زوجي يقول نروح شرم الشيخ

[red eyes]

السلام عليكم بنات
انا و زوجي نبي نسافر و قاعدين نقترح اماكن و اهو قالي شرايج نروح شرم الشيخ و قاعد يراويني صور فنادقهم
بس انا كل اللي اسمعه عن شرم الشيخ بنات و مايوهات و مفاصيخ
مادري اللي راح يعني في اماكن حلوة او عائلية و لا نفس ما نسمع كلها سوالف
انا ضايق خلقي ماودي اروح معنه اهو يمدحها

 

[ام فواازي]

لا تروحين من صجج انتي كله بحر ومفاصيخ الا اذا عادي عندج تلبسين بكيني و تتشمسين هذا شي ثاني

 

[بارشيكا]

اوباااااااا حبيبتي شرم الشييييخ حلووه بس على قولللتك المفاضيييخ كثير وفيه عالبحر وقتت الاجانب كلهم فاصخين ويتشمسوووون على كلام خالي,,,يقووول كل شي عادي وانتي ماشيه تشوفين العجايب بس طالما زوجك اقترحها يمكن لانها مشهوره بأماكان كثيره وخلك واثقه من ززوجك وان شاااء الله مايصير عكس اللي متوقعته ...او خوذيه بطريقه ذكيه شووي قوليله شررم الشيخ قديمه ونسمع عنها كثير ايش رايك بجزر القمر او مثلا هاواي او اسطنبول اي مكااااان اهم شي تقولين انها سوقها طايح ههههههههههههههه يعني بحركه ذكااء تخلينه يعاف التفكير فيها ...

 

[فوفو22]

الوضع المصري بهالوقت غير آمن

بالاضافه الى ان شرم الشيخ

لها ناسها

مثل

اللي يحبون يسبحون بالبحر او يغوصون بالماء بالاعماق

ورايي اذا حابه مكان ثاني للاستجمام

انصحج بتركيا او دبي او برشلونه

فيهم اثار ومتاحف واماكن للزيارات حلو وتاريخي

وفيهم تسوق حلو

واسعارهم معقوله

فوفو

 

[حلاه الكون]

امبييييه. من صجج مالقيتو غير شرم الشيخ
يامعوده روحتج لها مافيها ذره وناسه
كله مناظر فيها حرام بحرام
واذا قصدج مناظر طبيعيه روحي لأي دوله ثانيه
عندج مثل ماليزيا
والله يوفقكم وتروحون وتردون بالسلامه

 

[" ام حمود "]

لا تروحين هناك ، والوضع مو مستقر عندهم ..
وبعدين مالقيتوا الا شرم الشيخ

 

[ماني من الناس]

من صججج خخخخ

شرم الشيخ مره وحده يعني مايوهات واجنبيات

بتستحملين تشوفين عالمناظر لايف مع ريلج

بيج مستيك

 

[شمــ{جابر}ــوخ]

خلج من شرم الشيخ .. اول شي مو أمان

بعدين مااااااااااتصلح حق عوايل محافظه .. شرم الشيخ حق الاجانب والعزابيه
كله مفاصيخ وبحر


انا اقول روحي الامارت .. مووووووووووووووو صج
حجزوا بـــ اتلانتس Atlantis
أو برج العرب

والله تنسين حتى الدول الاجنبيه .. الامارات صايره شي خيااااااااااااااااااااال

 

[انوثتي غير وياك]

لا يماي :|

شلون يعطيج قلبج تروحين مصر

ماااكووو أمن تخوف

روحي ماليزيا

تركيا - لندن

 

[الكويت&الكويت]

انا افضل تروحين مع زوجج
لان اذا اهيه في باله وانتي رافضه
بيسايرج ويوديج مكان انتي تبينه
ويروح لها مع ربعه او بروحه بعدين
نصيحتي لج روحي

 

[جذابه بنت ذيابه]

لا تروحين شرم الشيخ قلة ادب ومصخره ..

 

[برنسيسه عسل]

اممم انا لو مكانك واشوفها بخاطره
بروح

 

[ạ7ạśêś ~]

شوفي ي قلبي انا رحت لها ايام العزوبيه حدددددددددددددده كان وناسه
بس اني اروح الحين مع ريلي مسسسستحيل حبيبتي ما تسوى وربي ماحد بيضايق لإ انتي بسافره
شوفي لج مكان ثاني ولا تقولين له ليش ما تابين شرم

 

[عادي من قلبي أشيلك]

مافيها شي المفاصيخ بكل مكان

مدام زوجج اللي اقترحها روحي والله معاج بس يمكن في خوف من الامان

 

[أمون ام احمداني]

اصلا انتي ماراح تستانسين لا راح تسبحين ولا شي بتقعدين وحجابج و كله مفاصيخ مااااا ينفع كلش

 

[bnoota-kw]

عادي روحي بس خوفج من الامان هناك ولا سالفه المفاصيخ موجودين بكل مكان وبكل دوله

 

[popa]

حلوه شرم
ومافي تشمس ولا سباحه بالشتا
وكافيهات وحفلات ووناسه
روحو بس اذا حاشكم شي ولا مشكله بتروحون فيها لان مافي حكومه

 

[foshia girl]

لا تروحين هناك كلها مفاصيخ ومايوهات وبلاوي
والوضع بمصر غير مستقر توه واحد من اهلنا ياي من مصر يقول توبه اروح طاقينه وبايقينه ماكو امن كلش هناك
وخصوصا هالفتره صاير عندهم وايد مشاكل

 

[MY GLITTER]

حبيبتي ما انصحج اشحلات دبي بس

 

[نونه المنكوشه]

شتبين بشرم من زينها والله مافيها زود بس العزابيه يروحون حق المفاصيخ حبيبتى الحين الكويتيه مسوين عروض ع لندن وفرنساااا ودبى التذكره مع الاقامه ب300 وشى و6ليالى