زوجي و (الزقاره) وحمالي فيدوني الله يعافيكم..

[قرمووشه]

السلام عليكم

بنات الله يعافيكم اللي مرت بحالتي تطمني

زوجي اتكلم ولا يفيد الكلام
حاولت ولا اكو فايده

اول مايقعد من النوم يشرب زقاره
اول مايجي من برا بيده زقاره
قبل لاينام يشرب زقاره
والغرفه تنترس بريحه الزقاير

والمشكله ان الزقاير اللي يستعمها اللي لونها احمممر
(يعني اقوا ريحه)

حنا اذا طلعنا بسياره همن زقاره وبلمشي همن زقاره

بنات اللي كانت حامل وزوجها جذي تطمني الله يطمن قلبها

هل اثرت ولا لا

لاني حيل خايفه تأثر علي او على الجنين

 

[لوولوو_88]

الله يهديه ،، والله حرام ما يخاف عليج و على ضناج ،، نفس ريلي و الله يستر لا حملت ،،

روحي فحصي احسن لج و خلي معاج يروح خل يسمع جم كلمه من الدكتوره ،، و يا رب البيبي ما فيه الا العافيه انشالله ،،

و نصيحه كلميه باسلوب جدي ولا تسكتين حرام اهوا مسوول عنج و عن الي ابطنج المفروض يخاف عليكم على الاقل ،، لا تسكتين و تنطرين يصير شي الموضوع مو سهل،،

الله يهديه و يحفظكم

 

[قرمووشه]

مشكوره لوولوو

طلعتي حتا انتي نفسي معاناه مع الزقاره

حاولت وحاولت ولا اشوف فايده
مشكوره ونصيحتج اميه بلميه صح
وان شاءالله بطبق

اااب اااب بناااات

هل اثرت الزقاير في حملكم ؟؟؟؟

 

[مذهلة2013]

انا حامل وريلي بس يدخن بس شرطت عليه بالطلعه لو شنو مايدخن بروحه كيفه
شسوي مت وانا اكلمه مت مت

 

[مسـك]

نفس الحاله ولا لقيت لها حل :/

 

[ام أسد]

نفس ريلي ٢٤ ساعة زقارة بس انا على طول اطرده من الغرفة اقوله روح اشرب بالصالة بالمطبخ برا البيت اي مكان بس بالغرفة لا

 

[قرمووشه]

الله يعينا ياارب

طلعت مو بس انا اللي اعاني

 

[نبض السعاده]

الله يعينج وتمم حملج

 

[مدّهره !]

لا ماايأثر على الحمال لاتحااتين

من تجاارب اللي حوولي أقوولج ...’

بس حاولي تتحاايلين عليه من ناحية الصحه داامه الإسلوب مو جاايب نتيجه

يعني أول مااتشمين ريحتهااا قعدي كحي كحي وروحي الحمام سووي عممرج ترجعععين

وإفتحي صووت المااي وسكري الباب وسووي فللللللم


الشكوى لله .’

 

[glby7sas]

قولي حق الدكتوره عن وضعج وخليها اهي تكلمه يجديه اذا انتي ماتحبين تكلمينه او اذا تخافين انه يهب ابويهج خلي الدكتوره تتصرف معاه اهي تكلمه وتفهمه شنو مضار الزقاير على الحامل

 

[fofo90]

انا ريلي يدخن بس متفقين
وقت الحمل مايدخن يمي كللش
والحمدالله اشوا ماقام يدخن

 

[امـ خــزامـى]

الله يكوون بعوونكم


استغرب بنات ماتخافون على صحتكم ترا الدخان اللي يطللعه العن من اللي يستنشقه يعني كأنك انت مدخنه

وفيه ضررررر كبير ع البيبي انتبهي
واعذريني اذا هو مايخاف عليكم انت خافي وبكل سهووله اول مايولع زقارته اطلعي لاتجلسين معاااه

ربي موسعها الا تجلسين قبال وجهه وتستنشقين هالعفن اللي يطلعه

وبكذا صدقيني مارح يدخن قدامك
والاهم من كذاا
عادي كاشخه ومتعطره وبكل سهوله يدخن والريحه تعلق بملابسكم وبالاثااث
انا اعذريني وارجو من الكل يعذرني بس انا اللي ادخل بيتها وشم ريحة الدخان
اعتبرهم ناس همج ومو رااقين
الاب والزوج قدوووه المفروض مايسوي شي مضر وقبيح قداامكم


انا زوجي يشيش ومرات يدخن هههههه ومستحيل يفكر مجرد تفكير انه يسويها بالبيت

اصلا من كثر ماهو يدري اني اتقزز واتقرف من هالسالفه صار يستحي يدخن قدامي

وربي حتى بالسفر ماخليه ولو جا بباله يدخن اقوله انتظرني برى
وانا بدخل محل مابعد بعت روحي ورئتيني عشان استنشق شي عفن يضر صحتي

موسوسه جدددددا من هالنااحيه ارجووكم لاتاخذون ع كلامي
بس قلت اللي احس فيه

 

[فروحته]

الله يعينج والله الزقاير مضرة وايد
وترا انتي تنضرين ويا الجنين لا تسكتين
بعدين نسبة كبيرة من الوفيات تكون بسبب استنشاقهم للنيكوتين بعد الحرق
انا اقترح تقولين له ادا بدخن مو بالغرفة انا سمعت ان التدخين يضر بالجنين
او قوليله الدكتورة سألتني ادا ريلج يدخن وانج رديتي عليها قلتي اي و قالت ما يصير لان هالشي يسبب في امراض للجنين
تصير حساسية بعدين+ امراض الربو وغيره
اهم شي ما تسكتين وما تصبرين

وربي يعينج يا رب ويتمم حملج

 

[ملح الكون]

الله يعينج ويتمم عليج يا ب

 

[مرت الغلا]

دخان الزقاره يسبب ولاده مبكره منو يقول ماله شغل روحي سالي اي دكتوره وبتقولج
انا جذي ريلي يدخنبالحمام او برا اذا يمه مايدخن بفتره الحمال موزين وحتى اذا مو ولاده يسبب مشاكل مستقبليه بالذهن للجنين
سوي سيرج وشوفي

اذا يبي يدخن يطلع برا او يروح الحمام يم الشفاط موزينه لازم تفهمينه

 

[شيخه كويتية]

انا قبل الحمل جذي الغرفه قته قبل لاينام يدخن اختنقت
لمه حملت وقتله عن ان الدخان يسبب تشوهات بعيد الشر ويطيح البيبي

خاف وكله بلحمام ومايدحن بالسياره






بس ترا مضر ولازرتي الطبيب بموعدج قوليله دكتور شنو اثر التدخين ع الجنين خل يسمع بنفسه


والله يحفظج ويسهل عليج

 

[شيخه كويتية]

انا ترا ماعرف اضرار الذخان ع الجنين قلت جذي حق ريلي بخرعه بس

 

[قرمووشه]

حبيباتي كلهم

جزاكم الله خير جميعا

ماقصرتو نورتو الموضووع

قريت لكم كلكم

ان شاءالله بحاول وبحاول افتك من هسالفه
بطبق اللي قلتوه وان شاءالله يجيب نتيجه

الله يجزاكم خير