زوجي يبي قرض

[cute00]

السلام عليكم شورو علي زوجي يبي اخذله قرض 6000 وهو البنك ما يعطيه لان من قبل عرسنا وهو يأخذ ولمن قلتله لا مابي ارتبط بقسط ودين زعل وصاير نفسيه شسوي

 

[cute00]

اب اب واخيييرا نزل الموضوع

 

[cute00]

بليييييز ابي شوركم شقوله شلون ارد عليه

 

[الخجل الانثوي]

لاتاخذين مني وطريج حق شنو تاكدي اذا لشي ضروري لاباس
بس اذا عادي وتقدون تستغنون عنه لا وقتها مو مجبوره انتي

 

[انثى عاشقة]

توي رادة ع موضوع وحدة زوجها ياخذ فلووس منها ومن امها

شوفي ياقمر
اكبر غلط تخلين الرجال يتكل عليك ماديا
هو المسؤول عن المصرف مو انتي
لا تاخذين قرض لو يمد بوزه ويطنقر سنة
على قد لحافك مد رجليك مو لازم القرض​

 

[ترف بابا]

لا حبيبتي حتي لو يموت لا تاخذين - نصيحه

شوفي الحريم بعضهم انطردوا من البيوت اللي اثثوها وبنوها وتحملوا سنين

ينطرونها ..

والقرض ربا يعني اكيد ربي ماراح يبارك فيه وتقبلي رايي

 

[احلا المزايين]

هلا حبيبتيبجيبها لج من الاخر اوكيه
كل وحدة خذت لزوجها قرض والا باعتله ذهبها
يا يتزوج عليها وهاذا واقع عايشناه وشفناه مع حالات وااااايد
او يخونها
انصدمتي مو صح
تدرين ليش
لان الرجل بتكوينته النفسية وبطبعه يحب المرة اللي اتخليه يصرف عليها
بتقولين عيل شلون يبي مني قرض دامه يحب المرة اللي اتخليه يصرف عليها
حبيبتي هاذا تناقض اكثر الرجال ومرينا بهالتجربة قبلج رفضنا وخليناهم يزعلون ورضوا بروحهم والحين يجيب الفلوس من تحت الارض يدبر نفسه
حبيبتي اذا خذيتيله قرض. علا حبه السلام راح يتغير قدرج عنده وراح يستغلج
يعني لا تعتقدين بين وبين نفسج بيزيد غلاج. العكس صحيح بالبداية بيشكرج وبعدين يقلب عليج
انتي خايفة علا زعله بالطقاق يزعل ويرضا حامض علا بوزه القرض
خليه يدبر نفسه دييييييييربالج تعطينه قرض هاذي راح تكون بداية نهايتج

 

[ناتشوو]

مايندرى كل وحدة وظروفها وطبايع زوجها
بس بشكل عام ماحبيت ردة فعله الغير ناضجة
ياتعطيني الفلوس يا أزعل
واذا اضطريتي تاخذين فهميه انها سلف يردها لج
واذا حبيتي تستمرين ع الرفض تصرفي معاه وكأن شي عادي ماانتبهتي لزعله
مو تقولين اشفيك مافيك
وانشالله بروحه يهدى

 

[كارلوفي فاري]

اذا يستقطع لج المبلغ اوك. واذا السبب قوى للقرض. واذا كان الشي مو بالضروره ماله داعي ولا تصدقين انه بيقول اوقفت معااي

 

[فوفو22]

على طوووول لا

وبدون اعتذار بعد

انا دايما اوقف مع الزوج بالخلافات ولكن اذا حسيت

بدأ يستضعف ويتمادى ويستغل ....الزوجه

على طول لا

خل يزعل ويطق راسه بالطوفه

شنو ذنبج انتي يركبج دين عشان هو تنحل مشاكله

هم يتمشكلون وانتو مفروض تكونون اول ضحايا الحل

فوفو

 

[حمام شاقني فنه]

حق شنو ؟

 

[فرزاشيهـ]

لا صدقيني ولا راح يبين بعينه بعد فتره من الزمن لان الرجل بحبه مايحب المرا اللي تصرف عليه .،!

 

[انا لها شمس]

انا لو يطلب عيوني ماراح ارده وفدوه له
لكن انتي ماذكرتي الشي اللي يبي يحملج قرضه!!!

اذا تستاهل وتفيدج وتفيد بيتج وعيالج مع فايدته موغلط
لان اكيد الريال مايبوق عشان يرضي بيته واهله ونفسه

لكن اذا لسياره او لسفره او لسداد دين قااااادر هوا يسده او لكماليات الحياه

لاطبعا اعتذر منه واحاول من معاشه اوفرله اللي محتاجه

لاتتازم حياتج ع هالموضوع بالهدوء والشطاره حليه مع ابو عيالج

 

[اندرويديه]

لا والف لااااا من صجج امبين من الزعل وعفسته عليج يبيج غصب ترضين نعرف هالحركات وانتي طااااااااف جنه ما صار شي امورج طبيعيه .. الي يحبج ويبيج ما يحبج عشان قرض وعقب طاف وعلى قولت الخوات حقريه وهو الخسران بيحس انه ياهل وطاح من عينج بس تبينين هالشغله بشطارتج

 

[DO7AWE]

حبيبتي البنات ينصحونج على حسب شخصياتهم وشخصيات ازواجهم!! انتي فكري واستخيري وعلى حسب في ازواج يستاهلون ماي عينج وفي ازواج مايستاهلون الماي الهماج،، وانا عن نفسي زوجي يستاهل وماخذه عشانه ٢٨ الف ولو يرجع الزمن اخذله ولا اتردد ولا لحضه،، الحين انتي ادري بزوجج اذا يستاهل او لا واستخيري والله يكتب لج اللي فيه الخيً

 

[!الجادل الصعب!]

يزعل ويرضى .. شنو يبي يسترد مهره لج بفوايد ..

شنو حاجته ب ٦٠٠٠ مره وحده .. حبيبتي انتي طنشيه
ويرضا لاتحاولين تبررين ..

ما اؤيد هالشي ابد .. ديري بالج

 

[سحته اوي]

مرحبااا

حبيبتي لا تأخذ ين قرض علي عمرج اووك يزعل يومين ويرضى اما اذا داش علي طمع راح يتم زعلان لمن تاخذين له
واذا لاحظتي أنا طمعان فيج كيفه عنه ما رضا مو حق يدبسج بقرض خو محتاج وعطيه من معاشج مره مرتين
ممكن اما تبسين عمرج بقرض قمه الغلط
كلش ما ايد وفوائد وبلاوي ارفضيييييي بصرار

 

[انسام الكويت]

انا ما أأيد الزوجه تاخذ قرض لزوجها حتى لو اهو يستاهل بس ماتوصل احط على نفسي دين وتقعد الوحده اتسدد فهالدين سنين طويله وحضرته مايندرا

انا ما انسى مواضيع لبنات خذوا قروض لازواجهم وانه يستاهل وتالي تدبسوا اللي تزوج عليها وطلقها واللي حضرته يقط فلوسه على سوالفه الفلوس تغير

نفوس وبتغيره عليج اذا اهو محتاج فلوس يقدر يدبرها مني مناك دام زعل عادي سوي نفسج كأنج موحاسه بزعله وكلها جم يوم وبيطخ وبيتسلف من غيرج

والحياة تستمر وبيرد مثل قبل ...

 

[بحر الذكريات]

لا تاخذين له ولا شي

حشا كأنه يقول ردي مهرج بس بطريقه ثانيه

 

[-فلانة-]

لو زوجي ملاك ماشي عالأرض ما خذيتله قرض..
و أصلا عيب الريال يطلب من المرة فلوس..
عيب بحق رجولته..
عنده ربعه و أهله يدبرونه..
وإذا بيزعل ما يشوف شر..
خليج على موقفج عشان يحس إنج مو هينة و مو مقصة.​