زيرتك للاطفال

[ملاك ^ الحب]

بنات اليوم عطوا بنتي زيرتك عشان لكحه مو راضيه تروح منها بس قالولي مو زين لا تعطينها زيرتك اول مره اعطيها واهي عمرها سنتين ونص

شرايكم بنات اقطعه او اكمل لها ؟؟؟

والله مادري شسوي

 

[محد مثلي (انا)]

انااا اللي اعرفه الزيرتك للحسااسيه والنشله
ينوم ويريح مااسمعت انه للكحه
وبنتج الله يخليهاا لج جم عمرهاااا ؟؟؟؟؟
وبعدين اذاا الدكتووور صاارفه لهااا انشالله ماافيه ضرر

 

[جوري الكويت]

رد : زيرتك للاطفال

حق الكحه عطيها شراب من الصيدليه

اسمه ديلانين ,, لونه وردي

احسن شي حق الكحه

 

[mafio98]

اناوصفوه لي الحكومه وماستخدمته رحت الخاص وصف لي تحاميل حق الكحه وشراب بطعم الموز والحمدالله خفت

 

[ZajiL]

الصراحه انا مااستخدم زيرتك
لانه ودلدي عنده حساسيه منه
فباجي عيالي منعته لمه اروح اي طبيب يوكتبلي زيرتك اقوله يغيره
مو لانه المشكله بالدوا لا حشا بالعكس اسمع ناس وايد يمدحونه
بس المشكله بولدي من ياتله حساسيه منه خفت اعطيه اخوانه
لانه ولدي معاه ربو

 

[a7la MUM]

رد : زيرتك للاطفال

انا ولدي عمره7اشهر ووصفولي زيرتك للنشله والبلغم بس والله مانومه عدل بالعكس تعب زياده

 

[ماكنتوشه بنفسجيه 12]

رد : زيرتك للاطفال

لا انا عادي عطيته وبالعكس حلو للحساسيه

سبحان الله وبحمده

سبحان الله العظيم

 

[nazek_q8]

ينفع حق اللي عمره شهر


ولدي في نشله

 

[omneyaty]

رد : زيرتك للاطفال

قبل فتره حطوا اعلان عن خطورة الزيرتك وانه انسحب من الاسواق بحثوا بقوقل واكيد بتلاقون الخبر


بس الكويت مصره يحطونه وسالوا الدكتور بنقسكم وكل ادويه الحساسيه لها تاثير على الكبد

 

[عمار يا كويت]

انا ولدي عمره سنه ويشاخر من يوم ولادته
وديته انف واذن وحنجرة وصفلي زيرتك كل يوم بالليل 2 ملي لمدة شهر ..سالته اكثر من مرة مالاه اثار اكدلي لا
الله اعلم

 

[@الياسمين@]

الزيرتك حق الحساسيه والاحتقان والنشله
ودايما تكون الجرعه بالليل لان يدوخ
بس حق الكحه عندج برسبان وايد زين .. وحتى المستوصف دواهم مال الكحه زين

 

[۩۩ الجـــــود ۩۩]

انا اعطيه بنتى عمرها 2سنتين

وقبل اعطيه عيالى على عمر سنه ونص ما ضرهم

 

[ملاك ^ الحب]

مشكورين حبايبي على الردود طمنتوني

صارلي 3 شهور وبنتي مو راضيه تترقع مره ترتفع حرارتها ومره نشله ومره كحه واهي زياده معاها لوز ولحميه بس اشوف ينومها وترتاح شوي بس لمن تقعد ترد عليها الكحه ودوا المستوصف مامنه فايده

ادعوا لها خواتي الله يشافيها والله تعبت واهي تعبت والحمد الله على كل حال

 

[سميره مملوحه]

الله يشافيها

 

[dnyailwalah]

انا ولديه فيه ربو من يوم يبته والحين عمره 8

ماخليت دوا ولا حبوب ولا تحاميل ولا بودره للربو ولا بخاخ ولاجهاز


هالدوا الوحيد لي شال الربو منه

وكنت استعمله الاسبوع لي محسس فيه بس

 

[PuPa^^SWeeT]

الزيرتك للحساسية اللي ماتخليج اتنامين


سواء حكة ولا نشلة ولا اكزيما



يعطونج اياه او للطفل علشان ينام مرتااح بس


يهدي الصدر



انا بنتي اعطيها اياه


يريح بالنووم



من اعمارهم 6 اشهر و ماشي عليهم الزيرتك