زوجي والبرود المفاجأ ابي حل بلييييز

[*الزين*]

زوجي حايشه برود مفاجأه صوبي مايقربلي ولا يلتفتلي حتي اذا كشخت عادي عنده هالشي صارله فوق الشهر يمكن بنكمل شهرين حتي *احنا سافرنا وقلت يمكن بالسفر يتغير ظلينا فوق 15 يوم مثل اخوان صج معاي عيالي وحوسه وتعب بس كنا نقعد وايد بالبيت وايد تعبانه من التفكير ولا ادري شنو السبب قبل اذا طول فوق الاسبوعين يقولي ماقدر وانا اتعب واذا مسافر بروحه يقولي احتلم الحين مافيه هالشعور نهائيا انا حاليا حامل بالشهر الخامس بس ماادري ليش تغير فجأه خايفه ان الموضوع يكون خيانه لا سمح الله ماودي الشك يدش براسي خصوصا اني مشغوله بدراستي ولا ابي هالشي ياثر ،،،، جم مره انا اتحرش بس مبين من الاداء انه مو من قلب اتوقع المتزوجات فاهمين شلون يبين*
مادري الي صارلهم متزوجين فتره هل هالشي طبيعي ؟؟؟ صارلي اربع. سنين ومصدووووومه وماني عارفه منو اقوله بليز فسرولي شسوي هل اقوله ؟ مادري شبرد علي *
قاليي عقب السفر ان في شغله كان يحاتيها بدوامه عشان جذيً طول السفر ماستانس اوكي وبعدين احاول اطلع له مبررات بس احنا ردينا والامور تمام ليش ماتغير*
نسيت لا اقول اذا راح جمعيه يكووووود جرجير ويقول كل يوم ابي عالغدا !!
هل هالمرحله اتمر بالزوجين وشنو الحل ؟ اصارحه افتشل اخاف يجاملني ويرد لان جاملي مرتين بعدين مارديت تحرشت تكفووووون شسوي ؟؟؟*

 

[شادن33]

شوفي اغلب المتزوجيين اتييلهم هالحاله
وانتي بعد حامل يمكن هاي السبب خليج انتي الحين ابصحتج ولا اتعورين راسج
اهم شي صحتج ولى ولدتي بالسلامه يصير خير
بس اقولج الجرجير الي يكوده ما فااااد. هههههههه اضحك وياج

 

[جامعية تربوية]

وييييه عادي حبيبتي لا تحاتين ان شالله ماكو الا كل خير

مره لقييت حركه مسويتها وحده هني وااايد حلووه

ان ادزيله مسج ان عازمته على ليله مساااج

و زهبيله العشا بعد و هيأي الجووو

( فكره تجمع مسوينه البنات بالمنتدى)

و الله بيستانس و يتغيير ان شالله

او سويله اي فكره غريييبه و يديده عليييه ما تعود عليها

..

 

[Mrs. AL Ajmi]

حبيبتي انا ما ودي افتي. بس يمكن المشكله مو منج ويمكن منه اهو. خاصه انه قاعد يكثر جرجير والجرجير معروفه فوايده.
حاولي تتقربين منه وتريحينه وتخلينه يطلع اللي عنده. لا تضغطين عليه من ناحيه المعاشره لان اذا كان عنده مشكله فهالشي ممكن ياثر عليه زياده. الله يفرجها عليج ان شاءالله

 

[انثى عاشقة]

هذي فترة يمر فيها اغلب الرجال
صارت معي وبغيت استخف ع بالي في شي يطلع فترة برود وتعدي بروحها
لا تحاتين واعطيه جرجير جرعات مضاعفة جود ينفع ​

 

[كويتية زوغه]

الله يصبرج عمري
ان شاءالله فتره وتعدي
لاتكدرين نفسج وانتي حامل

 

[اخت خالتهم]

لأنـج حـامل ياعمري
مرات جذي عقلهم الباطن يقولهم ان ماااكو جمـاع
فتصير حاله عندهـم

<< عـاد تكلمت ام التحليلات

المهم لا تحاتين
وعسى الله يتمم عليج و فكري بالنونو اليديد

 

[english muffin]

لااا شكو خيانة
حبيبتي انتي حامل يمكن يخااف بس مايبي يقول لج
ريلي يخاف ترا وانا حامل

 

[منيرة خالد]

ذكرتيني توني قريت بالتويتر للدكتورة فوزيه الدريع تقول انه الرجال تجيله فترة مثل الدورة الشهريه ما يحب ال........


يمكن زوجج يمر بهالمرحله ومع الحمال كملتي عليه >>> لا تضغطين عليه لا يتعقد ويظن انه فيه شي وخلي وناستج بالضم والبوس


وارتاحي بهالفتره دامج حامل

 

[*E.B.D.A.3*]

ماكو ريال مايمر فتره خمول جنسي ،
وترى هالشي طبيعي
يعني المو طبيعي لمه تكونون متزوجين من 10 سنين وكل يوم طايحنله!
لا اهني اسمحيلي اقول في ان بالموضوع هههههههههه

افضل طريقه لتجديد الرغبة ،،
اهوه معرفة نقاط ضعف زوجج الجنسية ،،
شي مايقاومه نهائيا ،،ماقصد لبس او قمصان نوم لالالا ، شي اثناء العملية الجنسية نفسها .
لعبي على هالوتر ، واثيري نقاط ضعفه .

