سؤااال ؟

[شادن33]

منو الأهم :eh_s(10): عند ريلج انتي ولا العيال؟يعني باسلوب ثاني منو يبدي اول طلباتج ولا طلبات اليهال ؟واذا كانت الاجابه انت الاهم هل هذا معناه ان معزتج اكبر من اعياله والعكس صحيح!! *

 

[شادن33]

ادري بتقولون شنوها السؤال بس انا ابي احساس كل وحدة؟ لان عند خوات ثنتين وكل وحده ريلها شكل؟!

 

[دندونه@@@]

العيال اول وبعدين انا


لكن اكيد ما اتضايق لان حتى انا ابدي العيال على ابوهم لانهم صغار واحنا مسئولين عنهم ومتى ما اعتمدوا على نفسهم اكيد ابوهم يصير اولى منهم لانه احوج منهم لي

اما المعزه مالها شغل لاني واثقه بحبه لنا ومعزتنا عنده لكن الاولويات تحتم علينا نبدي العيال اول ونلبي طلباتهم

 

[دموع واهات]

انا عن نفسي بنفس مستوى اذا طلبت شي او طلبت لعيالي شي بنفس الوقت يسويهم بوقت واحد طبعا لاني مزعجه وهو شاري مخه

 

[شادن33]

انا عن نفسي بنفس مستوى اذا طلبت شي او طلبت لعيالي شي بنفس الوقت يسويهم بوقت واحد طبعا لاني مزعجه وهو شاري مخه

الله يخليه لكم شاكره مرورج

 

[شادن33]

العيال اول وبعدين انا


لكن اكيد ما اتضايق لان حتى انا ابدي العيال على ابوهم لانهم صغار واحنا مسئولين عنهم ومتى ما اعتمدوا على نفسهم اكيد ابوهم يصير اولى منهم لانه احوج منهم لي

اما المعزه مالها شغل لاني واثقه بحبه لنا ومعزتنا عنده لكن الاولويات تحتم علينا نبدي العيال اول ونلبي طلباتهم

انا ساعات نفسج انحاول انبدي العيال بالاول وانا أحط ابخاطري بس بعد فتره اللي ابيه وطالبته اييبلي اياه واكثر مافيني صبر الله المستعان

 

[حبيبي مالكني]

شوفي احس هالشي ماله علاقه بالمعزه
بس انا وريلي متفقين ان اليهال اهم اول اولوياتنا
يعني ان قصر على عمرنا ولا نقصر عليهم

 

[قلبي القرآن]

هذا ماله شغل بالمعزه أكيد انه يحبني ويحب عياله
لأن لولا الأم ماكان راح يكون عنده عيال ولو ما عنده عيال منو بيشيل اسمة
ثاني شي الأبو والأم كبار وكل واحد يقدر يلبي طلباته اذا الثاني مشغول
بس العيال منو لهم غيرنا وانا أشوف زوجي يلبي طلباتي وطلبات بنتي
بس اذا تعارض طلبي مع طلب البنت أكيد ببدي بنتي من غير لا هو يسوي

 

[شادن33]

حبيبي مالكني وقلبي القران شاكره مروركم

 

[زبده جلوه]

انا والعيال واحد ولا افكر بسوالف هاذي الصراحه مو مهمه في حياتي لااني لو افكر في الامور هاذي راح يدخل الشيطان في حياتي بيني وبين زوجي وتصير مشاكل تافهه والشيطان حريص جدا

يعني ليش ازعل واتضايق ستغفر الله خواتي لزم نكبر عقولنا ترا هاذي من مداخل الشيطان علي بيتج احذري منها
الرجال قاعد نفعنا كلنا انا وعيالي حتي لو قصر عادي اعذره

شكرا

 

[سكنات الليل]

اكيد العيال مو لشئ بس لانهم مايتنازلون وراح يعورون راسه

 

[قل علها خيره]

آآآآآآآآآآآآآآآآآآآآآب

 

[شادن33]

انا والعيال واحد ولا افكر بسوالف هاذي الصراحه مو مهمه في حياتي لااني لو افكر في الامور هاذي راح يدخل الشيطان في حياتي بيني وبين زوجي وتصير مشاكل تافهه والشيطان حريص جدا

يعني ليش ازعل واتضايق ستغفر الله خواتي لزم نكبر عقولنا ترا هاذي من مداخل الشيطان علي بيتج احذري منها
الرجال قاعد نفعنا كلنا انا وعيالي حتي لو قصر عادي اعذره

شكرا

صاجه والله اختي

 

[شادن33]

اكيد العيال مو لشئ بس لانهم مايتنازلون وراح يعورون راسه

اكيد كثره الزن تييب فايده:rerrerek:

 

[شادن33]

علها خير حبيبتي مشكوره عل اب

 

[أم ميميتو]

انا احس نفس الشي مافي فرق ما يبدي طلبات ولدي علي ولا طلباتي على ولدي بس انا ابدي طلبات ولدي علي

 

[شادن33]

ام ميميتو شاكره مرورج

 

[شرغوفة]

السلاام عليكم ورحمة الله​

​

انا عند ريلي اناا الاهم اهوو يقوول جذي دايمااا يقوول انتي الخير والبركة وبعدين اليهال وطبعاا اول طلبااتي وبعدين يسألني عن طلباات اعيالي والحمدالله​

 

[كليـ دلعـ]

هلاحبيبتي


اذا تقصدين مقاضي السوق

وشنو نبي وناقصنا

يبديني انا

بعدين بناتي!

لانه متعود من قبل لاايبهم

ع الحوسه معاي

اما اذا تقصدين

مثلا اغراض الجمعيه

او مثلا مطعم اوشي

يعني مثلا ندق مر المطعم الفلاني ييب كذا

لفلانه وانا ابي من الفلاني

ف اييب اغراضنا مع بعض

فديته

ماعمري طلبته وقصر

عسا مايقصر يومه

بس مادري احس مالها علاقه بالغلا والمعزه

لانه يحب همن بناته حيييييييل

ومايرفض لهم طلب

 

[شادن33]

شرغوفه وكلي دلع الله يسخر لكم رياييلكم وكلي دلع انا اقصد كل الطلبات مو شي محدد