زوجي يطلبني بيت الطاعه ..ارجوكم ادخلو موظوعي

[تفاح أزرق]

من فتره صارت مشاكل بيني وبين زوجي وانا مابيه وبيني وبينه عيال ولد وبنتين..وانا الي طردته من البيت لأن البيت بيتي مو بيته وطلبت منه الطلاق للضرر وقلت للمحامي ان زوجي يضربني ويشتمني ولاينفق علي ولا على اولادي..بس المشكله ان ماعندي شي من المخفر ان هو يضربني اوتقرير طبي.
ماقصر ابو العيال قام وحطله محامي وجاب اثباتات ان هو ينفق وان هو المأثث المنزل وان هو الي دافع فواتير مستشفى خاص يوم ولادتي...المهم ان هو طالبني لبيت الطاعه واحنا بالمحكمه الجعفريه وانا مابي اروح لأن اخاف اكون مكسوره جدامه كأنه طاقني على راسي وجابني غصبن علي..واذا مارحت بيت الطاعه شنو ممكن يصير..؟..
أفيدوني بارك الله فيكم...​

 

[تفاح أزرق]

مافي احد يرد علي......

 

[الخجل الانثوي]

مدري ماعرف بهالامور
والله يهديكم لاتضيعون الجهال بطلاق

لللرفع

 

[دلوعه ناعمه]

قبل لاتطلقون مافي امل ترجعون لبعض؟؟
قعدو مع بعض وحالو تهدوون اللي بينكم خصوصاً ان اهو عنده اثباتات وايد ونتي ماعندج ولاشي ولاصار الطلاق بيرفع قضيه ثانيه انه ياخذ عياله وبتصير لويه انا اقول تعوذي من بليس لانه بيفرق بينكم وردي لريلج وعيالج وبيتج

 

[صادقة بكلمتي]

والله حبيتي ما عندي خبرة بهالامور بس راجعي نفسج علشان اليهال ان في مجال لو انه ابغض الحلال عند الله الطلااااااااااااااااق لكن محلل في امور معينه فكري عدل وان ماكو مجال انصحج تحولين عل المحكمة السنية ان في مجال يقولون احسن للشيعية لان قوانين غير بالنسبة لليهال مو مثل الجعفريه على السبع سنوات بياخذ اليهال وبالاول والاخير دوري مصلحة عيالج لانهم مالهم ذنب حررررام والله يرزقج الخير كله واختاريلج محامي زين

 

[Lourdez]

حبيبتي سألي محامي اهو بيفيدج من الالف الى الياء

 

[روح مغليهاM]

الله يفرج همك ويكون بعووونك

 

[دلع بس على سنع]

انا اقول
اتصلي على كذا محامي واستفسري منهم
لانه هم يفهمون بالقانون اكثر منا

واي مسج من زوجج فيه تهديد او شتم احتفظي فيه

و في اقتراح حلو قالته وحده من الخوات
انج تحولين للمحكمه السنية ، استشيري فيها المحامي وشوفي شنو يقولج

وعسى الله يفك عوقج

 

[جلكسيه اس 3]

والله مادري شقول الحين صار القانون مع المنافقين
بس من وين طلعو اثباتات.
انتي شوفيلج محاميه
هذا رقم المحاميه عذبيه ٢٤٣٤٣٥٠٠
صراحه ما جربتها بس الي عطتني رقمها امدحتها

 

[nadoooy]

حبيبتي وكلي محامي ولا تنطشين اللجلسات لانه المحكمة الجعفرية اغلب الاحيان تكون مع الريال الاجراءات اذا لا سمح الله حكمو عليج ببيت الطاعة يا اما انج تروحين او ترفضين وفي حالة الرفض تسقط حقوقج واعتقد من ضمنها الحضانة وايضا ينحكم عليج ناشز سبع سنين يعني معلقة بس طبعا ما يحكمون بيوم وليلة ببيت الطاعة بس اهم شي حضورج وعيالج جم اعمارهم لانه الجعفرية يخيرون اليهال واحتمال يطلبون شهود من الطرفين بس دام انه رفع ببيت الطاعة انتي رفعي طلاق امم نفقة جذي شغلات اوكي دام انه يدفعلج نفقة وحق عياله خليه يدفعهم عن طريق المحكمة عادي حتى لو انتي على ذمته

 

[يـاسمينا]

اممم مشكله ماتدرين من وين اييبون اثباتات ,
رفيجتي نفس سالفتج تقريباً ..

