سؤاااال لكل مطلقه وردت عاشت عند اهلها

[cheese cake 84]

شلووووووون معامله اهلج لج عقب ماتطلقتي ورديتي عشتي بالبيت عندهم قامو يدققون بالطلعه باللبس تحسين وجودج مثقل عليهم انا اقولكم سبب هالسؤال رفيجتي مطلقه وعندها ولد صغير تقول اول امي قبل لا اتزوج عادي اروح وارد بس نا اتاخر واخواني عادي من تطلقت واهلها وكل الناس تدري انها تطلقت ظلم وريلها حشاكم زباله تقول صاروا عالفرع يدققون وين رايحه وين يايه كثرت طلعاتج تقول حااز بخاطري فوق اللي شفته ويه ريلي وحياتي معاه ارد بيت اهلي ويعاملوني جذي يبه انا مطلقه مو زانيه:eh_s(11): صج كلامها يالهال هذي بنتكم واذا تطلقت نهايه الدنيا بالعكس كلشي ربج يسويه يكون فيه بدال الخيره الف خيره وانتو مربين بنتكم وعارفينها عشان تطلقت صارت عار عليكم والله ان في اهل استغفر الله جنهم اعداء

 

[عادت ذكرياتي]

ترى هذي مطلقة وعادي مو عيييييييييييييب
لي متى الناس نظرتهم ما أدري شلون صايرة!!
الطلاق ممكن يكون مشكلة وممكن يكون حل
وهذا بالأخير قضاء وقدر واللي يحاول يقدح بالمطلقة أو يتحجى عليها ربي يبليه ويوريه بأحبابه
شنو هالأهل !!!!! وين الثقافة!!!
الثقافة مو بس ورق وقلم
الثقافة إننا نرتقي بتفكيرنا وأسلوبنا
صح حبوبة!!!

الله يصبر رفيجتج يارب والله يرزقها ويجبر بخاطرها ياااااااارب

 

[النشبه88]

لا حول ولا قوة الا بالله .. ليش التفكير هذا واهما يدرون انه ريلها غلط بحقها .. مو كل الناس يتوفقون بزواجهم واهيا خيره لها انها ابتعدت عنه ..انا اللي حواليي اعرف جم وحده تطلقت بس ما احس انه اهلهم يضغطون عليهم جذي ... مادري اذا تغيرت المعامله
بس انشالله يخفون على رفيجتج وخصوصا انه الانفصال صار شي عادي ومتكرر بكل عايلة

 

[ريتااجي]

رد : سؤاااال لكل مطلقه وردت عاشت عند اهلها

والله أختي مطلقة وعااادي تروح السوق وتروح أي مكان تبيه

أهلي مايقولون لها شي

 

[( مي )]

ياربي كل شي يتطور ويتغير
والناس تتطور بكل شي أجهزتها ،، لبسها ،، تعليمها ،، حتى شكلها

مع هذا

يضل التفكير مغبر ومصدي في بعض الأمور من عصر الديناصورات !!!!!!!

 

[جـــواهر]

للاسف هالشي يرجع لتفكير الاهل
واللي اهلها جذي تمسح الطلاق من تفكيرها
مهما كاااااان زوجها المثل يقول ظل رجال ولا ظل حيطه
بلعنته دام انه زباله تخليه زوج بالاسم ولا انها تنظلم وتظلم عيالها معاها
حتي لو كانو اهلها مفتحين ... وماعندهم هالحزازيات .. الاهل مايدومون لها
والرجال مهما كلن مرده يتعدل ومرده لبيته ..

عسالله يعينها ويرزقها بالزوج عن قريب ان شاء الله

 

[بهبهانيه]

رد : سؤاااال لكل مطلقه وردت عاشت عند اهلها

شكو يعاملونها بهالطريه والله حرام
بس شو نقول حتى لو تكلمنا من الحين لين باجر
مايغيير شي من طريقة الأهل
يعني المسكينه يلي فيها كافيها بعد ناقصها تشدد الأهل
والله حرام بدل ما يفتحو قلوبهم لبنتهم ويحضنوها عشان يحسسوها بالأمان ....
لا يعيشوها بالفهر النفسي والتشدد والتعصب بدون اي تفكير بمشاعرها او حتى عطف عليها
للأسف في أهل من معاملتهم وأنانيتهم بنتهم تفضل تعيش بالزل والقهر ولا انها تعيش معهم
وكأن البنت بعد ما تتطلق لازم تعيش بالزل وتتحمل الكلام الازع والي يوجع اكثر من الرصاص
وكأنها قبل كانت بشر والحين هي مو من البشر ما في مراعاة لمشاعرها تعيش مكسورة الخاطر
مع العلم انو الزمن تغير والمطلقه عادي الرجل الحين البنت يلي بيحبها بياخدها حتى لو عندها خمس اولاد او مطلقه اربع مرات او ارمله او شنو كانت المطلقه هي بالنهايه انسانه ولها قلب بينبض للحياة
بس للأسف شو نسوي بالأهل الي ما يقدرون بعد مصيبتها يقتلون كل أمل عندها للحياة والبدء من جديد

