ا
لسلام عليكم والرحمه
اولا حبيت اهنئكم ع هذا المنتدى الرائع وهذي اول مشاركه لي فيه
فحبيت تكونوا معي وافضفض لكم لاني مابي افضفض لاحد يعرفني من اهلي
انا متزوجه وبختصار زوجي حلفي يلمسني او ينام معي بنفس الغرفه شهر كامل
انا ما ابي ادخل بتفاصل المشكله << بس حبيت اقولكم انه اصلا ماكانت في مشكله تستدعي ها الحلف
مشكله تافه ومناقشه تافه
المهم انا الحين مقهورة وقلبي شاب نار منه ع كيفه هو يعني هو يحلف وبعد شهر يجي يدور عندي الي يبي
وانا ومشاعري واحساسي
قال انه يمشي ع الشرع اهجروهم في المضاجع طيب هذي للي غلطت مو انا
والله ان لا الله ولا رسوله يرضى بهذا الشيء
المهم الي صار صار ابيكم تعلموني وش اسوي هل اطنشه وحسسه انه الحلف ما همني
هل البسه له وغريه يتحسف ع الحلف << بس اخاف اسويها يقولي علي ذي ما تصبر ولا تستحي
انا ابي طريقه تخليه ماعاد يحلف كذا انا افكر لخلص الشهر احلف انا شهر ثاني هههههه وربي مدري وش احسه فيه
ياربي ومدري وش الخبط انا
وع فكره ترى مو اول مره يسوي كذا دايم يسويها
وشكرا لكم ...
التعديل الأخير بواسطة المشرف:
