زوجي والحبوب النفسيه ...شورو علي

[عسل المملكه]

مرحبا بنات .......شخباركم ؟


صراحه انا لي سنتين متزوجه وزوجي حليل معي وطيوب مرررره ويموت فيني بس بدت مشكلتنا تقريبا من ثلاث شهور صار يتعب نفسيا تقول عين صابتنا ورفض يروح لشيخ وراح لدكتور نفسي وصار ياخذ حبوب نفسيه الحمدلله بدى يتحسن بس صار عنده ضعف وتاخر في القذف بنات وربي اتعب لحد مايخلص سامحوني ع جراءتي بس انتو مثل خواتي وابيكم تساعدوني
الحين صار مايقرب لي ابدا يمكن صار يخاف او عشانه يطول ماادري وحياتنا صايره ممله لابعد حد من يدخل البيت يمسك الايفون ولايسولف ولايقول شي واذا شافني لابسه قميص قام يشكي من اي تعب ويتهرب وينام .......عندي بنت يجي يظمها ويبوسها بعدين يدخل ينام
حاولت كثير غيرت في الاثاث صبغت شعري حاولت اشده بس مافي فايده؟؟!!!
اخاف هالحبوب لعبت فيه ...بنات وربي كان يبوس رجولي ويموت بس اكون حده
شورو علي وش اسوي ؟؟؟؟؟؟؟

 

[انا لحبيبي .]

الله يعينك حبيبتي ، خدي اسم الحبوب وشوفي بجوجل ايجابياتها وسلبياتها ،

واقعدي معه فهميه واحكيلو عشان صحتك وانا خايفه عليك وخلينا نشوف شو نوع هالحبوب ، واحكيلو خلينا نروح عند شيخ افضل من الحبوب ، خلينا نروح نجرب

الله يهدي بالك ويسخرلك ياه يارب العالمين ،

 

[ام ريماس خوخه]

والله ما ادري شنو اقولج بس حبيت ادعيلج ان الله يخليكم لبعض ويتشافي امين ويموووووووووووت عليج امين يارب ويبعدعنكم عيووون العالم يارب كثري استغفار وادعي ربج ان الله يشافيه

 

[pusy cat]

غصبن عليه هالشي اهو مريض ويمكن جاه ضعف من هالحبوب عشان جذي يتهرب

شوفي شسالفة هالحبوب يا يقطعهم يا يجرب غيرهم

علا اني ما أؤمن بهالحبوب اللي يكتبونهم الدكاتره النفسيين

مضرتها اكثر من نفعها اهي عباره عن تخدير وتنويم وبس

 

[مولاي الفرج]

اي الحبوب تسوي ضعف

بس خل يروح دكتور في ادويه ترد تقوي القذف عنده

بس خل يتأكد ان ادوية العلاج ماتتعارض مع الادوية النفسيه اللي ياخذها

وبالنهايه ترى النفسيه موكافيه لها الادوية لازم من داخله يكون متفاءل روحو عمرة حبيبتي غيرو جو

انا مثله ترى

 

[نفهمها صح]

نفسس
مقالوو البنات سالي عن اعراض الحبوب

 

[o0سارآo0]

يارب ياحي ياقيوم ياكريم اللهم شفي زوجها وحفظه من كل شر يارب
انتي ادعي ربك وقومي قيام الليل وربي يصلح حالكم

 

[hend6363]

الله يحميييه لك و يخلييه لك قولي امين
شوفي عملي دراسة عن الحبوب الي ياكلها
ولا اقولك روحي طبيبه النفسي و استشرييه والله العظيم اتكلم جد و قولي الحقيقة بس ما تعطين تفاصيل كتيرة هو الطبيب راح يفهم تلميحات و اذا تستحيين روحي ب نقاب اذا مش متنقبة عشان تخفين حرجك
اه و حاولي معاه يروح شيخ بس يكوون موثووق مو بعض الشيوخ الله يهديهم بس يخربطوون علينا
و لا تنسيين تدعيين و لا تستسلميين الصبر ثم الصبر

 

[FeShinGoOo]

يمكن الادويه سببتله هالازمه اتحملي حبيبتي ولاتظغطين عليه واتحسسينه بالنقص

 

[الـــغـــلآ]

ليش شيخ
تدرين ان الانسان لما يقرا على نفسه احسن من لما يقرا عليه احد ..

الله يشافبه و يووفقكم

 

[منو انت]

اللـه يعينكم بس بصراحه انا مااشجع انه يستمر عليهم ضروري تشوفون حل بعد مو حل يتعود عليهم راح يوصل لمرحله ادمان عليهم واكيد هالشي راح ياثر على وضعه الصحي وعلى علاقتكم وعلى الحمل

 

[Tom ♥ Jerry]

،


قولي حق الـ دكتور النفسي هالـ حجي !
يمكن الحبوب الي اخذهم فادت من ناحيه و ضرت من ناحيه ثانيه (=

مشكله العجز أو التأخر في القذف تتعالج بأذن الله ؛**

 

[هاناا]

عليج بالدعاء


الله يفرج همج

 

[عسل المملكه]

الله يسعدكم بنات ماقصرتو عسى ماتشوفون شر بحياتكم ....
من سلبيات ادواء انه يسبب تاخر بالقذف ان شالله بحاول اكلمه يتركه وان شالله يتركهم لاتنسوني من دعائكم ....

 

[ذوؤوؤق]

ووووربي خنقتني العبره وانا اقرى موضوعج

شنو تقولين عني من تزوجت للحين ولامراه حسيت اني عروس احس حتى اعضائي واعضاءه مو موجوده ,,,, قبل الزواج كان يعالج من اكتئاب ,,,, تخيلي لو شنو سويت عادي ينام ولا كأنه مرته حلاله جدامه كاشخت له ,,,,, الكل يسألني حامل؟!!!!!!!!!!!! ورب الكعبه انجرح شلون أحمل والرجال جذي ,,,, انا نفسي ابي حل ,,,, خسرت فلوسي عاللبس والحركات ويابو زيد كنك ماغزيت
ضلوعي تعورني من القهر


الله المستعاااااان

 

[ام زهقانه]

خليه يترك حبوب النفسيه الان اذا ماتركها الحين راح بعدين يدمن عليها وخليه يقرا علي اقل الرقيه الشرعيه

 

[ندى العبير]

الله يشاافيه ان شاااء الله

 

[*ريما*]

الله يشفية

 

[ديانا سبنسر]

ريلج مرييض اوقفي معاه وشوفي طبيبه واستشريه عن هالحبوب ولاتحسسين زوجج انج متضايقة من هالوضع قدري انه تعبان وبعدين انتي اقري علييه او هو يقرا على روحه ليش يعني الشيخ ينقبل منه واحنا لا

 

[~{غلاتي}~]

حبيبتي انا هالادويه ادرسهم اللي تنصرف حق الاكتئاب وهي تاثر على سرعه القذف تسوي تخدير للعضو عشان جذي يطوول
معاج
وترى الحبوب مووو زيييينه لها اثار سلبيه اكثر وبعد الادويه مضادات الاكتئاب تنصرف للي عندهم سرعه قذف مو طبيعيه

لانه تخدر الاعصاب كلهاا بالانسان وتخلي مسترخي وخاثل وماله خلق

خليه يقطعهم موو زينين