زوجي يحبني بس انا ...... :(

[joriah]

قوة بنات .....


اخبــاركم ...؟؟؟

بنات انا بكتب مشكلتي لكم وماكتبتها الا لاني واثقة من حلوولكـــم الطيبة ..



بنات صارلي سنتين تقريبا متزوجة والحمدلله مرتاحة مع زوجي احبه وهو يحبني وعمره ماقصر علي بشي اذا طلبته طلب والله مايردني زوجي قلبه طيب حيل بداية زواجي ماكنت اعرفه بس حبيته والله لدرجة اني مااستغنى عن ريحته ولما يسافر مااصبر عنه ...


بس الحين يابنات مادري شصار فيني والله متضايقة من هالشي ماصرت ادانيه حتى لما نطلع مع بعض او نسافر مااحس بوناسة معاه دايما يحاول يقرب يمي وانا احاول ادور اي عذر بس يوخر عني

لما يقعد عندي اتضايق منه وحتى بالعلاقة اكرهه لما يجيني وتلوع جبدي وامثل جدامه

هو دايما يقولي انتي ليش قاسية معاي انا عمري ماقصرت معاج
والله كل شوي يسالني تحبيني وانا اقوله اي ويقولي مايبين عليج يعور قلبي لما يسالني

بنات رجلي قام يحس بهالشي وانا ماقلتله مادري شسوي ؟؟ والله مو بيدي هالشي

شورروا علي شسوي

 

[TIC TOK]

لانه يحبج انتي معاه جذي خليه بس ينفس تلاقين روحج من غير ماتقصدين تركضين وراه

اقول

حكمي عقلج عدل وانتي بتعرفين دواج



لحظه لا يكون حامل بس ؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[شقرا كويتيه]

رد : زوجي يحبني بس انا ......

اخاف محسوده عليه اقري على نفسج واقري سوره البقره وشغليها بشقتج حرام مدام زوجج زين معاج باجر لاراح عنج بتركضين وراه لافات الفوت ماينفع الصوت والله يسخركم لبعض ويوفقكم

 

[متغليه لعيونه]

رد : زوجي يحبني بس انا ......

ممكن تكونين حامل وتتوحمين
او عين او احد حاسدك
ذكري ربك واقرائي سورة البقره
والله يسعدك ويبعد عنكن الحساد

 

[Tulips]

كسر خاطري مسكين

حبيبتي تعوذي من ابليس انتي عندج دره لا تفسقين

شوفي غيرج شلون يعانون من معاملة ازواجهم

اقري على نفسج وعلى بيتج يمكن احد انضلج

 

[joriah]

اي انا حامل بالشهر الثالث بس انا ماتوحم بولا شي يعني معقولة هذا وحاام كل هالكره ؟؟؟!!!!


الله يجزاكم الف خير عالردوود الحلوة ..

 

[مساء الرياض]

اول شي سوي تحليل للهرمونات لان اذا تلخبطت تكون النفسيه زفت وكانك متوحمه على طول حايمه كبدك
ثانيا ممكن تكوني حامل
ثالثا ممكن فيك عين اقري على نفسك وماتشوفين شر ياااارب

 

[بنت الاصالة]

لووووووووووووول حبيييييييبتي

اسفه لاني ضحكت بس لانج قلتي انج حامل

حبيبتي انتي حدج متوحمه على ريلج

وقوليله هالشي عشان يحط باله انه ما يزعل من كلامج

وبالعكس اللي تحب ريلها وايد اهي اللي تكرهه وقت الحمال فانشالله ماكو شي تطمني

وحاولي تروحين بيت اهلج جم يوم عشان ما تجرحين ريلج ولا شي بالكلام لانه يمكن ما يحس فيج ويعتبر كرهج شخصي ولا شي

بس ضروري تفهمينه او تخلين امج تفهمه انه هذا وحام مو صج وانشالله جم شهر وتردين تحبينه

والف مبروك عالحمال حبيبتي والله يسهل عليج انشالله ويوفقج

 

[غزاله شارده]

رد : زوجي يحبني بس انا ......

اكيد من الحمل
عادي ويوم الوحده تكره زوجها بالحمل
بييب بيبي نسخه عنه
معروفه وكل الناس تدري
انشالله تقومي بالسلامه

 

[joriah]

فديتكم والله ارتحت من ردوووودكم

ماكنت احسب ان الحمال يسوي جذي


الله يجزاكم الف خير ..

 

[UNICORNA]

عاد كنت بسألك انتى حامل او لا

كثير حريم وقت الحمل يكرهو ازواجهم وحتى ريحه زوجك راح تجيبلك الترجيع

بس لازم تفهميه الوضع عشان ماينفر منك ولانك بعد الولاده راح ترجعى طبيعيه

وبعض رجال تمسك معهم بالغلط وينفرو من زوجاتهم واحيانا يتزوجو عليهم

فأنتى بما ان زوجك يحبك فهميه القصه (=

 

[الزيــALZAINــن]

رد : زوجي يحبني بس انا ......

حبيبتي مبروك على الحمل ..

 

[نـعـومـه]

رد : زوجي يحبني بس انا ......

ارقي نفسج يمكن فيج حسد

 

[نـعـومـه]

رد : رد: زوجي يحبني بس انا ......

اي انا حامل بالشهر الثالث بس انا ماتوحم بولا شي يعني معقولة هذا وحاام كل هالكره ؟؟؟!!!!


الله يجزاكم الف خير عالردوود الحلوة ..

خلاااااااص مفهومه من الحمل

 

[njoom1]

رد: رد : زوجي يحبني بس انا ......

حبيبتي قووووووووليله كل هذا من الحمل خلي يرتااااااااااااح
مسكيييييين
كسر خاطري لوووول
ومبروك حبيبتي الله يتمم عليج

 

[ام شووووق]

رد : زوجي يحبني بس انا ......

اقري قران واستغفري

 

[ام فواازي]

مبروك الحمل

 

[صمــت_ALsHfaaH]

يمكن عشان الحمال ياقلبي

استغفر الله يابنات تصدقوون الناس تكره رياجيلها اذا حملت وانا اسسسسسستخفييت عليه صرت احبه اكثر واكثر وابي بس مجابلته ولازقه فيه الحمدالله والششكر

 

[رضاهم جنه]

اي انا حامل بالشهر الثالث بس انا ماتوحم بولا شي يعني معقولة هذا وحاام كل هالكره ؟؟؟!!!!


الله يجزاكم الف خير عالردوود الحلوة ..

هذا الوحام بعينه وعلمه وبعد كره اكثر من جذي :eh_s(2):

 

[ساندريلا]

حبيبتي الوضع الي تمريين فيه طبيعي
عمري ماحبيت ريلي بالحمال
انشالله لمن تولدين بالسلامه راح ترد اوضاعج مثل قبل واحسن