زوجي والخيانه والله تعبت شسوي كويتيات

[السليلة]

السلام حبايب
والله اكيد اغلب البنات نفس مشكلتي تعبات زوجي كم مره اطيح عليها يحجي بنت
وطرشلها صورها وموراضيه تترك زوجي وانا فتحت الموضوع مع زوجي يقولي هذي اخر مره
بس ماكو فايده كله يجذب وهو يحبني مو مقصرا معاي بشئ بس هالبنت ذبحتني الحين ابي حل انا مابي ازعل ورح بيت ابوي ابي اوقفه عند حدها وهو وهي اشلون قولولي شئ اسوي وانا عندي صور البنت ورقمه ابي حل عفيه محروق قلبي والله

 

[دلوعة صلوح]

قعدى معاة شوفى شنو السبب لى خلاه يدور على غيرج .. الله يهدى لج يارب.

 

[سكوتي بذوقي]

الله يعينك اختي

ويهديه ويسخره لك يارب

 

[مياسه الحساسه]

تدرين هاذا اللي في زوجك مرض
واتحدا السبب انتي او انك مقصره لاااا مو هالسبب
في رجال كذا من هو شاب وهو يتعرف على بنات وكذاا ويستمر بعد الزواج الا من رحم الله
الحل ان شاء الله سهل وبسيط
اول شي اعرفي ان قلب زوجك بين اصبعي الرحمن يعني التجأي الى ربك ادعيه وكلي امرك له
لمن زوجك يطلع من البيت استودعيه الله قولي ( يارب اني استودعتك زوجي واستودعتك سمعه وبصره وفرجه عن الحرام )
وصدقيني مهما كلم ومهما تعرف مررده لك ...في كثير رجال يتعرفون على بنات ولمن تقوله خلنا نتزوج يتفل في وجهها ويقول انا احب زوجتي وانتي مجرد تسليه
فأعرفي ان انتي اللي لك القدر والاحترام وهي فتره وبيمل منها
مالك الا رب العباد الجأي له ..ودايم استودعيه الله وهو خارج من البيت ...والله يوفق بينكم ويصلح الحال ....

 

[بنت المها]

الخيانه طبع شين بالرجل مهما عنده اللي مكفيه دايم يبي يشوف اللي برا
مالج الا الدعاء وربج يبدل حاله من حال الى حال
الله يعينج على ابتلاءج و يصبرج ويعينج عليه و ان شالله فتره وتعدي
انتي اللي بيدج حاولي تغيرين الروتين تسوين اكشن بيومج حاولي تلفتين انتباهه تطلعين وياه
تسافرين شاليه فندق سويله مفاجئه

 

[Tulips]

البلى مو من البنت .. عادي اذا هدت ريلج فيه غيره عشر

البلى بريلج اللي موراضي يوقف هالمسخره ومستانس عالوضع

لازم تكونين حازمه معاه بهالموضوع لانه انتي اللي متعذبه بالنهايه

 

[foshia girl]

الله يهديه يارب ويترك عنه هالسوالف ..

 

[reemaar]

اهو في ريال ما عنده هالسوالف!!! دليني عليه بس

اغلب الرياييل جذي .. ولا هو نقصا فيك.. لكن دودة فيهم

 

[قسوة الزمن]

دام عندج رقمها وصورته خلاص لا تحاجين ريلج بالموضوع طلعي عنوانها وكلمي اهلها

 

[~جودي~]

اقعدي مع زوجج كلميه ناقشيه عطيه احاديث خرعيه دوم ان الله لايبلاك ببناتك والبنت هدديها

 

[طيــــــــــــف]

لاتكلمين زوجك ولا شي حلي القضيه مع اهلها معك صورها ورقم جوالها

 

[زوجي سبب تعاستي]

الله يعينك اناااااااااااا مثل حالتك بسسسسس ايش اسوي علشان عيالي اصبرررر على الجمرر

 

[بنوتة لابشة فشتان منفوش]

لا لاتكلمين اهلها باجر يبلشون ريلج
ويخلونه يتزوجها

قعدي مع ريلج وحطي النقط على الحروف
وخليج حازمة معاه
ترى الريال اذا عرف ان مرته كاشفة خرابيطة يتمادى اكثر

 

[a7la_7b]

الله يعينج ويسخره لج ويهديه

 

[cba girl : )]

الله يسخره لج

قعدي معاه وتناقشو شوفي شنو الشي الي خلاه يشوف غيرج

اذا قالج بتغير اخذي منه وعد

 

[OM BARAK]

انا من رايي روحوا العمره مع بعض جود الله يهديه و بعدين قعدي معاه و قوليله هالشي يسوى انك تخسر حياتك و تهدم بيتك عشانه؟ انا عرضك و شرفك . اللي تسويه باجر أحد يسويه بعرضك ! ترضى؟​

 

[معي احلى]

اخاف اقول لك اعملي كذا او كذا واكون سبب في خراب بيتك ..



ماعندي غير اقول الله يلهمك رشدك ... في اتخاذ القرار السليم ..



الله يرد لك زوجك ردا جميلا .. ويقنع قلبه من جميع النساء الا انتي .. يشوفك ارضه والسماء..


انتي والاخت الذي قالت تعاني نفس المشكله ..

 

[سنووايت__]

اهو في ريال ما عنده هالسوالف!!! دليني عليه بس

اغلب الرياييل جذي .. ولا هو نقصا فيك.. لكن دودة فيهم

هههههههههههههه اايي والله دودة فيهم

 

[say yes]

طنش تعش والهل العظيم كل رجال الارض مثل هالنوع مراهقين اووووووووووف

 

[r0007]

غيري رقم جواله بدون مايدري وامسحي كل الارقام خل نشوف وش رح يقول