زوجي ومادراك مازوجي دشو بليززز

[يازمن أعاني]

صباح الخير والفل والياسمين ...
صباح شمسً تمدنا بالدفء ...
صباح يوم يكون فيه الرزق على الابواب ينتظر من يفتح له ...



مشكلتي زوجي

وهاذا زواج ثالث لي وحامل الآن

عنده أخت متسلطه وتأثر عليه

وانا يابنات ماعرفت أمسك زمام الأمور وأتحكم

مع انه ضعيف شخصيه بشكل مو طبيعي

يتخانق معي بدون سبب

كل يوم له شكل وتصرف شكل

خاطري اعرف كيف اسيطر عليه بحلال مو بمضره له بس
ماعرفت امشي حياتي معه

مبهذلني بأشياء كثيره من لبس ومكباج حتي مكياج الي في بيت
منعني من روحه لوظيفتي
ومن زيارات أقاربي

أبي حل وتصرفكن به المواقف

 

[ناتشوو]

شوفي علشان لا نحس ان الموضوع
من المواضيع الكيدية النسائية
لازم تكتبين شوية تفاصيل وتوضحينها

هل هذا ثالث زواج لج ولا فهمت غلط؟

اشلون يحرمج من وظيفتج؟
شنو الأسباب وليش سكتي
ومو المفروض متفقين من قبل الزواج
ع كل شي؟
خاصة لو كان مو اول زواج لج

سالفة ضعيف شخصية
تعودت الوحدة ماتقول عن زوجها جذي
الا لي شافته
يميل لراي احد ثاني او ياخذ بشور احد غيرها
فضعيف الشخصية اللي مايسمع كلامها هي

واحتمال تكونين عنيدة
فعلشان جذي يعارضج
ويحرمج
من شغلات كثيرة

 

[ديانا سبنسر]

إذا هاوش. سكتي ينقد على روحه ويسكت

التحكم. باللبس. سوي اللي يبيه

أخته. وتسلطه. ادعي ربج يفكج منها ويرد كبدها بنحرها

والله يهدي لج ويسخره. ويهون عليج ويقومج بالسلامة

 

[كليـ دلعـ]

خلي لج كلمه عليه

وفرضي رايج


واللي مومقتنعه فيه لاتسوينه

واللي تبينه اصرري عليه زعل رضا طق راسه بالطووفه اصررري ع رايج!


كلمتج خليها وحده

رايج وواحد!

مووتتراجعيين وكلمه توديج وكلمه تييبج

خلج قوويه وحااززمه


لاتبيعين برد>>>. خخخخخخخ


كسبيه بالاحترام

والمعامله الحسنه

احترميه. لومايسوا بيزه

دام صار ريلج خلاص بعد رزيه لووانه ديايه ام احمد ياحيله الله دامه رقم ٣!


بالمعامله الطييه كل شي يصيير

الاهم قدريه ولاتقصرين فيه

وبالمقاابل خلي لج راااي وكلمه

بجذي تكونين مسكتي زمام امورج

الله يسخره لج حبيبيتي

 

[قطوووة]

شلون يمنعج ع وظيفتج ؟
هالامور تتفقون فيها قبل الزواج

 

[البـنـدري]

كل شي ياحبيبتي يكون بالاتفاق بدون ما يكون فيه مشاكل لازم يكون في حوار بينكم على الموضوع

 

[رنيم الروح]

حبيبتي بالنسبه انه معدوم الشخصيه هذي مشكله بكبرها واذا انحلت انتهت المشكله والمفروض ماتقولين اسيطر عليه قولي ابي احس بشخصيته الي تعتمد على تفكيره الشخصي مو كلام اخته او غيرها
وفرضا سيطرتي عليه -هل بتحسين برجولته ؟؟ او قيمته ؟
ان شاءالله يساعدونك البنات

 

[صمت المرافئ]

