زياده رواتب الجامعين الذين لم يحصلوا على كادر

[زمن مريان]

السلام عليكم ورحمه الله





مرحبا بناات بسالكم الحين وافقت لجنه الشوون التشريعيه على زياده رواتب الجامعيين العاملين في الجهات الحكوميه اللي ماحصلوو على كادر بنسبه 50% من المعاش يعني جممممم ؟؟؟؟؟؟؟؟؟؟؟؟؟


اذا كانت باجث اجتماعيه بالتربيه يعني جم يصير المعاش بعد الزياده ؟؟



وسؤالي الثاتي

انا خريجه علوم اجتماعيه تخصص الشؤم والكأبه اجتماااااع:eh_s(11): متوقعه انقط بالشؤون او الصحه او التربيه وطبعاا كلهم مسماي باحث اجتماعي بعرف جم معاشي بكل وزارة وهل صحيح باحث اجتماعي بالشؤون نفس معاش باحث اجتماعي بالتربيه ؟؟؟؟

وفي مجال يحطوني بالاوقاف ابي باحث اجتماعي بالاوقاف او مدرسه بالاوقاف ؟؟

وفي مجال ادرس تربيه وطنيه واجتماعيات ابتدايي والا مايصير ؟؟؟



صج مبروك عليكم زياده علاوة الاولاد من 50 لي 70 :eh_s(9):

 

[frawlah_83]

اللجنه التشريعيه وافقت بس !!! بس ليلحين ما اقر ولا شي لازم يناقشونا بجلسات المجلس وتالي يحيلونا الى مجلس الوزاره ويناقشونا وتالي اوافقون اولالاء *

 

[frawlah_83]

اللحين اهما اقولون حق الي ماعندهم كادر بس اللحين مافي احد ماعنده كادر !! الي ماعندى كادر عطوهم ١٠٠ واذا بيعطون الجامعيين هم الدبلوم يبوون والثانوي يبوون !!!! *

 

[زهره الجلنار]

اذا باحث اجتماعي بالداخليه يصير معاشج 780 بس بالوزارات الثانيه اقل مادري بجم واتصيرين مدرسه اجتماعيات وتربية حياتية ووطنيه انا كل رفيجاتي تخصصهم علم الاجتماع ومدرسات

 

[زمن مريان]

مشكوررين بنات


زهرة رفيجاتج توظيف جديد والا من زمان لانه الحين اخر سنتين صكو التدريس والابتداي اجتماعيات اكتفااء

وباحث اجتماعي بالداخليه خلط والا مكان خاص بالنساء ؟؟؟

 

[زمن مريان]

اب اب اب

 

[زمن مريان]

خريجااااااااااات الاجتماعيه وينكم

 

[nonosha]

مااعرف معلومات
بس بالنسبة للتدريس تخصص علم اجتماع حق ابتدائي اكتفاء مو قاعدين ياخذون

 

[زهره الجلنار]

رفيجاتي من 3 سنوات

الداخليه خلط بس المكاتب يكونون بس بنات عرفتي والحين اغلب الداخليه يشتغلون فيها بنات

 

[يارحيم إغفرلي]

حبيبتي احنا فئه مظلومه دائما
الاخصائيات الاجتماعيات وحتي هالزياده ماظن تحوشنا بيقولون عندكم علاوات ولاطبنا ولاغدا الشر

 

[جوري الكويت]

اعرف وحده خريجه علم اجتماع

اشتغلت مدرسه تربيه حياتيه .. بس من قبل خمس سنين

 

[سارهه]

ما عليكم هذا بس مجرد دعاية انتخالبة للأعضاء

 

[yam_yam]

مصدقتهم انتي بعد

بابا ماكو شي لا زيادات و لا غيرها

 

[ام _خلودي]

شنو هالقرار العقيم احسه استخفاف بالعقول مافيه جامعي ماعنده كادر وحتي الا ماعنده كادر نزلت له ال ١٠٠ يعني محد راح تحوشه هالزياده اهو وحده من ثنتين اما فبركه اعلاميه لزياده المبايعات او اللجنه التشريعيه قاعده اتدلدغ مشاعر الطبقه الكادحه

