زوجي والبارلنقوو ساعدوني تكفووون

[ضحاوي الحلوه]

السلام عليكم ورحمة الله وبركاته

بنات تكفووون ساااعدووني ما ادري شقول او شسوي ؟؟؟؟ قاعده ابجي الحين من حر مافيني
ناطره بس زوجي يجي واتفاهم معاااه قوولولي شنو اقوله علشان يتوب عن هالشغله تكفووووووووووون

مره قبل فتره اخذت الايفون ولقيت حاط برنامج البارلنقو ولقيت محادثات بناات عصبت وتهاوشنا وقالي ماراح يرد حق السوالف ومن كثر ماعصب كسر الايفون وقلت شسوي بعطيه فرصه خصوصا ان قال بعطيج الرقم السري
المهم شرا ايبااد واعرف رقمه السري عاد كنت اشوفه مافيه شي والا من شوي لقيت بالاب ستور انه منزل البارلنقو بس يمسحه اذا خلص واحترررريت حيييل لما شفته ليش ياااربي بفهم

الحين اذا جا من الدوام شقول شتصررف تعبت يابنااات اشوفه مرات يخليني عند اهلي اكثر من يومين الحيين فهمت الله سبحانه بيكشفه قدامي وكذا مره بعد

والله ياخووواتي بجيت من قلب ما ادري لمنو اقول او اشكي ما ابي احد يدري ليش اضايق امي او صديقاتي ما احب اقول لحد بحل مشكلتي بنفسي ومالي غير الله ثم انتم الله يخليكم شووورووو علي انا الاخت الكبيره وماعندي خووات اكباار

الحين ناطرته يجي من الدوام ؟؟؟؟؟ وحاسه بحرقه داخل قلبي لهدرجه مايستغني عنهم

ناطرررررتكم تكفون قبل لايجي من الدوام ؟؟؟؟؟؟؟؟؟

 

[ام فواازي]

استغفر الله طنشي ليش التنبش بعدين شلون عرفتي انه ينزله ويمسحه؟؟؟؟ انا اعرف الاب ستور اذا البرنامج منزل وممسوح مايبين هالشي شلون عرفتي؟؟
اعوذ بالله من الشيطان الرجيم يشيشج علىى ريلج يبى ترا هالبرامج هبه وبتروح ليش ادورين عوار الراس هالبرنامج عند رجلي ولا عمري فكرت ابطله واشوف اذا مشترك فيه او لا مع ان باس وورد ايفونه عندي
دامني مرتاحه معاه شلي بالنبش والمغثه

 

[قنــــــــــوت]

الله يعينج عالقهر ....

ماانصحج تواجهينه ..... شوفي لج طريقة ثانيه غير مباشرة

 

[برميت]

بنات اشفيكم الله يهديكم بس

اشلون تخلين ريلج و تنامين عند اهلج يومين

انا ماادري شنو هالبرنامج اصلا ..
بس ريلج اكيد يبي شي مو محصله بالبيت
اشلون هادته و نايمه بره ...لا تقولين اهو الي قطني عند اهلي
ما قطج الا لانج ما ترستي عينه و لا شبعتيه

تحرووون ...تغفين و تلهين عنه و فجأه الشيطان يوزج و تتهاوشين و تبجين

ترى ما ينفع يمسح البرنامج و لا ينفع لو ما يستخدم الايفون و لا الاي باد ..لانه اذا يبي شي راح يووصله باي طريقه

شوفي راس المشكله .... قولي ليش قاعد يسوي جذي ..شوفي التقصير ؟؟!!
لا تقولين انا حلوه و البس و اكشخ ..
ماينفع قميص نوم بليله وحده بالاسبوع ..مايشبع الريال ..و مو بس يبي فراش
يبي يسولف مع احد يونسه و يفهمه ..
بدل الهوشه الي بتسوينه ..قومي استغفري و جهزيله الغدا و شوفي شنو ناقصه و عوضيه

يعني لو تتهاوشين معاه و تصارحينه ..يا انه بيقولج اسف و ما اعيدها و من وراج يعيدها
او انه يقولج شكو تتعبثين و يقلب السالفه عليج .. يعني انتي خسرانه خسرانه
لعبي لعبه غيرها .. و جربي طريقه ثانيه

 

[Gifts&Occaions]

الله يعينج

 

[tooooma]

انا مااا اقوووول الا انه الايفون والبلاكبيري والايبااااد للاسف ماوراهاا الا خراااب بيوووت وكشف خيااانااات

الواحد احسن شي انه مايدخل هالاجهزه بييته وعادي خل يقووولون الناااس انج متخلفه صدقيني الحين الاغلبيه صاار

