زوجي واهله

[التسامح طبعي]

السلام عليكم ورحمة الله وبركاته

بدش باسالفتي على طول وقول لي رايكم
انا حارتني اخوات زوجي وامهم واخرها امس
طلبو من زوجي 500 عشان يزودون على فلوس عندهم ويشترون كنب
والله يابنات ان عمي مايقصر معهم والصرافه بيديهم ومعهم خير
والله الكنب الي يبون يبدلون ماله معهم سنتين بس وش تقولين
انا مدرين ليش يطلبون من زوجي ويخبون فلوسهم
والله بعض الاحيان يقولون اشتر لنا كذا وكذا ومايعطونه فلوسها
يسون نفوسهم مامعهم شي وعند الناس يقولون اولادنا مايعطونا شي
احنا مو ملزومين منهم عمي غني وكريم بس اخواته يوزون امهم
عشان تاخذ منا فلوس
والله اني ابي اغير غرفة التلفزيون بس يقولي شوي
عاد امس قلتله اذا بتعطي اهلك ولو ريال راح تعطيني نفس المبلغ انا
واولادي اولا منهم ونبي نامن مستقبل عيالنا
حتى السياره قديمه ونبي نغيرها بس وش لون وهذولا كل يوم اعطنا
كل هذا حسد وحقد علي والله جيت اكرههم لاشعوريا احسهم منافقين
الله يكفيني شرهم وحسبي الله ونعم الوكيل
على فكره كثير من الاحيان يعطي يقول استحي وش اقول لامي
وينزل مصروف شهري لامه 200
والله محد من اولاد العايله يسوي زيه هو طيب وهم مستغلين طيبته
ابي ردودكم بدون تجريح

 

[بنوتة طموحة]

لازم زوجج يكون له موقف وكلمة

أمه على عيني وراسي

لكن بنت الناس اللي ماخذها هم بتعيش حالها حال الناس

لازم انج توعينه إذا كل ما اطلبوا منه عطاهم والله العمر بيركض

وبالنهاية ما يجمعله فلس حقه وحق عياله

وانتي زوجته وهذيله عياله هم لهم حق عليه

أستغرب من بعض الرجال يبذلون كل شي علشان يرضون أمهاتهم

لكن هم بالمقابل أكو زوجة لها حقوق

يعني ما يعرفون يسوون توازن بعلاقاتهم​

 

[مات الحلم]

شوفي حياتي ..

لاتنزلي من مستوى تفكيرك عشان يسير نفس مستوى تفكيرهم ..

خليكي راقيه فـ تعاملك مع زوجك واهلو كمان ..

يعني لو شفتيهم يطلبو او هوا يعطيهم قولي انتا ومالك لا ابيك ..

يعني اقهريهم بإبتسسامه منك بدل مايقهروكي ..

هما مايسسو ذا الشي الا عشان يشوفوكي مقهوره وتبكي ..

عندنا عقليات زي كذا ..

اما عن زوجك فخلي لسانك ححلو معاه وربي الرجال عقلو صغير وبسسرعه تخليه خاتم فـ اصباعك

يعني اذا تبي تغيري اثاثك ..

قولي اش رايك نغيرو والله العيال عدموه لنا صعبه استقبل الناس وكذابيتي ..

انتا اش رايك ..

حسسيه برجولتو اكثر ياعسسل وانشاء الله يرضى ..

هذآ رأي انا وانشاء الله تشوفي اسلوبهم معاكي ححلو ..

الله يهدي سسركم يارب ..

ودي

 

[فوفو22]

عليهم بالعافيه

مافيه خير لو ما يشارك اهله بأي حاجه ...هم يبونها(كنب ..سفر ..علاج ..لبس...الخ)

ولا تقنعيني ان الرجال اللي يساعد امه وخوااااته يقصر بزوجته

لانه من الموضوع عرفت انا

ان زوجج ذهبه وبار بأهله .......

