زوجي واهله علاج بالديرة اللي ابيها

[؛؛sokrrah؛؛]

زوجي واهلة بيروحون علاج لستراليا وانا من تزوجته اقوله حلم حياتي لستراليا سافرت قبل
الزواج مع اهلى دول اوربية بس كان حلمي استراليا
قال بيروح اهو وابوه وخواته علاج على حسابهم وانا لا
لاني حامل بالرابع وعندج دوام قلت عادي حتى خواتك نفس وظيفتي هم رفض
قلت له عادي ما يأثر وعندي فلوس للتذكرة ومعاشي عندي
رفض قال لو شنو ماتروحين
قلت اذا والدت ودني قال كل الدول الا هالدوله مت مت بجي
انتو شرايكم

 

[!الجادل الصعب!]

استهدي بالله اول شي

ثانيا سبب الرفضواضح لانج حامل و يخاف عليج بس انتي اصريتي
وخليتيه يعصب و بالنهاية تقولين توديني هالديره بعدين اكيد بيقول لا ..؟!

لي طرق افضل للمشاكل البسيطه هذي
فهمتي منه سبب الرفض ليش العناد ؟ بعدين صج مو زين لج تسافرين وانتي حامل و المسافه مو هينة و ترانزيت
يعني يشيل هم ابوه المريض و الا همج وانتي حامل ..

رفتيجتي اصرت تجهز من دبي و هي حامل والمسافه قريبة حذفة عثا على قولتهم و صار معاها ولاده مبكره هناك و وصار ولدها بالشيشه شهر و اضطرو يقعدون طبعا هناك شهر و ضغط و مصاريف فوق طاقتها ..!
خليه يروح وهو مرتاح وانتي بعد راضيه واا ولدتي بالسلامه صدقيني تقدرين تقنعينه باللي تبين
بدون كلمة غصب او اجبار .. انتي عارفه نوعية شبابنا لا يمشون بالعناد و يصغر عقلهم حيل عند هالسوالف ..


الله يسخرة لج و تولدين بالسلامة

 

[مذهلة2013]

شوفي انتي حامل وخطر عليييج
بس اذا ولدتي خليه يودج غصب طيب

المفروض ما يقولج هالكلام :/

 

[توتة UAE]

ربيعتي سافرت سياحة ف بداية حملها و ف نهاية حملها بعد والحمد لله ما استوى فيها شي لكن استراليا بعيدة وبتيلسين وايد هذا هو الخطر ودام السفرة علاج وريلج رفض خلاص خليه مركز ع وضع ابوه ولا تعورين راسج لما ريلج يسافر اطلعي ويا ربيعاتج او سوي اي شي تستانسين عليه ولما يردون بالسلامة ان شا الله عقب فترة افتحي الموضوع انج تبين تسافرين ولو اني اشوف الاحسن تسافرين مكان ثاني اجرب . .

 

[نبض السعاده]

الله يشافي ابووه انتي حامل جدا خطر السفر لي ولدتي يصير خير

 

[Patcholli]

مافهمت ليش قالج كل الدول الا هالدوله مو معقوله مني والطريج وضحي اكثر ..!!

 

[قطرية كشخة]

مبين انه خايف عليج لانج حامل معذور معليه عقب الولادة سافري معاه استراليا

 

[noo7a]

طريج استراليا طوييييييييل حيل حيل يتعب 14 ساعه دايركت
متعب ما انصحج فيه اذا كنتي حامل كلش

 

[؛؛sokrrah؛؛]

رافض لان مايحب دول بعيده مثل استراليا وامريكا

 

[صعب اكتم احساسي]

انتي حامل ومو زينه الرحلات الطويله للحمل حتى لو انتي في الثلث الثاني من الحمل يضل في رسك من الطيران
انا كنت حامل وسافرت تركيا وغيرها وبعدها سقطت يمكن مايكون بس هو السبب بس ممكن يكون ساعد في الموضوع
وبعدها ندمت قد شعر راسي اني سافرت وماريحت نفسي
فانتي انتبهي للبيبي ولاحقه عالسفر والله يتمم لك على خير

 

[امـ خــزامـى]

الله يسخره لك

 

[Um Tuki]

مبين ان خايف عليج

بس لييييييييييييييييش .. أشمنعـــــــى يبي يوديج كل الدول الا استراليا ؟؟؟

و لا تحنين زود .. اهو رايح علاج

حتى لو رحتي ما بتستفيدين ..