حاليا هدي الأوضاع ...
وتحملي مادام انج حامل ...
حاولي تكسبينه بالمعاملة الحسنة
واخته إذا معاكم بالبيت حاولي تتحاشينها
ولا تتصادمين معاها
إذا مو معاكم يكون أفضل ...
خففي من زياراتج لأهل زوجج للبعد عنها وعن المشاكل
حاولي تتفاهمين معاه عالوظيفة وإذا ما رضى
حاولي تدخلين أبوج والا اخوج يكلمه بالهداوة
ما رضى ... اعتبريها فترة راحة خاصة وانج حامل
بعد الولادة يصير خير
حاولي ما تشدين خاصة إن هذا الزواج الثالث لج
والايام كفيلة بتهدئة الوضع
الله وياج
​

 

[أروح فدوه لك]

يـاهـلا حبيبتــي , طبعـاً ذكرتـي شخصيته ضعيفة اخذية على قد عقلة ترى اللي جذي مثل شخصيته الضعيفه
يعامل كمـعاملة الطفل المدلل الصغير دايم قوليلة حاضر وان شاءالله وتامر امر من هالعين وعلى هالخشم بعـد
جذي بتكسبينه وهو بيستانس وانتي اكيد بتكونين متضايقـه بس عرفي شي واحد انج سويتي انجاز صدقيني بهالطريقة
بتكسبينه واهو مثل الياهـــل يبيله كلمتين حلوين وخلالالالاص وانتي بيدج تقدرين تقنعينه عن وظيفتج
تقولين له والله الحياه صارت صعبة مو مثل قبل وانا حابه اعاونك ومن الكلام المصفف اللي خبرررج ..

ولا تنسين انتي حامل ريحي نفسج من عوار الراس والقلب وذكرتي بعد منفصلة (3) مرات موهينه ترى ..
حاولي ماتخترب علاقتج بزوجج وهالنسره اخته تبي اي شي عليج اقل زله حاولي تصدينها ودايما استغفري الله وتعوذي من بليس
والدنيـا ترى ماتسوى شوفي حياتج وحاولي بطريقتج تكسبينه عشان ماتخسرين اشياء وايد ومن اهم الاشياء وضيفتج

ضعاف الشخصيه يبيلهم اسلوب وحده عارفه لهـم وانتي ماشاءالله عارفه له زوجج وصار لج فتره وياه

الله يهديكم لبعض ويصلح حالكم ..

 

[mrs.inona]

كل شي ياحبيبتي يكون بالاتفاق

 

[عطاء أنثى]

الله يسخركم لبعض

 

[Tom ♥ Jerry]

,

الله يكون في عونج

 

[دلال و غلا]

الله يوفقج و يكون بعونج حبيبتي
و الحين فيه بيبي جاي بالطريق حاولي تبعدين نفس عن جو التوتر و المشاكل
و طوفي من زلاته ع شان تقدرين تعشين معاه براحه
و اخته ادعي ربج يفكج منها و يجعل كيدها بنحرها و يشغلها بنفسها

و بعد لا تنسين تدعين لزوجج يسخره و يهديه و يسعدكم يالغاليه

 

[عتآق الخيل]

الله يعينك حبيبتي ويسخره لك.~

 

[دلوعة أبوهآ]

آلله يعينك

 

[حبيبه فايز22]

رايي من راي اروح فدوه لك
الله يهديه لج

 

[al-musk]

الله يعينج

 

[modern]

شخصيته ضعيفة لازم تحولي هذي النقطة لمصلحتك
اولا لازم تأسري قلبه بتصرفاتك عشان يثق فيكي و بتعاملك

 

[جذابه بنت ذيابه]

مفروض تاخذينه على عقله قوليله امر وحاضر وابشر و تقربي من اخته بس مو حيل واشتري لها هدايا
وسولفي معاها .. اكسبي اهله تكسبينه

 

[PuPa^^SWeeT]

ليش شبينها وبينج اخته ؟؟؟




الامور اللي ذكرتييها

مالها علاقة اخته




منه اهو