والله في بنات تفضل تعيش بلزل والقهر مع زوجها ولا انها ترد بيت اهلها لأنها عارفه ان بينتظرها الأعظم
والمزله يوم تكون من الزوج تقدر البنت تتحملها لانه بيبقى غريب وما بيعطف او يحن عليها
لكن المزله من الأهل الي هم لحمك ودمك هي الي ما تنحمل
انا ما اتكلم بس عن رفيجتك اتكلم بشكل عام لأن فيه بعد أصعب من حالة رفيجتك وما وقفت بس على الطلعات
والله يصبر قلبها والله من قلبي اقولها

 

[واصله]

اي والله مادري ليش هالتفكير
الحين البنت لي تطلقت خاصة اذا عندها عيال تسكن بشقة مع عيالها وتفك عمرها
هذا اللي قاعدة اشوفة الحين

 

[بدر روحي]

رد : سؤاااال لكل مطلقه وردت عاشت عند اهلها

راح اتكلم عن تجربه وبقول لكم أن الدنيا كلها اتغير وتطور الا نظرتهم للمطلقه لسببين
اولا انها الحين مو بنت خلاص ما راح تخاف علي شي
ثانيا انها جربت الزواج والمعاشره الجنسيه واخاف تحن وتحاول تغلط
مع ان اللي تخاف ربها سواء بنت او مطلقه مستحيل تغلط والعكس صحيح
ولا تنسون ان بمجتمعنا الحرمه اذا سنعه اتحمل حتي لو كان زوجها موزين و راح يحسسونك بالذنب

 

[روحي زوجي]

رد : سؤاااال لكل مطلقه وردت عاشت عند اهلها

راح اتكلم عن تجربه وبقول لكم أن الدنيا كلها اتغير وتطور الا نظرتهم للمطلقه لسببين
اولا انها الحين مو بنت خلاص ما راح تخاف علي شي
ثانيا انها جربت الزواج والمعاشره الجنسيه واخاف تحن وتحاول تغلط
مع ان اللي تخاف ربها سواء بنت او مطلقه مستحيل تغلط والعكس صحيح
ولا تنسون ان بمجتمعنا الحرمه اذا سنعه اتحمل حتي لو كان زوجها موزين و راح يحسسونك بالذنب

انا معاج بالشي هذا :eh_s(8):

 

[*غرور انثى*]

رد : سؤاااال لكل مطلقه وردت عاشت عند اهلها

فتره وتعدي ان شاء الله
الله يعوضها احسن منه

 

[غنوة ستايل]

اي قلبي عيل شتراوالهم
عيل الحريم تصبر على رجالها ليش ؟ ؟

بس اتوقع الحين بالبدايه لان توها مطلقه .. خليها يمكن بعد جم شهر تتغير الامور

 

[غزاله شارده]

رد : سؤاااال لكل مطلقه وردت عاشت عند اهلها

حرام والله
البنت يوم تطلق تحس بالتعاسه والحزن وما يفرح قلبها اي شي بالدني
يبيلها وقت لين ما تتخطى المحنه وترد لحياتها الطبيعيه
وهم بعد ولدها وقلبها اكيد بيتقطع عليه
مو ناقصها اهلها بعد

 

[الرماسيه]

رد : سؤاااال لكل مطلقه وردت عاشت عند اهلها

ااااااااااه

انا اعتقد اكثر الحريم عندهم كبرياء ليش مايرجعون حق ازواجهم مو احسلهم من الطلاق والتفكك وتتم من غير زوج

 

[To0o7a]

والله يا حبيبتي مو شرط .. هذا يكون على حسب الاهل والبيئة
انا بنفس اليوم اللي تطلقت فيه رحت تغديت برا واستانست لان لو مو متطلقة جان الله يعلم بحالي الحين

حمدالله على كل حال

 

[*peace*]

مسكينه

الله يعوضها يارب ويسخر لها اهلها

 

[غلا ستايل]

الصبر الصبر كلمه للمطلقات تحملي شتسوين هذول اهلج
ويخافون عليج ويخافون على نظرات الناس لج

 

[DooLy88]

والله الطلااااااااااااق حلال
حلااااااااااااااااااااااااااااال

وفيه راحة لوايد من الزوجات اللي جايفين الظلم مع ازواجهم اللي مثل الحمير عزج الله حتى لو عندها منه درزن يهال بعد ترتاح منه
عاد الناس وتفكيرها الحمدلله والشكر

انا الله لايقول لو اني مطلقة - ويتحكمون فيني جذي @@ والله بطلع لساني كله والعلع بعالي الصوت واقول انا مطلقة مو .@#$ اوكي ؟

هه اي والله

اصلا هالاهل ماهمهم الا كلام الناس اللي مايخلص - اهم شي كلام الناس وتعب وذل البنت المطلقة

 

[مفرفشه عالاخر]

مادري ليش هالنظره المتخلفه عن المطلقه حتى عند الحضر نفس االشي انصدمت حييييييييييل

الحين الناس تطورت وصار عادي مافيها شي وجماعتنا فيهم مطلقات ويروحون ويطلعون وعااااااادي

احس هالتفكير انقرض بس بعض الناس تحاول ترده

خلااااااااااااااص هالسوالف قضى عليها الدهر بس الناس تحب تطلع العيب وتغتنم الفرص اعوووووووذ بالللله

 

[احلا برقاويه]

رد : سؤاااال لكل مطلقه وردت عاشت عند اهلها

فتره وتعدي ان شاء الله
الله يعوضها احسن منه