 

[*peace*]

ماتوقع السبب انها حامل لان عندها عيال يعني حملت قبل واهيا تقول برود فجأه

انا اتوقع يعاني من ضعف لان يقولج كودي جرجير زين يامعوده الحمدلله

اهم شي المصارحه قعدي معاه وتكلموا بكل صراحه شالسبب

 

[دلوعة صلوح]

شبابنا هالايام كلهم يمرون باالمرحلة هذى مادرى شسالفتهم ؟؟

بس ان شاءالله فترة وتمر .

 

[ElN00R]

طبيعي

 

[الأميرة جوري]

علشان الحمل يمكن خايف عالبيبي فتره وتعدي لاتحاتين

 

[Qataria elegant]

حبيبتي لا تشلين هم مافي الا الخير ان شاء الله , ما عندي خبرة بهالشي لاني ما مريت فيه بس اللي اعرفه ان الريال لما يكون عنده ضعف او شي لاسمح الله ما يحب يقول ولا يتكلم بالموضوع واحتمال انه يفكر بالموضوع بس ما يحب يقول لج , لا تصيرين انتي والزمن عليه حاولي انتي باسلوبج اعرفي شنو يثير رغبته ابتكري له خيال جديد ترى المخيلة الجنسية عند الريال تلعب دور كبير بالاداء... ولو عرفتي خارطة جسم ريلج وشنويحب يمكن ينفع والمرات الجايه يعجبج

الله يريح قلبج

 

[سفيره الكويت]

لا تفكرين بطريقه سلبيه يمكن الريال يعاني من تعب بجهازه العضوي ومايقدر الحين يمارس الجنس بس اكيد لو حس بالمشكله مو راضيه

تنحل بيروح لدكتور

 

[ملامح خياليه]

انشاء الله خير
بصراحه ابي اتكلم معاج في ثلا ث نقط مهمه اما انج مهملته وماتهتمين فيه وروتينج ممل او فيه عيب خاشه عنج او شايف له شوفه غيرج مجدد حياته معاها
انتي فكري اذا الخلل منج حبيبتي غيري شكلج لبسج دلعج فاجئيه بورد منثور عالسرير العاب مسج غرامي حركيه شوي
واذا الخلل منه قعدي معاه بالسوالف استدرجيه خليه يحس انه اهم من الجنس عندج وفرحته تسوا الكون وقربي منه واشوي اشوي تنحل الامور
واذا السبب الثالث الله لايقولها الله بعينج على مابلاج لازم تتجاهدين عشان تردين قلبه لج لازم تسالين عنه مونظام تحقيق وينك ليش تاخرت المفروض بذكاء تدقين عليه قوه حبي وينك بطيت قمت احاتيك المره الثانيه دزي مسج اشتقت لك وبوسه عقبها دعوه حلوه وان وصل للبيت متاحر لاتعصبين ابتسمي ولو بالغصب ودلعيه وجهزي عشاه وان مومشتهي قولي مايصير انا يوعانه وناطرتك ومن هالكلك عشان يحس بالذنب ولاتغلطين وتواجهينه بالدليل القاطع انه يخونج لان ساعتها توفرين عليه نص الطريج وممكن يقولج بكيفي وساعتها تنقهرين وتتهاوشين وتزعلين وغصبن عليج ترضين لجل عيالج خليج ذكيه وحريصه والله يسخر قلبه وروحه وجسمه لج ويحرم غيرج منهم​

 

[Mjnont '3lay]

لووووول شكو خيانه شفيج حبوبه لا توسوسين مافي الاااااااا العاااااااااافيه انشاءالله
بس يمكن الموضوع موضوع برمجه يعني يمكن مبرج نفسه انه انتي حامل ويمكن يضرج هالشي ويخاف لا ينفعل بوقت الشسمه ويضر البيبي عااااااااادي ترى وطبييييعي كل زوجين يمرون بحالة فتووور احيانا بس هذا مو معناه خيانه او برووود تعوذي من ابليس وعيشي حياتج

 

[الkحيله]

لاتقوليله اي شي لانه أكيد متضايق اكثر منج ويحاتي هالسالفه ويدور على حل بس انشالله ترجع الامور مثل ماكانت واحسن

 

[Om zayd]

حبيبتي يمكن شاف شي خلاه يبعد اذكر مرة رفيجتي ريلها ما نام معاها فترة وتعبت نفسيتها بتعرف ليش وبالأخير اعترف انه شاف انها مو حافه عدل فلاعت جبده واول مرة يشوفها جذي فصارت فيه ردة فعل ، بالنسبه لي انا حامل ومن دخلت الثامن قلت المعاشرة يقولي ما اقدر احس بالبيبي واحس بمكانه فبنص العمليه اتخيل اني قاعد اعوره فتروح الشهوة مني وما ودي اكمل المهم انتي لا تحاتين وانشالله فترة وتعدي