زوجي يقولي سوي تكميم رايكم يهمني

[حرمه المصون]

انا وزني 95 وطولي 160
طبعا كنت سمبتيك قبل والحين ماساه مافي خصر وي رجيم واضعف واذا حملت عفست الدنيا وصادتني حالة اكتئاب مالقى شي قدي
وهو مشجعني يقول خلاص سويها وانا خايفه ابي اعرف تجاربكم للمتزوجات اذا بحمل عقب سنتين وهل ياثر ومتى اقدر امارس حياة طبيعي انا عندي عيال واخاف ماقدر اداريهم
والاهم الترهل شلون

 

[ام مريم ورحمة]

حبيبتي اولا استخيري الله في العملية هي عملية مو شيء بسيط ولو ظهرك مافي مشاكل او رجليك انصحك لا تخاطري وتعملي عملية صحيح في ناس كثير عملوها بس في كثير منهم ندم وفي كثير منهم شوف عيني ما نزل عليها غير عشرة كيلو وبس وفي كثير ردوا متنوا ثاني بعد ثلاث سنوات حاولي تستجمعي ارادتك وتعملي دايت منظم وصحي مع تمارين رياضية بسيطة كل يوم والاهم اعملي تحاليل للغدة وفيتامين د والحديد في حريم كثير سبب سمنتهم كسل الغدة ونقص فيتامين د العملية للي ماراح ينفع معهم ريجيم ابد لا تستعجلي على نفسك والعملية هم بعدها لازم تسوين رياضة وراح تعيشين شهر على السوائل والمهروس غير انك راح تنحرمي من اكلات كثير تحبينها صح تشبعين بسرعة بس نفسيتك بتتعب اول فترة كثييييير ....استخيري الله والله ييسرلك الخير:yaaaaaarb:

 

[حرمه المصون]

ام مريومه الله يجزاج خير على الرد
انا طبعا استخرت وسويت تحاليل فيتامين د كان ٥ واخذ علاج بس المشكله الةزن ملينزل يعني اذا مره تعشيت يزيد وزني على طول

 

[ام مريم ورحمة]

لا تشكريني حبيبتي انا حاسة فيكي كتير لاني نفس الحالة وكنت خلاص باعمل العملية وبعدين اعطيت نفسي فرصة ثانية وعملت ريجيم اسمه ريجيم النقاط موجود بالتفصيل على الانترنت ومعاه يوم راحة كل عشر ايام ورياضة يومية نصف ساعة كل يوم والحمد لله نزلت عليه 25 كيلو في اقل من سنة بس كنت اخذ مع الريجيم فيتامين د 5000 وحدة باليوم وحبتين كروميوم من الصيدلية وحبوب اوميجا 3 عشان تسرع الايض وتمنع الاكتئاب وكلها منتجات طبيعية ومفيدة للجسم حاولي محاولة اخيرة ولو ما نزل وزنك ثلاثة كيلو ع الاقل بالشهر عيدي التفكير في العملية والله يا اختي الاكل نعمة من الله والمعدة كما خلقها الله اكيد ليها فايدة للجسم شوية ارادة والله راح يساعدك بس توكلي عليه... الاطباء موجودين ماراح ينتهون والعمليات موجودة والحمد لله الفلوس موجودة بأي وقت ممكن ترجعين للتفكير بالعملية

 

[اميره بكلمتي]

هلا حبي سوئها وانا معاج أنا صار لي ٤ سنوات والحمد الله قدرت امارس حياتي الطبيعية من بعد اسبوعين من العملية

 

[نبض السعاده]

خففي وزنج
واستخيري

 

[حنانو 89]

حبيبتي سوي نظام اكل صحي لج يكون مفيد مو بس لانزال الوزن لا يكون هم مفيد للشعر والبشره والثحه بشكل عام واشتركي بنادي رياضي قريب من بيتكم عشان ماتملين من الطريق اوكي فلا تقولين رجيم لا نظام للحياه علطول والريااضه عشان مايترهل الجسم .....

بعدين حبيبتي ليش تبين تسوين عمليه انتي صغيره وماشاء الله بصحتج ووزنج تقدرين تنزلينه ومو كبير واااايد بالميات وفوووق وبعدين العمليه بتفاجي جسمج وراح يتاثر البشره والشعر عرفتي .... عطي نفسج فرصه وحاااولي بالاول وبالاراده كل شي يصير .... الله يوفقج يااارب

 

[حرمه المصون]

مشكوووورين حبايبي الله يكتب لي ولكم الخير

 

[Jojo1000]

حبيبتي فيه موقع بيفيدك كثيررررر فيه تجارب وكل اللي تبين اسمه
منتديات الدكتور سلطان التمياط بدانه كلنك
ورئي الحل الجراحي يكون آخر شي اذا سويتي رجيم ولا فاد معك
والنقطه الثانية لازم تستمرين من الحين على الرياضه لان بتنقصي وزن عشان جلدك ما يترهل
والله اعرف وحده نفس وزنك سوت شفط كامل للجسم الحين جسمها ماساه كله جلد مترهل حتى الدكتور قال لها لا تتزوجين الحين صعب زوجك يشوف جسمك كذا وهي جميله ما نقصها شي الحين بتسوي تكميم بس مشكلة الجلد الزائد هذي اكبر مشكله
لازم رياضة وتصير روتين يومي

 

[فطمطم]

الله يخليكم لا تسوووووووووونها
ريال سوواها عندنا في دبي

كان وزنه 90
واللحين كمل سنه وزني 46 مسكين مافيه حل ولا قوه يعور القلب وكل يوم يطقونه ابره

 

[3thbya]

لاحظت اغلب اللي مسوينها يكون ضعفهم على مرض اكثر يعني ما يكون ضعف صحي اللي تحسين فيها نظاره ونشاط
وغير الترهل اللي يجيهم شكله مو شي خصوصا الزنود

براايي تحاولين تضعفين طبيعي شكليا وصحيا افضل لج وهم لا تنسين الاستخاره


موووفقه