زيارتي الاولى لدبي ارجو المساعده بلييييييييييز

[بوسيcat]

بنات شلونكم شخباركم انا انشالله بروح دبي عن قريب بس ماعرف عن الفنادق اي شي ابي منكم ترشحون لي فنادق سنعه وبسعر زين لاني بروح مع ريلي وعيالي الثلاثه وماخذ خدامه معاي واهم شي يكون قريب من المولات والتزلج اللي بكمبنسكي.

 

[الدلال]

اختي في وايد فنادق تابعين لكذا موول اذا تبين تسكنين فندق بالمول مباشره

مثل سيتي سنتر
كيمبنسكي مول الامارات
آدرس دبي مول
برجمان بعد فيه شقق فندقيه

واذا موشرط بالفندق نفسه اكو وااااااااايد شقق فندقيه قريبه حيييل من المولات مثل فلورا بارك وسيتي سيزن وبعد ورا مول دبي وايد شقق فندقيه

 

[بوسيcat]

تسلمين اختي عالرد يالله ياليت الكل يفيدني احترنا ماندري شنو نختار بس اهم شي نبي سعر معقول بعد. وبشوف سيتي سنتر اللي قلتي عنه وايد اسمع في بدش وشوفه بالموقع.

 

[ضي الغلا]

احنا كل ما نروح دبي نسكن الضيافه و اخر مره سكنا الضيافه 3 قبل كنا نسكن الضيافه 2 واهي عباره عن شقق فندقيه و ترى قريب من المطار و ستي سنتر و اهو ورى ستي سنتر على طول و نظيف و يصلح حق عوايل حلو حيييييييل

ان شاء الله اكون ساعدتج

 

[بوسيcat]

مشكورة حبيبتي ويعطيج الف عافيه بدش بالنت واشوفه

 

[غلاي غير]

اذا تبين مول الامارات حق التزلج حوالين المول شقق فندقيه واااااااجد واغلبهم جدد شوفوا شنو يناسبكم لان معاكم خدامه وماشاء الله عيال فالشقق الفندقيه احسن واظمن
وفي سويت بفنادق 4 نجوم

 

[بوسيcat]

مشكورين حبايبي عالرد ويعطيكم الف عافيه.

 

[ام مهاوش]

بقولج تجاربي مع الفنادق
سكنت مرتين بستي سنتر بالفندق مو الشقق لانه بالمجمع في شقق وفي فندق غرف والاثنين زينين ويصلحون حق عوايل 100% والمكان مريح لانه تحتج مجمع وفيه كارفور يعني حق اذا تبين عشا خفيف ولاريوق خفيف وعندج مطاعم اشكثرهم ماشاءالله وعندج سينمات
والحلو انه سعره زين بعد انصحج سكني بالشقق خالتي توها راده كانت ساكنه بالشقق
وسكنت بفندق تاج بالاس الفندق حلو والغرف ماشاالله واااايد كبيره والفندق نظيف ومحترم وكله عوايل 5نجوم انصحج في هذيل لاني مجربتهم
واذا تبين شي غالي حلو عندج كمبنسكي بمول الامارات ويمج التزلج والمجمع حلو واذا تبين تسكنين بدبي مول فندق ادرس دبي مول وفيه يمه فندق ثاني ادرس داون تاون اثنينهم حلوين

 

[بوسيcat]

مشكور حبيبتي ام مهاوش عالرد المفصل ويعيج الف عافيه قولي امين

 

[*MeHek*]

انصحج بفندق فلورا بارك قريب من سيتي سنتر و المترو
وانا سكنت تاج بلس روعه بعد بس مشي شوي حق المترو
وانصحج اذا تبين تروحين دبي مول و امارات مول بالمترو ارخص و اوفر لكم و يوصلكم للمجمع ...
بس مجمع دبي مول يودونكم المجمع اذا نزلتوا من المترو بباصات مجانيه ....
المترو قرب كل شي و ارخص من التكاسي و متعه الصراحه

 

[بوسيcat]

ومنكم نستفيد مشكورين يعطيكم العافيه