زوجي وفارس الطلعه

[؛؛sokrrah؛؛]

السلام عليكم ،،،،،،

أنا مدرسه وزوجي معا متوسط

اهو عليه ماجله البيت كامله من كل شئ

بس إذا طالعنا مطعم دايم أنا اللي ادفع قليل اهو يدفع

وإذا قلت له يقول أنا مابي الطلعه انتي اللي تبين

وأنا ما اقدر على مطاعمج الغالية

شرايكم ؟؟؟

 

[سيلينا]

انزين!!

شالمشكله اذا مو مقصر وهذي قدرته شيسوي بعد!

لا تدققين منو دفع اهني ومنو حط اهناك طالما انه مايقصر!!

 

[^_^ Coco Chanel]

صراحه انا مادري شنو هالطريقه اللي الزوج عليه شي والزوجه شي
موفاهمه كلش، ومو حابه هالاسلوب ...

 

[iLLuMinaTion]

الله كريم

 

[نونه المنكوشه]

انتي لما خذيتيه عارفه وضعه عدل وله لأ ؟؟؟؟؟
يعني شي طبيعي بيصرف ع قده واذا اضايقج هالشي لاتطلعين دايم خليها مره بالاسبوع والباجي تمشي معاه وبصراحه الكويت عموما مطاعمها اسعارها معقوله اله اذا عشا بفندق يمكن اغلي شوي بس هم شي مقدور عليه خاصه انه حق شخصين بس اذا طيب ومومقصر يستاهل بس اذا عسر ومقصر حده مطعم هندي وله بدر البدور خخخخخ

 

[ناتشوو]

انا اقول استشيري عقلج وقلبج
هل فعلا زوجج مو مقصر بواجباته
هل عدم دفعه ناتج عن بخل
اذا انت
عارفة
انه مو مقصر بواجباته
ومميزاته كثيرة
خلاص دفعي دام الطلعه فيها وناستج
يعني فلوسج ماراحت عليه او ع شي فاضي
ولا تخلينها شي بضيق الخلق
الله يسخره لج

 

[زوجة عزيز]

اذا مايخش فلوسه مومشكله دفعي مافيها شي بس اذا جذاب خليه اهو اللي يدفع

 

[عناقيد الجنه]

عادي حبيبتي


اذا اهو عليه الماجله زين على زين

ومعاشه مو زود خريج المتوسط و انتي أبخص

اذا تبين تستانسين وتطلعين وتروحين وتردين مافيها شي اذا دفعتي وشاركتيه

موفقه حبيبتي

 

[مذهلة2013]

حبيبتي اهيي مومشكله كبيره

حلو الواحد يشارك لانها حياة الزوجيه تعاون

بس هل اهو يستاهل ؟ برايج اكييييد ؟؟

مافيها شي الريال موقاعد يقط فلوسه برا ماعنده

بس المفروض مايقول (انتي تبين الطلعه) احسها مو حلوة

 

[فنر 7]

هذي مو مشكله
لاتازمين نفسج عليها ولاتكبرين الموضوع
مدامه قايم ابيته
ومو مقصر معاج
مايت عالمطاعم
ان عندتي بيقولج مابي اطلع
وقعدي بالبيت حزتها شتستفيدين
لاخير في دينارن مايونس صاححبه

 

[نور دنياه]

عادي طوفي المهم تاكلين وتستانسين مو مهم منو يدفع

 

[M!SS.LOBY]

ما دام انتي مرتاحة خلاص

 

[شــــــــــــــوقــــه]

خو مطعم عادي مو قاعده تدفعين على كل شي

 

[є 3 τ и α q]

طيب عزيزتي !
لو فرضنا العكس


هو الموظف وانتَ اللي رايحه
وهو اللي يدفع!


تتوقعين راح ينظر للموضوعَ بنفس نظرتكك


_

لآ تهتمينَ بهالنقطه ..
ولآ تجعلينها تعكر حياتككَ
ادفعي واستانسي وكلي دامك قادره


واتركي عنككَ دفعت هو مَ دفع
بالنهايه هذا زوجك

موقفةة

 

[granted]

لا مو حلوه اهي تدفع كل مره اذا على المشاركه مرات اهي ومرات اهو بس مو كله اهي
عيل قولي بطلع اتعشى مع رفيجاتي دام مالك خاطر ولا مع خواتي

 

[يغار الحلا]

..

أممم
اعرف وحده مثلج

ريلها معاشه ع قده وهي راتبها اكثر

وكانت كل ماتبي تروح تستانس مطعم ولا فندق ولا حتى سفره يقولها ماعندي
ادفع لي ولج

صارت هي تدفع النص هو النص قالت اذا بتم على كلامه مابنطلع الا بالشهر مره
ومرات هو يعزمها ومرات هي

بس اغلب سفراتهم وطلعاتهم اللي تكلف فنادق وهالاشياء وحتى العمره النص بالنص ..

وانتي اذا شفتيه مو مقصر معاج ابدا الا انه مايقدر يدفع فالمطعم عادي دفعي انتي
ومرات من قبل الطلعه قولي له هالمره عليك انت تعزمني
ومرات انتي قولي له انا عازمتك
ومرات قولي له نص انت ونص انا بس احسها ماتسوى واحس اذا تعود الرجال بعدين مايقدر يدفع شي
..

 

[Patcholli]

انا اشوف لو ريلي فعلا ظروفه صعبه واهو ريال طيب وحنون ويستاهل ماراح اقصر عليه اشدعوه كله مطعم مو سفره ولا ماخذتله قرض
مطعم شي بسيط
بس اذا انتي ماتبين هالشي ومظايقج عندج حلين :

اما انج تكنسلين طلعاتج الغاليه وتروحين معاه مطاعم عاديه يقدر عليها

او انج تطلعين مع ارفيجاتج او اهلج


شتسوين بعد الريال هاذي ظروفه
بس اذا عنده ومقتدر الصراحه اهني اشوفها كلش مو حلوه واهو ملزوم فيج وبطلعاتج

 

[ليدي بجد]

منو فارس الطلعه؟!!!!
عادي دام زوجك إمكانياته بسيطه يا تدفعين انت يا بلاش مطاعم
زوجك كان صريح معك وقلك مااقدر وانت نفسك معترفه بقله إمكاناته






نصيحتي بما ان النصحيتين الاوليه صعبه عليك والا ماكان اشتكيتي
قللي الروحه للمطاعم معاه يمكن يصير يقدر يدفع عنك بعض المرات




ثانيا اطلعي مطاعم مع امك. هذي تدفعين لها وتاخذين اجر وتحسين براحه انك دلعتيها.وبريتيها. واهم شي كليتي للي نفسك فيه


ممكن تروحين مع اي احد ثاني بس الام غييييرر الشعور معاها مجربته انا

 

[جوري 2007]

لاتروحون مطاعم غاليه وخلي الطلعه مرة بالاسبوع عشان لايحس ان الطلعات عبء عليه

 

[نور المدينة.]

الزواج مشاركه بس بحدود حمدي ربج انه مأخذا الراتب لو واحد ثاني خذا الراتب كله وفي بعضهم كرامتهم ماتسمح ان المره هي اللي تدفع

دامج مرتاحه معاه خلاص وزين لج تغاضي عن الشي