شوفي حبيبتي لاتسكتين و روحي استشيري كذا محامي
وحطي بالج ترا المحامين ومستشارينهم اغلبهم بياعين حجي
يعني يقولون لج كلام وبعدين يطلع العكس
ويحطون لج الشمس بايد والقمر بايد وآخر شي تشوفين ان كل اللي قالوه عكس اللي سار ..

وبما انج بالمحكمه الجعفريه روحي حق نيفين معرفي وايد اسمع عنها انها شاطره خصوصاً بهالنوع من القضايا ,
بس لاتستعيلين كلميها وكلمي غيرها من المحامين الشطار ..

و الله يفرجها عليج ان شاء الله ..

 

[غلاي رورو]

واااي الي اعرفه خلاص اندثر بيت الطاعه وماصارو يحكمون فيه بالمحاكم يمكن بس عندنا بالسعوديه <<

بس في شي كاتبته وحده من الاخوات حسيته اوجعني وحزنت

يجيبون الاطفال ويخيرونهم بينكم وااي مااصعبها تجرجوهم محاكم وتخلونهم يشوفون اشياء المفروض مايشوفها وبالنهايه يسئله رجال تبي ماما ولا بابا

ياررررررررربي لا ببكي وانا بس اتخيل الموقف

حرام عليكم تجيبون لاطفالكم حالات نفسيه تعوضي من الشيطان وصلحو الامور الي بينكم

 

[غلاي رورو]

كللللللللللللللللللج

تعوذي **

ضيعت مع الموقف

 

[أم الفناتك]

انا من رايي ترجعيين اذا في مجال وخلي المره اليايه اي تصرف يتصرفه ضدج عندج اثبات حتى عالاقل تسجيل صوتي كاميرات تثبت ان يطقج وعقب اذا رفعتي قضيه يحكمولج انتي اما الحين موقفج ضعيف ويمكن اتخسرين عيالج والله يهدي سركم يارب وحرام اللي قاعد يصير علشان اليهال

 

[ام كوثر2007]

الجعفريه انسي يطلقونج بسهوله ..

وحتي لو طلقوج .. عيالج مردهم حق ابوهم بسن سبع سنوات وتسع سنوات .. شلج بالبهدله ؟


دام طالبج ببيت الطاعه يعني يبيج ومو هاين عليه يطلقج .. يمكن مو عشانج عشان عيالج .


دحري الشيطان عنج وفكري بعيالج وبعدهم عنج بعد جم سنه شبتسوين ؟؟؟؟؟؟؟

هذا اذا ما يكونون بالسن اللى يقدر ابوهم ياخذهم فيه ..


تعوذي من بليس وانا اختج ولا تكابرين وتخلين بليس يدخل بينكم تنازلي وحاولي انج تتحملينه وتعدلين فيه عشان هاليهال .


عندج بناااات وايد صعبه صراحه يعيشون بين ام وابو منفصلين والدنيا تخرع .. باجر يخربون بناتج لا سامح الله لانهم عايشين بحياه متوتره .. لا ابو يردون عليه .. ولا ام فاضيه لهم لانها مشغوله بمشاكلها مع ابوهم ..


حاولي انج تحلين الامور معاه ويمكن دام الامر وصل للمحاكم انه يتقي الله فيج لا رديتيله ..


فكري مليون مره لو مهما تكون المشاكل ما توصل انكم تضيعون هاليهال بينكم .

عسى الله يهديكم ..

 

[طموحه بزياده]

الله يكون بعونج ماعندي علم

 

[تفاح أزرق]

للرفعععععععععععععععععععععععععععععععععع

 

[زين ودلال]

الله يهديه ان شاء الله

ويفرج همج

 

[om al ghaleen]

الله يهدي النفوس
نصيحه لاتستعجلين بقرارج
صج الطق مو شي هين
بس غلطتج ما سويتي تقرير طبي
والقانون للاسف مايحمي المغفلين

الله يكون بعونج فعلا .. "

\\

 

[منو انت]

الله يسهل امورج

حاولي تعطينه فرصه اخيره يمكن يتعدل الوضع والله كريم