حواء الكون
New member
سمعت وايد عن مفعول زيت القرنفل على الشفايف وغيرها ... قمت البارحه بتجربه واليوم تجربه
استخدمته في شغلتين وطلع واو وحلووووو
اول شي بعد الشور بعد ماتنظفين وتلقين لق اخذي زيت القرنفل ومسحي تحت الاندر آرم بقطنه .. مطهر ضد الروائح والعفونه ككل عشان جذي مؤثر رائع على رائحة العرق يزيلها وحتى افرازات العرق يكون ريحتها زيت قرنفل
جربته البارحه كان كووووول منعش ليما اليوم وافضل من الديودرنت لان مايحبس العرق عكس كثير من انواع
الديودرنت المضره
التجربه الثانيه
حطيت بعود اذان على شفايفي زيت القرنفل وخليته دقيقتين وشفايفي انتفخت خفيف وبعدين خذيت مسواك الاسنان
وفرشت شفايفي فيه ... ( تقدرون تستخدمون فرشاة خاصه )
وتلاشت قشور خفيفه شالها من على الشفايف .. صار تقشير حلو
وقعدت ادلكها وصارت واااااارمه ومتفوخه ومليانه وحلوه ( قلت اقولكم اللي تحب شفايفها وارمه طبيعيه ) تسوي
الطريقه ... وبعدين حطيت بعود قطن مره ثانيه من الزيت مسحه خفيفه على شفايفي
ولما نشف حطيت مرطب وطلعوا وااو
هذي التجربتين الناجحين مع زيت القرنفل المنعش بس اهوا شويه حار نفس زيت النعناع بس عادي حراره خفيفه
اما الطريقه الاخيره مالها شغل في زيت القرنفل
اهوا خذيت مرش وحطيت فيه نصه ماي عادي ونصه ماي ورد وملعقتين خميره فوريه غير مطحونه وذابت بروحها
رشرشت على ويهي منها ودلكته وصراحه وايد انتعش وصار حلو ومشرق
بعدين خذيت منديل ( اللي مخصص للمطابخ اللي شويه ثقيل للتنشيف ) ورشرشت على قطعه صغيره من ماي الخميره
وحطيت القطعه على خدي وكررت العمليه على الخد الثاني
وبعدين حطيت قطعة منديل ثانيه على الجهتين مبللين بماي الخميره وشلتها بعد مانشفت
وخدودي طلعوا مليانييين يشوقووون
ان شاء الله اكون افدتكم بجم تجربه بسيطه تعجبكم .. وادري كالعاده راح تطنشون ولاتردون بس ميخالف لول يابخت من نفع واستنفع وانا وايد استفدت منكم ويعطيكم العافيه
التعديل الأخير: