زوجي وايش اسوي فيه

[الهام 2009]

السلام عليكم
انا زوجة جديدة زوجي قعد معاي شهر وسافر ولكنه قليل التواصل معي تواصله فقط على التليفون فقط يتصل على مرة في الاسبوع ولا يبعث لي ايميلات ابدا والرسائل فقط اذا حابة يبلغني بشي او يقول لي شي اما ما عدا ذلك فهو غير رومانسي بالمرة وانا مشتاقة له كثيرا واذا دزيت له رسالة فيها كلام رومانسي ما يجاوب علي وكل ما ادز له ايميل يقول ما فتحته او انا مشغول وما عندي وقت وانا مليت حيل من تصرفاته معاي احس انه ما يحبني
وزواجنا تقليدي يعني زواج عن طريق الاهل

 

[كليـ دلعـ]

مادري

نفسيات الناس مختلفه

اطباعهم مختلف

ثقلي عليه

صيري ثقيله وغامظه وعطيه طاف

سوي نفسه

وشرط بينتبه

وبيسال

ذيج الحزه قوليله ليش تعاملني جذي!؟

الله يسخر لي ولج ريااييلنا

يااااااارب

 

[sosowaty]

االله يسخره لج و يهديه

 

[انا لها شمس]

ليش ماتقوليله اهوا هذا الكلام ؟؟؟؟
صارحيه وقوليله انا مشتاقتلك وتونا معاريس وما استانسنا بحياتنا

وليش ماسافرتي معاه ؟؟؟
مهما كانت الاعذار والظروف والله اسافر معاه وين مايروووح ..

خلاص انتي تزوجتي لازم تتبعين زوجج وين مايروح

 

[ثنايا الورد]

الله يسهل عليج ويسعدج
وترى اذا انعدمت الشفافية ولغة الحوار بين الزوجين بردت وبهتت حياتهم
فتحي قلبج وبادري واكسري كل الحواجز معاه حتما راح يتأثر فيج
ولج الفضل بالاخير
موفقه لك لخير خيتو

 

[جهراويه توته]

الصبر زين والله كريم

 

[شادن33]

يمكن بعد ماتعود والله مادري خابره الريياييل لصقه بهالفتره
ماعليج انتي لما اييي علميه على اسلوبج واللي تحبينه

 

[Miss^NeozZ]

تو الناس على هالسوالف شهر ومشتاقتله ؟ مداج تتعلقين فيه :/

 

[ام كوثر2007]

حاولي تناقشينه حبيبتي . قوليله انج محتاجه له ومومعناه كلامج انه تبينه يترك شغله .

لا طبعا .. لكن كلميه وقوليله احنا ببدايه حياتنا وانا ما شبعت منك . وماني حاسه انك تهتم لي . شوفيه شنو يرد عليج .

يمكن يكون هذا طبعه في رياييل وايد ما يقدرون يعبرون بالكلام .

وحاولي اتحملين حبيبتي ولا تشكين انه ما يحبج . لانه لو ما يحبج ما يتزوجج .

هذى الحياه الزوجيه ترا يوم حلو وعشره مر .. لازم تتاقلمون فيها . وتحاولون تحلون مشاكلكم بعقل وحكمه.

عسى الله يسخره لج ان شاءالله

 

[انثى عاشقة]

المصارحة احسن حل
عشان لاتقعدين تحاتين اكثر ..
الله يسخره لج ​

 

[Moim]

احس للمره المليون احط هالرد ههههههه
انا ريلي ما يعبرلي كلش معني صارلي وايد وياه بس حتى لما يسافر ما يعبر
فعادي انتو بالبدايه يمكن انتي منصدمه لان حاطه فبالج رومانسي
بس لا حطي فبالج ان مو رومانسي وقوليله كلام حلو بس بدون لا تنطرين منه شي
والله يوفقج حبيبتي

 

[عاشقة_الجمال]

تكلمي معاااااااااااااااه