مو حلوة ابوه فالدختر وانتي تفترين برع

 

[ReD&FoSHia]

مادري احسج عاندتي و كبرتي راسج و هوستي وايد عالموضوع بصورة خلاه يقولج اي دولة الا هذي .. يعني اهله علاج شلون يوديج سياحة ؟؟؟؟ بعد لازم يكون فيج احساس من قبلج .. لا تضغطين وايد

 

[miss.unique]

الله يهداج بس
مسوية مشكلي وبجي عشان هالسالفة
زوجج ما يحب يسافر مكان بعيد . يعني في سبب مو عناد الموضوع
ووايد ناس جذي .. انا امي نفس زوجج
وماقالج مارح اوديج تسافرين طول عمرج .. قالج هالدولة مابي لان بعيدة

اكو وايد دول حلوة بيييييييييييه شكثرثم و اقرب من استراليا
بعدين انتي حامل مو زين تسافرين

انا خالتي من جم يوم مات البيبي في بطنها والسبة انها مسافرة واهية بالرابع مسكينه
المهم لا تكبرين الموضوع

 

[نـعـومـه]

وضعج كلللش مومال استراليا

أستراليا رحلات وآكشن ومغامرات حتى يقولون اللي تروحلها لاتودي يهال لانها ماتصلح الا للكبار وغير طريج المتعب فمبالج انتي حامل !!

قوليله خلاص ماروح بس اذا تقدر توديني عقب الولاده

 

[Royof]

ي حبيبتي

انتي حامل و خايف عليج و اذا عن انه رفض خلاص لا ولدتي بسلامه يحلها الف حلال

تقدرين تقنعينه

 

[M!ss CoLoRz]

أختي انتي حاولتي تفهمين وضع زوجج قبل ما تفكرين في روحج؟؟؟؟

زوجج رايح مه اهله علاج ديرة بعييييدة واضح ان الاختيار كان اجباري مو اختياري .. السفرة بكبرها بتاخذ يوم كامل زوجج بيعابل أهله اللي أكيد الطريج بيكون صعب ومتعب جسديا ونفسيا عليهم وهناك بيقعد يجابلهم ويراكض مني ومناك غير الوضع النفسي اللي اهوه فيه واحساس الذنب انه هادج وانتي حامل

انتي يتي تعال ودني اروح استانس!!!!!!!!

العلاج شكثر راح ياخذ؟؟ اسبوع؟؟ شهر؟؟ أكثر؟؟؟ انتي في وضع يسمح؟؟ جد يعني!!!!!! لا سمح الله صار شي فيج ليش تورطين الريال ؟؟!!!!

اهوه شكله بعد قال لج لو شنو ما اوديج هناك لنه كان متوقع زوجة تسانده وتوقف يمه وتخاف على اهله

سمحي لي أختي بس موقفج كله غلط ... حطي روحج مكانه لا سمح الله لو اهلج في هالموقف وزوجة اخوج اللي تقول هالشي مستحيل بتقولين اي ودها خل تستانس

انتي ولدي بالسلامة وخل اهله يتعافون وعقبها روحوا مكان ما تبون عليكم بألف عافية

 

[M!SS.LOBY]

الله يهديه

 

[M!SS.LOBY]

صدقيني ماراح يصير فيج شئ
اذا ما رحتي استراليا ما توقف الدنيا عالسفره عطيه طاف وبعد الولاده يصير خير

 

[وردة وطني]

مع الاخواات
والله يقومج بالسسلامه ( :