 

[يارحيم إغفرلي]

,الله صاجه قرار عقيم

 

[q8ia7]

بنات شلون كاتبين بالجريدة الخبر وانتو تقولون دعايه وقرار عقيم ؟
معقوله يعني محد محد محد بتشمله الزياده ؟؟

شدراكم يمكن ال100 هذي الزياده الاخيره مراح تنحسب؟
لأن بالعقل هال100 قبل فترة قصيره عطوها حق كل الناس اللي ماعندهم كادر
فيعني الحين غطو كل الناس اللي ماعندهم كادر وصارو ياخذون هال100
يعني بجذي مافيه احد بالكويت ماعنده كادر !!! "اذا كانت هال100 تعتبر كادر"
ويعني القرار هذا ماله معنى !
معقوله يعني بيستغفلون كل الموظفين بالكويت بهالشي ؟ مو داشه مخي السالفه بنات احس قويه !!؟

يعني "لو اهما بيحسبون هال100 انها كادر" معناها ولا ولا ولا شخص بيستحق هالزياده اللي الحين يقولون عنها !
فمو معقوله مو شي منطقي ان يقوولون اقرو زيادات للجامعيين اللي ماعندهم كادر و50% فوق الراتب واهما مراح يصرفونها لأحد ولا نص شخص !


يمكن هالقرار مو معتبر ال100 الاخيره كادر؟
اذا جذي بالعكس القرار مو عقيم ولا شي لأن فيه وايد جامعيات مظلومين بالراتب مقارنه بناس ثانيية بأماكن ثانية وبشهادات اقل مستوى .. يعني فيه اماكن الدبلوم وايد راتبهم اعلى من بعض طلبة البكالريوس ..
مثال طلبة علم النفس وطلبة العلوم الاجتماعية بشكل عام
يعني معاش علم النفس بالوزارات العادية كان 630 تقريبا بس بال600 يعني
وبعد الزياده الاخيره ال100 صار المعاش 730
يعتبر معاش ضعيف بالنسبه حق الجامعي
يعني فيه فئة مظلومه ترا .. خاصه الاخصائيين الجامعيين .. مالهم جمعية تطالب بحقوقهم او نقابه مع ان شغلهم وايد قوي وكراف وكله تعامل مع حالات خاصه .. والبدلات اللي تكون تبع التعامل مع الحالات الخاصه كلها بدلات قلييييلة

فلو صج فيه زياده 50% فوق الراتب راح تكون زياده كبيره حيل .. الكل بينطرها والكل بيسأل وينها فمو من صالحهم يجذبون بسالفة واضحه مثل هذي !
مو معقوله بيصير جذب ودعايه بموضوع مثل هذا !!

ولا شريكم انا مادري ودي اصدق وقاعده احاول افسر كل شي بطريقة منطقيه لأن ما ودي اصدق ان صج هالقرار خربوطه ومو صج احس قويه ان يجذبون بموضوع واضح مثل هذا .. الكل بيعرف انهم جذابين .. لأن 50% فوق الراتب مو شوي

 

[frawlah_83]

^
^
هذا اقتراح فقط لا غير من اللجنه بس للاسف الجرايد تكتب الخبر بخط عريض واغلب الناس تقره راس العنوان بدون ماتقره تفاصيل الموضوع

وال ٥٠٪ بتكون على الراتب الاساسي والراتب الاساسي حق الجامعي على الدرجه الرابعه ٢٦٠ فقط لاغير باجي الراتب كله علاوات يعني ٥٠ ٪ من ال ٢٦٠ يعني ١٣٠ دينار تقريبا


وترى صح قرار عقيييم لانه اذا بزيدون المفروض الكل ياخذ زياده بما فيهم الدبلوم وايد في تخصصات دبلوم مالهم كادر وحتى حمله الشهادات الي اقل نفس الشي وثاني شي اي زياده بالرواتب بتقابلها زياده بالاسعار من قبل التجار وبزيد التضخم اكثر

 

[رويال كلاس]

مووفقين ان شاء الله
​