فاللي فيه خير لامه وخواته .........بالتأكيد في خير لزوجته وعياله

إلا في حالة اذا الزوجه كشفت عن قناعها وكشرت عن انيابها امامه

على فكره

يا ما شاركنا اهلنا بأمور بنظرنا تافهه

ولكن كافي انها تطلع من لسان الام او الاب

فيتحول الكلام من طلب الى امر

لست وسيد .....الحبايب

وعليها بالعافية

<<<<يالله ترزقني بجناين يبرون فيني مثل ما يبر ابوهم وامهم باهلهم


فوفو

 

[التسامح طبعي]

بنوته طموحه الله يعطيك العافيه والله انك صادقه يسوي اي شي لهم وياليت يبين بعيونهم
لا يبون اكثر
مات الحلم راح احاول اطبق كلامك برغم اني اعصب بسرعه من هذي الحركات الي تقهر الله يسعدك
فوفو الي يده بنار مو زي الي يده بالماي والله اني صادقه بكلامي وانا طيبه معهم بس هم مايستاهلون
ومشكوره على ردك

 

[ناتشوو]

يعني شنو طيبة معاهم ومايستاهلون
هي فلوس زوجج مو فلوسج
مالج حق تتحكمين وين يحط فلوسه
انت ودج تحاربينهم ولقيتي طريقج
عن طريق فلوس زوجج
كأنه ماكان ولدهم
تبين اغراض ونواقص كيفج اطلبي من حقج
بس لمصلحتج ماتقولين عطيتهم عطني
حالي من حال امك
لا جذي يحس انج مو محتاجه فعليا للشغله بس محترة من اهله
( الزوج مو غبي يعرف ويفهم )
قوليله نواقصكم بدون ماتجيبين سيرة اهله
وانه عطى امه او مشى لها مصروف
( واي اتخيل مرت ولدي تقول ليش تعطي امك فلوس
الشرهة علي اللي اخترتها ورزيتها)
ونصيحة مو لازم تقرين الرد اللي يوافق هواج علشان يكون صح
ونصيحة ثانية اقري رد فوفو بس وانت هادية وريلاكس
وتخيلي مرت اخوج تفكر نفس ماتفكرين

 

[الغلا كله لبوي]

الله يكون بعونج حبيبتي بنسبه لج اطلبي منه الي تبينه

مو تقولي ماعنده لا خليه يتعود على مصاريفج وطلباتج

بس انج ترفضين انه يعطي امه حرام

لاتنسين انها امه ربته وتعبت عليه وانتي بكل بساطه تزعلين انه يعطيها لا حبيبتي

واذا كان على وضعكم المادي استغفري ربج وادعي وصلي بااخر الليل ان ربي يفرج همج ويقضي الدين عنكم

ويرزقكم

طيب بما ان عمج طيب ومقتدر ليش ماتطلبونه عادي انا عمي غني دايم يساعد عياله المتزوجين

والله يوفقج حبيبتي

 

[عبير العنزي]

لاتنسين انهم اهله قبل لاتكونين زوجته

 

[الدلـــع كله]

عادي حبيبتي خليه يصرف على اهله .. هذيلا اهله ماله غناة عنهم .. وصدقيني المفروض تستانسن وتعوانينه على هالشي عشان عيالكم باجر يسون نفس هالطيب
ومالج شغل بردة فعل خواته وامه .. صدقيني إن الله لا يضيع اجر عامل إذا عمل

 

[شذى2007]

امه واخوااته شفيها اذا طلبوا لو كان عندهم فلووس هذا اخووهم ولا خلاص تزوج مايطلبون اما من ناحية انه يقصر عليج فهذا شي ثاني انتي لازم تقولين له انا مامنعك انك تعطي اهلك لكن حاجتي تجيبها لي وماتقصر يالغلا لاتحسبيني ضدج بس والله اشووف كثير يزعلون اذا الزوج عطى اهله طيب انتي باجر عيالج ترى اذا تزوجوا ترضين يصدوون عنج مايعطوون فلوووس وخواتهم اكيد ماترضين ودج يفرحج حتى لو انج غنيه بس حلو ان ولدج اللي ربيتيه وتزوج يعطي امه ويلبي طلباتهم انتي فكري بنفسج باااجر

 

[bal8es]

