زيت الخروووع

[ابلة مبتسمة]

مرحبا بنات وامهات ...

والحوامل الله يتمم عليهم يارب...

والي ماعندها عسى ربي يرزقها ويعطيها ويفرح قلبها ...

وربي يوفق الجميع...

امس كان عندي موعد عند الدكتور وكان اول يوم من دخولي بالتاسع ..

انا بجرية وحملي تاخر 3 سنين والحمدلله ربي رزقني ادعولي ربي يسهل ولادتي ...

المهم الدكتور وصفلي على زيت الخرووع وقالي شربيه يوم السبت (مادري ليش )

السؤال : شنو يسوي زيت الخروع ؟ بصراحة انا خايفة حيل اني اشربه ...

يفيد بشنو ؟؟؟ وليش يوصفه الدكتور ؟؟؟

البنات الي جربوه ياليت تدخلون وتقولين لي الله يوفقكم ...

 

[QYtiya.com]

انا جربته وفتحني ٢سم الحمدلله
عن تجربه فاد معاااي بس الله يعينج عالطعم والحمام

بس لازم تشربين قوطي كااامل مع عصير او سفن واول ماتشربينه وتخلصين اقعدي امشي بالشقه لاتقعدين وان شاء الله ينفعج

وترى نصيييحه اللي تقولج انه بس يتعب عالفاضي هذا للي يشربون قفشه ولا قفشتين يعني بس اسهال عزج الله لانه هو يسهل البطن

 

[shjoonaa]

الله يسهل عليج وتولدين بالسلامة

 

[زين ودلال]

انا شربته مع عصير برتقال وعلى طووووووووووووول ولاده عقب 5 ساعات

انا هذا اللي صار معاي

 

[اسأل ضميركـ]

قالتلج تشربينه عشان يجيب الطلوووق



بس دربالج مو تاخذين زيت الخروع مال الشعر لا روحي الصيدليه قوليلهم ابي خروع الولاده



حذرتج لان عمتي شربت زيت الشعر 



انا بالنسبه لي شربته الساعه ١١ بالليل بدت الطلوق الساعه ٥ الفجر ٧ الا ربع انا ميته من العوار ١٠ ولدت وخلصت ولله الحمد 

 

[Violetta]

شنو يعني البطل كله نحطه مع عصير و نشربه بنفس الوقت

 

[QYtiya.com]

اي البطل كللله
انا بعد شربته ١٢. ثاني يوم دخلوني ولااده*

 

[زين ودلال]

انا شربته 12 بليل بدت الطلوق الساعه 2 بليل رحت المستشفى الساعه 5 قالي الدكتور مفتوحه 4 سانتي ولاده ولدت الساعه 10 ونص الصبح الحمدالله

وأمي بكل ولاداتها تاخذ خروع

 

[ابلة مبتسمة]

مشكورين حبايبي ما قصرتو فديتكم ...

اي قالي الدكتور اشرب الخروع القرشة كاملة مع كوب عصير برتقال اوي اي عصير ...

اي شريت الخروع من الصيدلية حق الولادة ...

 

[مس يارا]

لالالالالالالالالالا حبيبتي اصحك تجربينه !!!!!!


وحده من جماعتنا انفجر عندها الرحم لانها شريت زيت الخروع وحرض عليها الطلق بس مافتح الرحم معها تصدقين انفجر

لانها لو ماشربته كان ولدة بعمليه مو طبيعي !!!!

طبعن مات الجنين وذلحين حوضها كله حداياد حطين فيه وحملها الدكتوريقول مو بسهوله

يعني خليها على الله ولاتشربينه نصيحه من اخت لاخت

 

[ام عفاف الكويت]

جربته ومافيني طلق وهالشي خطا وبطلت سانتي بس

 

[Violetta]

لو موزين جان الدكتوره ماقالت شربيه

 

[شيــوخه]

انا ماعمري جربته وماودي اغامر صراحه

انطر الفرج من رب العالمين دعواتكم بنات ربي يسهل ولادتي

 

[tmtmt]

جربته وشربت الغرشه كلها
مع عصير مانجا ماحسيت بالطعم كلش

ولا فاد معاي نهائي
حتى اسهال ماصار فيني !

بس اسمع ان خطر اذا شربتيه وانتي مافيج طلق
والله اعلم

 

[منونتي]

انا بجريه مثلج و لا جربته .. بس ان شالله لو ياني بدايه طلق راح اشربه

لانه يغني عن شغلات وايد

راح تروحين و بطنج فاضي من تكرمين السهال ف ماله داعي يلعوزونج بالمحقانه

و يسرع الطلق


الله يسهل يا رب

 

[االفرس]

أنصحكم يا بنات لحد يجربه مالا داعي تغامرون الطلق بيجي اول وتالي مافرقت ايام دامج وصلتي شهرج ع خير ,, انا بصراحه ماجربته ولا مره بس حتى بحمالي الحين ما افكر اجربه بصرااحه اخاف دام منه اضرار ليش اغامر بنفسي والبيبي مصيري بولد انشالله .. وانتم براحتكم حبايبي

 

[QYtiya.com]

ماله دخل هو بس يسبب اسهال عزكم الله يعني نفس الحقنه الشرجيه اللي بالولاده يحطونها مالها دخل بالرحم كلللش وبعدين هو يفتح الرحم سبحان الله

وانا اللي وصفته لي دكتورتي لو مثل ما تقولون جان ما وصفته الدكتوره

 

[Nesra1983]

انا خذيته قبل جم يوم وسوا فيني الهوايل وكاني صارلي 3 ايام متسمته لا طلق ولا ولاده

 

[نـعـومـه]

يلا زين يبيله اشربه اذا الله تمم ودشيت تاسع

بناات اي واحد بضبط