- إنضم
- 23 يونيو 2009
- المشاركات
- 387
- مستوى التفاعل
- 0
- النقاط
- 0
http://www.q8yat.com/showthread.php?t=783152
بنات هذا موضوع كنت كاتبته من قبل و الحين صار شي يديد بكمل عليه... و اللي ما تبي تقرا الموضوع أشرحه بالمختصر
ىنا كنت قايله اني زوجي واااايد يشك فيني و دايماً ينبش في موبايلي و يدش على التويتر و الفيس بوك مالي و يشوف الايميلات الي توصلني... الخ
بنات آنا سويت الي أكثركم قال لي عنه و طنشت و خليته ينبش على كثر ما يبي
بس ماكو فايده
و آنا الحين على وشك ولاده و بس ما فيني أتحمل
بنات قبل اسبوعين قاعده ارتب غرفتي ويلا ألقى هديه كانت خالتي أم زوجي يايبتها لي قبل سنه أو أكثر يمكن و آنا ناسيه و هي عباره عن طقم عطر و لوشن و شاور جل و عطر صغير للجنطه المهم فتحتها استعملتها و حطيتها على التسريحه ... يوم يه بالليل ويلا يقول لي من وين لج طقم العطور هذا ؟ قلت له خالتي كانت من زمااان معطتني ياه و آنا ناسيته جان يقول خالتج ويلا شوفي منو يايبه لج بالفالنتاين :eh_s(2): على طول قلت له مو مصدقني دق على أمك اسألها طبعاً ما دق بس ظل لي اليوم كل اشوي يقول لي اي شوفي منو يايبلج العطر و انتي أكيد عندج أحد:eh_s(16):
و أمس كنت بطلع أمشي على الممشى و آنا عند الباب ماسكه موبايلي ويلا أشوف مسج من أختي كاتبتلي ( دقي علي بس تفضين ) قمت دقيت عليها و انا أصك الباب طالعه ويلا أسمعه يتحلطم قمت بسرعه صكيت التلفون و رديت فتحت الباب قلت له اشفيك تتحلطم ؟ قال لي قاصه علي تقولين بتمشين و مسرع ما مسكتي التلفون بتدقين عليه ؟ قمت رحت يمه و فتحت على مسج أختي و قلت له شوف قبل لا تظلمني قام قرى المسج جان يفتح معاي تحقيق اذا صج أختج ليش ما اهي تدق و دقي عليها جدامي خل أسمع شنو تبي و من هالسوالف و بالفعل سويت الي قال عليه بس عشان يسكت
و غير جذي اليوم قبل صلاة الفجر قمت و كانت الغرفه ظلمه و لي الحين ما أذن قمت مسكت موبايلي بشوف جم الساعه ويلا يقوم و يصارخ انتي ما تستحين لي الفجر على هالموبايل و أخذ موبايلي و حذفه على الطوفه و طبعاً انكسر
آنا اهني انهرت حدي قلت له قاعده أشوف الساعه و قمت أبجي و أصرخ قلت له انت مينون مو صاحي آنا بشهري و على وشك ولاده و نايمه يمك شنو ممكن بسوي ؟
بنات قمت أصرخ حيل حيل ما قدرت أتحكم في نفسي
تخيلوا حقرني و حط راسه و نام
آنا امفكره اكلم أبوه يمكن يقدر يوقفه عند حده و ساعات أقول مابي أدخل أهله أخاف السالفه تنقلب علي و يصفون معاه ضدي ... بعد تدرون يظل ولدهم ما يرضون يطلعونه غلطان
انتو اشرايكم؟
بنات هذا موضوع كنت كاتبته من قبل و الحين صار شي يديد بكمل عليه... و اللي ما تبي تقرا الموضوع أشرحه بالمختصر
ىنا كنت قايله اني زوجي واااايد يشك فيني و دايماً ينبش في موبايلي و يدش على التويتر و الفيس بوك مالي و يشوف الايميلات الي توصلني... الخ
بنات آنا سويت الي أكثركم قال لي عنه و طنشت و خليته ينبش على كثر ما يبي
بس ماكو فايده
و آنا الحين على وشك ولاده و بس ما فيني أتحمل
بنات قبل اسبوعين قاعده ارتب غرفتي ويلا ألقى هديه كانت خالتي أم زوجي يايبتها لي قبل سنه أو أكثر يمكن و آنا ناسيه و هي عباره عن طقم عطر و لوشن و شاور جل و عطر صغير للجنطه المهم فتحتها استعملتها و حطيتها على التسريحه ... يوم يه بالليل ويلا يقول لي من وين لج طقم العطور هذا ؟ قلت له خالتي كانت من زمااان معطتني ياه و آنا ناسيته جان يقول خالتج ويلا شوفي منو يايبه لج بالفالنتاين :eh_s(2): على طول قلت له مو مصدقني دق على أمك اسألها طبعاً ما دق بس ظل لي اليوم كل اشوي يقول لي اي شوفي منو يايبلج العطر و انتي أكيد عندج أحد:eh_s(16):
و أمس كنت بطلع أمشي على الممشى و آنا عند الباب ماسكه موبايلي ويلا أشوف مسج من أختي كاتبتلي ( دقي علي بس تفضين ) قمت دقيت عليها و انا أصك الباب طالعه ويلا أسمعه يتحلطم قمت بسرعه صكيت التلفون و رديت فتحت الباب قلت له اشفيك تتحلطم ؟ قال لي قاصه علي تقولين بتمشين و مسرع ما مسكتي التلفون بتدقين عليه ؟ قمت رحت يمه و فتحت على مسج أختي و قلت له شوف قبل لا تظلمني قام قرى المسج جان يفتح معاي تحقيق اذا صج أختج ليش ما اهي تدق و دقي عليها جدامي خل أسمع شنو تبي و من هالسوالف و بالفعل سويت الي قال عليه بس عشان يسكت
و غير جذي اليوم قبل صلاة الفجر قمت و كانت الغرفه ظلمه و لي الحين ما أذن قمت مسكت موبايلي بشوف جم الساعه ويلا يقوم و يصارخ انتي ما تستحين لي الفجر على هالموبايل و أخذ موبايلي و حذفه على الطوفه و طبعاً انكسر
آنا اهني انهرت حدي قلت له قاعده أشوف الساعه و قمت أبجي و أصرخ قلت له انت مينون مو صاحي آنا بشهري و على وشك ولاده و نايمه يمك شنو ممكن بسوي ؟
بنات قمت أصرخ حيل حيل ما قدرت أتحكم في نفسي
تخيلوا حقرني و حط راسه و نام
آنا امفكره اكلم أبوه يمكن يقدر يوقفه عند حده و ساعات أقول مابي أدخل أهله أخاف السالفه تنقلب علي و يصفون معاه ضدي ... بعد تدرون يظل ولدهم ما يرضون يطلعونه غلطان
انتو اشرايكم؟
