هوايتي كما تعلمون السفر
سافرت تقريبا كل مكان بقي المغرب الشقيق لم ازره
فقررت زيارته،،، خاصه اني من عشاق اللبس المغربي
واقتني مواعينهم واثاثهم واحب تراثهم
حصلت طيران الاتحاد ترانزيت ابو ظبي ووصلت كازبلانكا
وسكنت بالشيراتون واجرت سايق مع سياره
اكبر مول عندهم بحجم سوق شرق ،،،،،، ولكن المحلات اللي بره الشعبيه
اجمل بكثير وفيها كل طلباتي
ومافي ديره ما امر صالونهم
اكتشفت انهم ما يعرفون الشيره كله شمع
وعندهم الحمام المغربي شي ما حصل
غرف الحمام كبيره جدا مش زي هنا بالصالونات محَكّرْ حماّم
وتعرفت على مغربيات لقيتهم بنات عاطفيات :eh_s(7)::eh_s(7):يحبون يكونون اسره ويعيشون بسلااام
ظروفهم بشكل عام صعبه ،،، لذلك يقبلون الزوج اللي يوفر لهم عيشه مريحه
يحبون مولاهم محمد واحترم اي شعب يحب حكامه
معامله للخليجين سيئه في المطار يقومون بالتفتيش الذاتي لهم وما يمشون بالمطار الا بالبقشيش
عندهم طبخ ما حصل صحي جدا بالاواني الفخاريه
الحين بقولكم الموقف اللي حصلي بالرجعه بالمطار
طبعا فوفو شاريه جنطتين مواعين شايلهم بعد قلبي ريلي بيده
وقاعد يشوف موبايله وانا الى اخر لحظه اتسوق بالسوق الحره بالمطار
وانا بالسوق حطت بنت شمحوطه:sfg: يدها على كتفي
وقالت
ممكن تعطيني شاحن الموبايل شحني خلص
نسيت اقولكم طولي 167 يعني انا طويله
بس هي اطول بكثير نفس عارضات الازياء
وجسمها مقسم
ولابسه بنطلون وقميص ،،،اتوقع لو تاخذ نفس عميق يتشقق
والوجه سبحان الخالق حتى هذه اللحظه ما شفت بجماله
طبعا هي مو حاطه ميك اب الخدود مورده بروحهم،،، والعيون ملونه
طبعا من طبيعتي انا ما اغار ولكن لما قالت
زوجج يقول انه عندك الشاحن :rgewrg::eh_s(14):
بخطوه وحده:RoadRunner: صرت جدامه وصار هذا الحوار
المغربيه وهي تتعكف وتتمايل : يرضيك يا سيدي اطلب منها شاحن وترفض زوجتك
فوفو وهي مدخنه : اي يرضيني كيفي شاحني ومابي اعطيج
هو : لا يا فوفو انتي مصليه ومسميه عطيها الشاحن فقيره
انا: من قالك اني مسلمه اصلا
اذن العشاء وهو راح يصلي وانا اركض وراه :RoadRunner:واحقق واهاوش
وهو ميت من الضحك
عليي يقول اول مره بحياتي اشوفج تغارين وتالي ركبنا الطياره ،،،،، وما افكر ارجع لكازبلانكا
فوفو