حبيبتي لا تصيرين بخيله زوجج لو حاس ان اهله مو محتاجين الفلوس صج ما عطاهم

بعدين هذيلا اهله اصلا الي مافي خير لأهله مافي خير للناس

<< خروووج عن الموضوع ===انا اتمنى الله يرزقني بزوج بار بأمه واهله << اتمنى اصلا لو يقولي الا امي وخواتي مالج شغل فيهم

>> نرد لموضوعنا
اي حبيبتي اذا اهوا مو مقصر معاج مالج شغل بأهله يعطيهم الي يبي لا تحرين نفسج اهوا واهله كيفهم !!!

هني صج تحسين برجولته

 

[الغزال الابيض]

شوفي حبيبتي هم هذول اهله ولازم يعطيهم
على فكرة الام تحب تاخذ من ولدها حتى لو زوجها مو مقصر عليها
يعني مافيها شي لو بالشهر عطاهم مبلغ بسييط
وترى الرجال مايحب المرة اللي تحاسبه على فلوسها بالعكس اذا اهو مايعطي اهله قولي له يعطيهم
وانشالله مابيقصر وياج بشي بس اقولج لاتحسسين زوجج انه تبين منه شي واهو مايقدر عليه
وترى الفلوس ماتهم ياعمري اهم شي راحتج مع زوجج والله يخليج له هذي نصيحتي بعدي عن الشر والمشاكل

 

[*الشيـــهـانـة*]

مافيها شي هذولا اهله

 

[كويتيةch]

حبيبتي انتي حطيتي الموضوع وتبينا نرد عليج فتقبلي كل الاراء وبعدين هذي امه اللي ربته وتعبت عليه وتخاف عليه اكثر منج انتي يازوجته مستخسره عليها٢٠٠ يمشيها لها شهريا هذي جنته وناره وبعدين عشان يطلبون من اخوهم صاروا يكرهونج لا حبيبتي انتي حاطه هااشغله بالج اهو قاعد يبر امه وابوه بس اتمني تحطين نفسج مكان امه وجنتج تقول لولدج لاتصرف علي امك احنا اولي شنو يكون ردة فعلج بليييز جاوبيني ..........
واخذي كلامي بصدر رحب احنا خوات *

 

[عاشقه رويشد]

انا مع فوفو اهله ولازم يقوم فيهم وبالعكس المفروض شي يونسج لانه اذا كان بار باهله بيكون بار فيج

 

[التسامح طبعي]

حبايبي كل الي ردو علي مشكورين
انا ماعترضت على ال200 اصلا صار له 3 سنوات ممشي لها وماقلت شي
انا اقول ليش يطلبون منه حق تاثيث بيتهم وهم مو بحاجته اتمنى فهمتو علي

 

[نور مغليها]

حبيبتي الفلوس لزوجج وهو مو معطي اححد غريب هذول اهله
اذا قطهم بالشارع اوكي ...

 

[شيهانة*]

اذا اعطى امه وخواته خير وبركه وسعه رزق ان شاء الله لكم لانه كما تدين تدان

 

[دلع العتبان]

هدي الامور قلب ولاتشيشينه على اهله مهما كان اهله ويمكن صج استحى اوويلي على بعض الحموات عليهم سوالف غريبه عجيبه وزين يسوون جذي بس فيه ناس تتدخل حتى بحياتج فانتي هدي واخذي منه الي تبينه بالهداوه مو بالحقد

 

[mf6nt el3lat]

هذيلا أهله لازم يعطيهم ويبرهم حتى لو ينافقون يعني اذا امه طلبته راح يردها ويقول ما عندي << فشله صراحه
أنتي خليه لا تضغطييييين عليه ! كافي اهله انتي تزيدينه بعد
ترى كل الناس لهم طاقات ولحد معيييين يملون أو ينفجروووووون فخلي زوجج يتخذ قراره بنفسه لمن يشوف الوضع زاد عن حده وهو يتصرف بعديييييييين ..
الله يكون بعونج وأن شاء الله بكررره عيالج يسون لج جذي كل شي تطلبينه حاظر وامري