا نام ولدج ماتحاتين

وتروحون وتردون بالسلامه

 

[باونتى]

مشكورييين يا قلبى وما قصرتوا وان شاء الله اليوم بمر جمعية بيان وتسلموووووووووون لى

 

[marno]

اختي النوع اللي تتكلمين عنه اسمه كلوت وفي ماركات وايد انا استخدم حق ولدي وقت النوم لاني احسه اريح من الحفاظه والماركه اللي استخدمها " هجيز " واهو منتج اوروبي بس على فكره الكلوت اغلى من الحفاظه .
بالنسبه للعربانه انا اشوفها ضروريه لان الياهل يتعب من المشي وتريحج من شيلة الكياس وجنطة ولدج وهم يحتاجها لما ينام خصوصا ان انتوا في سفر يعني اغلب اليوم طالعين بس نصيحه اخذيلج عربانه خفيفه وتنصفط بسهوله وعلى فكره اذا كانت عربانتج خفيفه مو من الكبار اللي لي انصفطت ماجنها منصفطه يدخلونها معاج الطياره اذا بغيتيها انا سافرت مع ولدي وكان 5 اشهر وانفعتني لي شريت شي علقته عليها .

 

[دلـــوعة^أبـــوها]

والله انا استخدم حق بنتي ليبروو وايد زين

وحتى لو تاخرتي مابدلتها جم ساعة عادي الكريم يكون موجود


بشرتها مااستحملت لا دارلينج ولا بامبرز