سؤال؟ منو تجاوبني مهم لفئة من المتزوجات

[NaYoob]

السلام عليكم

انا ماعندي مشكله وبالاساس مو متزوجه

طره على باللي سؤال ويمكن يفيد فئة من

المتزوجات في المنتدى


اذا وحده كويتية خذت واحد غير كويتي

يحمل جنسيه ثانيه ويابت منه عيال وتوفي الريال

هل من حق العيال بعد وفاة الابو ياخذون الجنسية

الكويتيه ؟ هل في قانون جذي بالكويت؟

 

[شــــــــــــــوقــــه]

اعتقد اي لان اذا تطلقت منه يقدرون ياخذون الجنسية اكيد نفس الشي بالنسبة للوفاة

مادري اذا غيروا هالقرار ولا لا عقب ما غيروا سالفة الكويتي الي ياخذ غير كويتية

كانت على طول تتجنس اذا تبي و حتى لو طلقها ما تنسحب بس الحين تغير

 

[مناير ...!]

ماعندي فكره

 

[حروف من ذهب*]

اعتقد يأخذون الجنسية

 

[سندس 90]

شووفي اهم يقولووون بيعطونهم
لكن وبصريح العباره اقوولج " يمشوون بوزهم " ماراح ياخذونها


ادري بتقولين ليش جذي صريحه
لاني عايشه بوسط مجتمع جذي واشووف بعيني

أما سالفة الغير كويتيه اللي تاخذ كويتي " تاخذ الجنسيه " واللي تقول لا ماتاخذها مجرررد إشاااعه


والله يرزق الجميع يااارب

 

[يتيمة جابر العز]

حبيبتي احلمي ده كان زماااااااان

الله يرحم قبل الكويتي إذا تزوج الغير كويتيه أو عربيه أو خليجية أن شاء الله هنديه يعطونهم جنسيه

لكن من بعد قرار ٢٠٠٣ التجنيس بالحسره

يعني الي تقولج يعطونهم جنسيه هذه ياحليلها عندها امل بصيص

لكن المطلقة أو الارمله إذا زوحها الغير كويتي قبل يعطون لكن الحين صعبوووووووها جداً

 

[حبيبي مالكني]

اب اب
البنات ماقصروا

 

[منال $]

يعطيهم العافيةالبنات جاوبوكي عاسؤالك

 

[Mrs. AL Ajmi]

حسب القانون ايه يعطون. وتوه الحين مجنسين مجموعه كبيره من ابناء الكويتيات الارامل.
واللي تقول ما يجنسون زوجات الكويتين, اقولها امبلا. همن توه جنسوا مجموعه كبيره بس صعبوها عن اول. يعني لازم ما يكون طلقها ولا مره, عندهم عيال وصارلهم قريب ال 10 سنين مع بعض.

 

[الشهد كله]

الكويتية زوجة الغير كويتي بعد وفاته عيالها يحصلون على جنسية كويتية​

 

[كويتيه مذهله 87]

اي ياخذونهاا

 

[DeSeRt RoZe]

ممكن ياخذون الجنسية اذا كانو بدون ( غير محددي الجنسية)

بس اذا كانو حاملين جنسية ثانية مثل ما تقولين انه عنده جنسية غير كويتية لا مستحيل ياخذون جنسيتين

بيظلون على جنسية ابوهم

 

[Mrs. AL Ajmi]

Dezert Rose لا حبيبتي حتى لو يحملون جنسيه ثنيه ياخذونها. بس لازم يتنازلون عن الجنسيه الاصليه. انا رفيجتي اردنيه وامها كويتيه. توه من جم شهر خذت الكويتيه لان ابوها متوفي بس تنازلت عن الجنسيه الاردنيه. لا تفتون اذا ما تعرفون. قولوا ما اعرف وخلص

 

[pusy cat]

اي بس يعزرون فيهم يالله ياخذونها

 

[كليـ دلعـ]

الصراحه مالهم حق فيها

شكو!

يتجنسون ع امهم خير ان شالله

خلاص اهي مواخذت مصري

اخذت سوري

اخذت اردني

اخذت اخذت


خلاص خل ترضى بديره ريلها وتقتنع ان عيالها

ماهم كويتين

موتاخذ لها عربي وتالي ترفض ديرته وجنسيته!

والله حراام ولالهم حق!

مسكينه ديرتنااا عومه ماكوله مذمومه

!

 

[Miss Minne]

مالهم حق يتجنسون على ابوهم

 

[مولاي الفرج]

والله مادري وبالنسبه لغير محددي الجنسيه الابو متوفي والام كويتيه وماشفت عيالهم خذوو بس البنات على ازواجهم

 

[كويتيه شماليه]

كلي دلع ردج زعلني عليج

ليش اهي ما تبي تجنس زوجها تخليه كويتي
مثل ما لكويتي يجنس زوجته بالاوراق كويتيه واللهجه ركيكه

الكويتيه تبي لعيالها وهذا نصيبها

 

[queen92]

الصراحه مالهم حق فيها

شكو!

يتجنسون ع امهم خير ان شالله

خلاص اهي مواخذت مصري

اخذت سوري

اخذت اردني

اخذت اخذت


خلاص خل ترضى بديره ريلها وتقتنع ان عيالها

ماهم كويتين

موتاخذ لها عربي وتالي ترفض ديرته وجنسيته!

والله حراام ولالهم حق!

مسكينه ديرتنااا عومه ماكوله مذمومه

!

اي والله صح كلاامج

 

[حنانو 89]

الي تقول ليش عيالها ياخذون الجنسيه شكو وخل ترضي... اقولها ان القانون يشوف المراة والرجل علي اساس المواطنه مو علي اساس الجنس والنوع يعني الكويتي الي متزوج غير كويتيه وعياله يصيرون كويتين هم بعد لازم الكويتيه عيالها ياخذون الجنسيه او علي الاقل يتخيرون سواء يبون او لا.. ليش اهو عادي واهي لا هذا قانون يمشي بالمسطره مو مني عادي شنو يعني وهني لا مايصير ولا الكويتي خايف ان المرا الكويتيه اذا عيالها تجنسوا راح تتزوج بو عيون زرقاء وخضرا واهو بيعنس ههههههههه هذا راي