زين الأتات ودكتور الجلدية

[مرت ريلي]

قوة بنات

تذكرون الجم موضوع اللي حطيتهم عن دكتوري
مال الجلدية اللبناني د. اميل تابت، لاحظت في
وايد بنات يسألون عن منتجات زين الأتات، لما
رحنا حق الدكتور كانت معاي أمي فقالت له شوف
ويهي بالمرة قالها شنو تستعملين قالت من ييت
لبنان قاعدة أجرب كريم من كريماته تخيلوا شنو
قالها؟؟ قال "هلأ هو بيعمل هالكريمات من أعشاب
وزرع بياخدها من الغابة وهالزرع بيمشوا عليه على
قولته "خواريف" (عزكم الله) وبيوسخوا" طبعا لوع
جبودنا وضحكنا انا وأمي على طريقته بس كلامه
صح ترا فكروا فيها ما شفت انا للحين أحد استعمل
البرودكتس ملوته ويابوا نتيجة كلش ما حبيته والله

 

[قبوله]

موقع خبير الأعشاب ..زين الاتات

موقع يتحدث عن منتجات خبير الاعشاب زين الاتات
انشالله تلقوا فيه الفائدة
وانا شخصيا اشجع على شراء منتجاته لانها فعالة ورائعة

http://www.zeinalatat.com/

تحياتي​

 

[سحر الليالي]

مو كل الناسيفيدهم زين الاتات

 

[شيهانه]

مرات يقنعني ومرات اخاف منه

 

[مرت ريلي]

اشدراكم من وين ماخذ البلاوي اللي يسوي منها الكريمات وشلون يسويها ؟؟

مشكورين عالمرور

 

[supermarket]

بالعكس انا ماخذه مجموعة تقشير الويه

كل من قالي ويهج رااد شمسوية

وناوية استعمله مرة ثانية بس خل يبرد الجو

ومشكووورة على المعلومة

 

[مرت ريلي]

الحمدالله ان ياب نتايج معاج

 

[SILVER ROSE]

شدعوة مكو مايولا سوالف تعقيم.؟يعني الخيار والطماط مايسون عليه الخرفان والقطاوة؟؟ الظاهر الدكتور طاح سوقه















بعد الله عرفناه بالعقل

 

[مرت ريلي]

واشدراج انه يعقم ما يعقم ما تدرين خو !!

 

[طيف ااالكويت]

الله المستعاااااااان
يمكن هالدكتووور بيخرف لانه مو كل دكتور دكتور امااا بخصووص زين الاتااات ناس فادهم وناااس ولاااا شي سوالهم
فمانقدر نظلمه

 

[pink-rose]

ِمو شرط ان الي ما يضبط معاج ما يضبط مع الناس الثانين!!!
وبعدين مو معقوله ان زين الاتات ما يعقم منتجاته!!! ------ يعني مو معقوله ياخذ زرع او اعشاب وعلي طول يقطعه ويخلطه مع الكريمات ويطلع منتج ويحط عليه لصقة مكتوب عليها زين الاتات

انا الصراحه وحده اشجع الرجوع للمنتجات الطبيعية--- ما كو احلا من الطبيعه--- بعد هالامراض زايده هاليومين الله يكفينه الشر.ِ

 

[ميممو]

يعني الاشياء الي نيبها من الحواي معطرة ومعقمة كلها وصلنا للفسوخ عشان التجميل ومدري شنو
بس اكيد لو انه فيها ضرر ما تدخل الكويت وين وزارة الصحة الكويتية

 

[مرت ريلي]

والله مادري بس خرعني أخاف من هالسوالف

 

[شندوخه]

انا كلش ماحبيت منتجاته مع اني ماجربت بس مادشت قلبي

 

[مرت ريلي]

الاحتياط واجب

 

[جوك احلى جو]

انا اقول ديرو بالكم من منتجاته عن تجربه والله

 

[SILVER ROSE]

والله انا جربت منتجات البشرة روووعة

 

[مرت ريلي]

شوفوا شلون في ناس تمدح وناس تذم
لو ما اختلفت الآراء لبارت السلع

 

[om deaj]

السلام عليكم
الحق ينقال انا جربت الكبسولات قاطعة الشهية وجابت نتيجة معاي حتى زوجي لاحظ الفرق بشهر
حتى مرة بالغلط انكسرت كبسولة طعمها جنه بهارات والعهدة على الراوي

 

[مرت ريلي]

مشكورة يا أم دعيج تسلمين