زوجي يغلط ويقولي !!

[يغار الحلا]

السلام عليكم


شخباركم

ان شاء الله بخير

بدش في الموضوع


زوجي يحبني واحبه

واحترمه ويحترمني

ولكن مرات انا ازعل منه وهو يزعل تعرفون انتوا حركات الدلع :bbbiu:

بس اللي يصير هو يغلط علي او يكون هو الغلطان وبعدها بكم من ساعه او اليوم االثاني لما يشوفني مبوزه يقولي انتي ليش زعلانه اقوله نسيت سالفه امس يقولي ايوة خلاص انسي اللي صار

وكل يوم على هالحاله

انا مااقدر انسى اللي يصير احب لما يغلط علي انه يعتذر وهو عنده انه اذا غلط او انا غلطت اليوم الثاني ننسى اللي صار ولا نتذكره كلش

احس لو غصبت عمري وسويت اللي يقوله وحاولت انسى كاني اجرح كبريائي



اتمنى انكم فهمتوني

شسوي معااه ..؟

انا طفشت من هالطبع وهو يقولي انه اليوم انا مليت من اسلوبج كل ماتزعلين تتذكرين الماضي

وللعلم الماضي يكون من يوم او يومين وبالاصح يكون له علاقة بالمووضوع اللي اتكلم فيه اليوم

؟؟
..

برايكم لو ضغطت على نفسي وسويت افضل ولا كيف

 

[يغار الحلا]

اببب

 

[حمامة مكه]

والله نفس الى عندي مايحب نتناقش ابد

مع اني ماقدر ارجع طبيعيه الا لو خرجت الى بصدري

 

[امل يائس]

شنو اجرح كبريائي؟؟؟ هذا زوجج و طريقته بالاعتذار هي انه يقولج خلاص انسي الي صار اهو قاعد يقولج سوري بس بطريقته مو الا يذل نفسه و يطيح عليج و يقوج ارجوج سامحيني عشان يرضي كبريائج هذا زوجج
وانتي تقولين احبه و يحبني و مرات يصير زعل يعني اشياء عاديه و على قولتج دلع

 

[ابدا يالغالي مانساك]

لاتعودين زوجج
علي الزعل
وهو صاااااااج
لاصار يوم يديد
انسي اللي صاااااااااار

بالتوفيق

 

[ظل الياسميـن]

شوفي حبوبه
بعض الرياييل ما يحبون المرا اللي تزعل على شغلات مالها معنى
وماردج ابترضين واهو يكون عارف شنو اذا زعلتي يوم يومين بيكون خلاص تعود
بيقول يوم يومين وبترضى من نفسها

مالج حل الا اتناقشينه يالمسايس الكلام اخذ وعطا مثل ما يقولون

واذا السالفه اتعبج طنشيه ولاتزعلين ولا تعورين راسج
مارده بيسوي اللي براسه ولا راد عليج

صح ولا لا

الله يسخر لج ريلج ان شاء الله
الله لا يفرقكم ان شاء الله

 

[Čut!e Quèéи]

اي عرفت نوعيته بايخه
خلاص اهو جذي من يزعل يصير السانه مفلوت
يقعد يسب ويجرح مع انه يموت فيج ومايقدر يستغني عنج
الي مثله تعالجينه انج تزعلين عليه من قلب مو كل ما قالج خلاص انسي
قلتي حاضر نسيت لاااا يبا قولي له اشلون انسى انك ماتحترمني وتسبني وتجرح كرامتي
سووي معاه جذي ولو انه راح ياخذ وقت بس بالنهايه فيه نتيجه
الله يعينكم

 

[يغار الحلا]

هلاا

فديتكم والله

يمكن مثل ماقالت حمامه مكه احنا من النوع اللي ما نرتاح الا لما اطلع كل اللي بخاطري

بس شكلي مثل ماقلتوا ماراح ازعل عشان مايتعود

وان شاء الله يارب اقدر اني اتحكم بنفسي



وامل يائس كلامج صحيح مافكرت فيها يمكن هو قصده انسي اللي امس يعني خلااص اساسا حتى هو لو كان زعلان ينسى

ومشكوووووووورات حبيباتي

 

[اسواريه]

هذه الرياجيل وطبعهم بس انسي اللي صار وتحملي وكنااا نتعب من رياجيلناا ونصبر
ومردج بترضين
والله يهديه ويسخره لج ان شاء الله

 

[MissChoco]

ترا احنا حريم وكله نتحلطم ومانخلي شي بقلبنا ونشوف المشكله البسيطه شكبرها
واهما عندهم خالشي تااافهه حيل ،، فانتي خلاص لا تعبين نفسج لانه الريال بطبيعته جذي

 

[*ريما*]

خلاص قال لك انسي انسي
لاتكبرين الموضوع

 

[القلعة الذهبية]

خلي زعلج ثقيل مو على اشياء تافهه

 

[كايدة العذال]

حاولي ماتزعلين ع كل شي
خلي لزعلك قيمه اذازعلتي يحسبلك حساب موكل شوي زعله

 

[محتاره بحياتها]

مافى بين الزوج وزوجته اعتذار..
وعلى فكره.. الرجال حتى لو يبي يعتذر.. بيعتذر بطريقه غير مباشره

ولاتصيرين زعوله على اتفه الاشياء.. خلي صدرج وسيع واخذي الامور ببساطه

ومثل ماقالت الاخت .. خلي زعلج ثقيل.. مو على كل موضوع امد بوزي لان الرجال راح يمل ويطفشش ويزهق ويقول انج نكديه

وبالتوفيق

 

[يغار الحلا]

مشكورات حبايبي

وان شاء الله بعدل من نفسي

 

[PuPa^^SWeeT]

بالزواج مو شرط الاعتذار بكلمة اسف ولا اسفة

انا ريلي لو اغلط مثلا و اقووله اسفة يقوولي مابي اسفة مو حلوة اسقة ولا اسفة بيناا انا الاثنيين

ننسى الموضوع و مانعييد السالفة

و صراحة الموضوع صحح

اذا بنقوول اسف ولا اسفة كل يووم لازم نعتذر انا وياااه عيل

الا اذا الموضوع جاايد يعني مو زعلة دلع

 

[مولاي الفرج]

هلا حبيبتي

اهو نوعه ما يتأسف بس يرجع يكلمج مرة ثانيه عشان يراضيج

وهالشي زين احسن من ان يزعل منج ومايدري عن هوى دارج

ومثل ماهو يطوف انتي طوفي راح تتوالمون مع بعض ان شاءالله

والله العظيم مشاكل الدنيا ماتتصورينها الاشياء التافهه طوفيها اختي

الله يهنيكم

 

[كادى الحب]

اب اب

 

[dectora 7elwa]

الله يخليكم لبعض
يعتمد على غلطه اذا من غير قصد او غشمره بايخه لازم تفوتين
مولا سمح الله مده ايد ولا كلام جارح
بعدين الريال يعتذر غير مباشر بالفراش او بنظره
فوتي وعونيها وتهون

 

[(*ام عهــــد *)]

الله يسخره لج يارب