زوجي و الكسل وانا وشكي !!!!

[مسكـ المطيري]

السلام عليكم


بنات بدش بالموضوع على طول

زوجي حده كسول كل ما اقوله شي يكون الرد خليه بعدين / مالي خلق / مو لازم / مو ضروري .. الخ

لو السالفه بس جذي جان بلعتها بس وصلت فيه لمن يروح مخيم او شاليه يتم اهناك اسبوعين الى شهر بحجه مالي خلق ادر الديره مشوار

والله بنات لدرجه اهلي قاموا يسألوني بينكم مشاكل صاير شي اهو يفكر يطلق

انا الصراحه قمت اشك انه متزوج او عنده خرابيط مو معقوله جذي يعني

مع انه من تزوجنا واهو حبوب قلبه طيب يسامح بسرعه وكريم و هالطبع السخيف فيه مادري شسالفه

ساعدووني شسوي مع هالوضع اللي يقهر

 

[ديانا سبنسر]

سالفة. مالي خلق. هذي عند كل الرياييل ما فيها شي

بس شهر بشاليه ؟ يبيلها قعدة. وحزم منج

 

[يـاسمين]

سالفة. مالي خلق. هذي عند كل الرياييل ما فيها شي

بس شهر بشاليه ؟ يبيلها قعدة. وحزم منج

رايي من رايها
يبيلها قعده ولازم تواجهينه
عسا ماشر شهر بشاليه !!

 

[(*ام عهــــد *)]

الله يسخره لج

 

[iLLuMinaTion]

الله يعين

 

[كنوشة 2009]

ريلج صج امره عجيب شنو شهر بالشاليه
عاد من بعد الشاليهات ابعد شاليه بالكويت ساعة وشوي
قعدي معاه وتفاهمي ووقولي له هذا مو عذر

 

[ايمان الغساني]

الله يسخر زوجك لج ان شاءالله

 

[ام الدرر]

حبوبة
((كلكم راع ومسئول عن رعيته ))
كلميه بصراحة
هو مو عزوبي عشان يترك البيت اسبوعين ولا شهر
ماعنده دوام ماكو شغل
اذا علاقتج زينه مع اهله طلبي منهم يكلمونه
وعسى الله يسخره لج ويهديه​

 

[نونه المنكوشه]

انا لومنج امسك واحد من خواني وبيني وبينه اقوله يلحقه بالشاليه اللي اهوه يروحله ويشوف شعنده موبكيفه يقعد شهر اهناك وراه بلاااااا بله شلون يروح دوامه والله يعينج

 

[رقـة الاحسـآس]

الله ايسر امورج و يسخره لج

 

[سندس 90]

الله يهديه لج

 

[Om_Ksha]

الله يهديه

 

[نشيج الروح]

بما أن ماله خلق يرد ليش يروح ،،،، حاولي تفهمين السالفة اكثر منه

 

[مسكـ المطيري]

اي بنات انا اللي ذابحني اخاف انه مو بالشاليه ويكون بالديره يعني بس انه متزوج او يخربط
كذا مرة كلمته قال من عمر وانا جذي اغيب عن اهلي بالاشهر طبعي تعودت عليه ماراح اغيره عشانج ولازم تتأقلمين اذا تبين المركب يسير
وبخصوص دوامه يقول الربع يسدون عني و الشغل محد عليه رقيب يدوم يوم وعشره لا
و اني ادخل احد ثاني راح تكبر السالفه وانا ودي تنحل بينا بدون مشاكل شسوي فيه حده حارني
على فكره اخته جذي بس ريلها سفرات وانا اخاف قاع يطلع الحره فيني ياربي انا شكوووو

 

[انت مناي]

الله يسخره لج

 

[Patcholli]

الله وكيلج بورسلان المطبخ من رمضان بالكرتون ناطر احد يركبه :|
والمكتبه القديمه صارلها 4 شهور ليلحين ماقطها برا
والستاره اليديده بالجيس ناطره احد يركبها
وجناط السفر من شهر 8 ليلحين ناطرين احد يصعدهم بالمخزن

شتقولين اختي والله كل الرياييل نفس الشي تمبل وكسل وحق ربعهم ماشاء الله يصيرون حصن

بس سالفة الشاليه لازم تتأكيدن منها وتكلمينه فيها
انزين لما يكون اهناك مايدق عليج ماتسمعين صوته وصوت ربعه ؟؟

 

[دلوعة أبوهآ]

يغيب شهر !!!!!!! هذي ماينسكت عنهآ
مالك الا انك تسأليه وتصآرحيه

 

[Shinexo]

لآ لآتسآلينه وتصآرحينه لآنه لو في شي مآبيقولج وآلله آي آنآ متزوج آنآ آخربط مآفي حرآمي يقول آنآ بقت , وعسى مآشر آنآ من عمر جذي ومآبغيره عشآنج ؟ عفوآ آخوي بس جنهآ مرتك نصك آلثآني وملزوم و غصبن عنك تغير حيآتك لآنك صرت مرتبط فيهآ !! مب عزوبي حضرته !! جوفي يمه , آنتي لآزم تتآكدين بس لآتكلمينه تحملي ولآتحسسينه آنج تشكين بآلعكس , ترى آلمرآ لي بغت تخون تحآسب ع كل شي متزوجه آو بنت تحآسب حييل عشآن مآتنصآد وآلرجآل لآ يقطط آدله في كل مكآن وهآي طبيعتهم آصلآ , وآلريآل من آلآسآس مآيصبر عن آلمرآ يغيب عنهآ شهر آو آسبوعين , ! آنتي لآزم تتآكدين .. قولي حق آخوج بس مو يطلعه لآمج آو حد يتم بينكم , تقدرين آظن بآلكويت تطلعين بيآنآته آذآ متزوج آو لآء .. آذآ مآقدرتي تتآكدين خلي هلج يكلمونه وبحزم , آن بنتهم مش لعبه متى مآيبيهآ رد آلبيت متى مآضربت برآسه آلونآسه رآح آلشآليه طيب وآنتي يعني من بيونسج غير ريلج شسآلفه هآلرجآل ؟ .. آلله يعينج على مآ بلآج

 

[كويتية بروما]

اي بنات انا اللي ذابحني اخاف انه مو بالشاليه ويكون بالديره يعني بس انه متزوج او يخربط
كذا مرة كلمته قال من عمر وانا جذي اغيب عن اهلي بالاشهر طبعي تعودت عليه ماراح اغيره عشانج ولازم تتأقلمين اذا تبين المركب يسير
وبخصوص دوامه يقول الربع يسدون عني و الشغل محد عليه رقيب يدوم يوم وعشره لا
و اني ادخل احد ثاني راح تكبر السالفه وانا ودي تنحل بينا بدون مشاكل شسوي فيه حده حارني
على فكره اخته جذي بس ريلها سفرات وانا اخاف قاع يطلع الحره فيني ياربي انا شكوووو

اشلون مايداوم يعني يصرف عليج ويوكلج مال حرام

صفاته طيب حنون والله مادري وين الطيبه والحنيه لما يهدج ويروح
سلوكه شنو يصلي ملتزم يخاف الله والحرام ولا لا



لا تسكتين دخلي اهله واهلج
الله يستر منه

 

[Maaax]

فعلا امره غريب الله يعينك اختي