زوجي يبيني اصبغ اشقر نفس الاجانب دشو و عطوني رايكم

[~ كرز ~]

سلام بنات شلونكم

انا صارلي تقريبا سنتين متزوجة و من اول ماتزوجت و ريلي يبيني اصبغ شقر قاتح
و انا كنت مترددة و صبغته عسلي و رد قالي عالاشقر

و الحين مسافر قلت اسوي نيولوك شرايكم بالاشقر البلاتيني اللي يكون قطعة وحدة
و اذا صبغته يحرق شعري و لا عادي
و شنو موضة هالسنة


و ثاانكس

 

[KOKO_284I]

حلو صبغي ليش متردده

 

[~ كرز ~]

مترددة لاني تعبت علا شعري حيل عشان يطول و هو طويل لي اخر الظهر
بس شكلي بتوكل علا الله و اصبغ
مشكورة حبيبتي عالرد

 

[يحيرهم هدوئي]

بالعكس الاشقر ييييننننن ....بس ترا يحت الشعر بددوووون عنايه انتي اعتني فيييييه حييييييييييييييل اقوى شي ودلعيه بالماسكات وان شالله مايصير الا كل خيرررر

 

[~ كرز ~]

مشكورة حياتي عالرد و ان شا الله بعتني فيه عدل مدل

 

[بـربـوشـآ]

حبوبـه صبغي وأخذي مآسسسك من جرآس ماسكـ الشالوفيرآ .. او المآسك الثآني للشعر المصبوغ ..

وتتهنين فيه مقدمآ

 

[غرور الريم]

اختي صبغت اشقر بلااتيني رووووووعه عليها بس حبيبتي مو كل وحده لاايقه عليها هذي الصبغه
انتي اسالي الي راح تصبغج وشوووفي لااني كنت نفسج ابي اصبغ بلااتيني وقالت الي ماراح يطلع حلوو عليج
لاانه ملاامح وجهي حاإاإاده

 

[aloooya]

حلو التغيير

 

[~ كرز ~]

بربوشا
ثانكس عالرد انتي مجربتهم ؟

غرور الريم
انا لوني ماشي معاه الاشقر و بسأل الكوافيرة قبل و يسلمو عالرد

الويا
ثاانكس عالرد حبي

 

[خفايا البحر]

اصبغيه دامه طلب

 

[الأوركيدة]

اذا لا يق عليك توكلي على الله بس لازمه عنايه فائقة لان هالصبغه مرة قوية وتضعف الشعر

 

[بـربـوشـآ]

الله يسسلمج انا ماجربته لاني مو من النوع اللي يصبغ


بسس اعرف بنآت ثقه والله ثقه ومدحته لانهاا مجربته وكناا بحمله وذكرت تجربتهااا

 

[توتا حمرا]

انا مثل حالج زوجي يبيني أصبغ اشقر
مع ان بشرتي لونها حنطي فاتح بس خايفة أغامر

 

[منار البربرية]

شنو السر في حب الرجال للون الاشقر ؟؟


وااي اشقر الاصفر الاجانب موحلو على الملامح العربية بس يمكن اهوا شايف انه هاللون

راح يحلي شكلج يمكن معاه حق روحي صالون سنع تسوي لج


واتبعي التعليمات اللي قبل الصبغ باسبوع سويله ماسكات ولما بتروحين تصبغينه

خلج مغسلته قبل بيوم او ثنين علشان يثبت اللون جذي سمعت

وانا صبغت الاشقر العادي بس عيبه يبي على طول استشوار

ومكياج


يعني بدون الميك اب فلم موحلو​

 

[ستــ ريما ــايل]

الاشقر حيل يخرب شعرج

 

[كويتية بنفسجية]

الأشقر وااايد حلووو يفتح البشرة و مع المكياج يعطيج شكل روووعة ..

أنا صبغت أشقر بلاتيني مرة و كان عجيييب الكل سألني عنه ، صبغته عند وحدة اسمها ندوى لبنانية و ماشاء الله عليها شاطرة كانت بصالون ليلى هارموني و الحين راحت رشا شيك ..

و إذا تبين عندج صالون يورز اللي مقابل حديقة الشعب هم أنا عندهم على طووول قص شعر و صبغ ماشاء الله عليهم شغلهم يهبببل و ايدهم خفيفة كلهم مغربيات و تونسيات شطااار اروحلهم و ما أتردد أبدا ..

موفقــــــــــــــــة ,,,

 

[~ كرز ~]

مشكورين حبايبي عالرد شجعتوني بصبغ باجر و بعرض تجربتي بموضوع يديد

 

[~ كرز ~]

مشكورين حبايبي عالرد شجعتوني بصبغ باجر و بعرض تجربتي بموضوع يديد

 

[MisS.Wawa]

صبغيه بمكان ثقه
انا قبل شهر صابغته
واموت عالاشقر كلش ماحب الاسود
اذا بغير براون وعسلي او زيتي

وعندج لامودا فندق كونتيننتال يهبل صبغهم واسعارهم حلوه

راح انقل الموضوع للقسم المناسب​

 

[صريحة جدا جدا]

انا نفسك ريلي يبينى اصبغ اشقر ورحت صالون خبصت شعري مع انه صالون وايد معروف والحين صارلي 5 شهور من وقت ما صبغته وكل مااروح صالون يقولوا اللي سوتالك على بنى محمر وكل شعرج مو لون واحد شوى بنى وشوى على برتقالى ومالى حل الا اصبغ لون واحد على بنى والله يستر نصيحه روحى عند احد شفتى بنفسج شغله ولا تنغرين بسمعه الصالون فقط تاكدى من اللى بتسويلك