يغاازل بالتلفووون وللاسف لمه الوحده اطيح على ريلها او العكس يقووول خلاص ماراح اعيدها ابسط كلمه من الرجل او البنت

 

[beauty rose]

استغفر الله صج شي يبط الجبد بس هوشتج معاه ماراح تسوي شي غير ان بتسوي فراغ بينكم
لان حتى لو اعتذرلج قلبج شايل عليه و اهوه ماتدرين في نفسه صاج ولالا
بس اللي يعرفه زين انج خلاص ما تثقين فيه

طنشي و عيشي رياييل هالوقت كلهم جذي
اهم شي لي لف و دار دار دار رجعلج انتي مرته و نام يمج بفراش واحد
حاولي تكسبينه بدال الهوشات
كسري عينه خليه يحس بتأنيب الضمير

 

[فاقده ابوهاااا]

انا مو مع البنات الي يقولون لا تواجهين ولا تكلمينه وطنشي الموضوع ليش اهو ولد جيرانهم ولا واحد ما اتعرفه هذا ريلها وابوعيالها وبتعيش العمر كله معاه احسن شي المواجهه والتفاهم وحل المشكله لا تخلينه يتمادى بتصرفاته المحادثات هذي شنو وراه وشنو بعدها غير تليفونات وبعدها لقاءات وبعدها غضب ربج خل تحط حد للموضوع
والله يهديه ويهديج بس اهم شي كل الي راح يصير لازم يكون بينج وبينه ولا تدخلين طرف ثالث بالموضوع لا اهلج ولا اهله ولا تفكرين تطلعين من البيت لو شنووو

 

[APpel76]

يا حلات اجهزت النوكيا

اكيد في شي ناقصه او شي مو محصله عندج
نصيحتي لج سولفي معاه عرفي شنو اللي يبيه وتري الموضوع سهل
عمر الزعل والنجره ما يوصلون الا لخراب البيوت
كبري عقلج وتعوذي من ابليس وان شاء الله امورج بالرووووووب

 

[amani]

واجهي وخلي يعرف انج دريتي وخلي الأمور عاديه يعني مو هواش ونجره ناقشيها شوفي ليش يحب هالبرنامج والمحادثات شوفي شسالفته بالضبط بس بهدوه بدون نجره وهواش وحبيبتي ادعي له بالهدايه بكل صلاة وبكل وقت ان الله يهديه لج واختي كبري عقلج لا تخربين بيتج علشان هالسالفه

 

[رحمتك ياالله]

الله يهديه ويسخره لج

 

[هذا مزاجي]

لا حول الله ياكثر الخيانات
مالج الا الدعاء الهواش مايجيب نتيجه
والله يسخره لج ومايشوف غيرج ياارب

 

[r0007]

واجهيه بطريقة ذكيه
يعني بدون عصبيه
روحي اشتري ايفون ونزلي البرنامج ودخلي
وخلي الايفون مفتوح

او روحي كلميه بدون مايدري انو انتي بالبرنامج
معنو ماعرفت وش هذا لبرنامج .

 

[مارشميلو..]

استغفر الله واتوب اليه
مادري شقولك بس بدعي لك الله يهديه ويسخره لك

 

[pusy cat]

والله مادري انتي ادرى بزوجج

انا عن نفسي ماحب انبش واحر روحي كيفه ربه فوقه يحاسبه والا يتوب عليه ومو شرط تصير خيانه اغلب هالبرامج لعب وتضييع وقت

بس هالبرنامج عباره عن شنو بالضبط ؟؟ جات عادي والا صوت وصوره ؟ شنو ميزته عن باجي البرامج ؟

 

[Queen of shr]

بصراحه هالمواضيع صار ت مكررة زوجي يدخل التويتر زوجي يدخل الفيس البوك زوجي يدخل الهوزهير والخ.... ووين المشكله لما الريال يدخل ويسولف ويكتب الي يبيه ويعبر عن مشاعره ويتعرف على رجال ونساء بس بحدود بما أن العلاقة ماتعدت البرنامج وين الغلط في الموضوع ؟؟ انا شخصيا عندي أكاونت تويتر وفي كثير رجال مسوين لي فولو انا ماعرفهم هل معناه ان انا بنت موزينه ؟؟حبيبتي هذي البرنامج مجرد تسليه ومضيعه للوقت و وكوني أكيده ان كل الي يدخلونها للتسليه المؤقته فقط ...اتركيه هو من حاله بيزهق ويمل وماراح يدخلها مجرد هبه وينتهي وقتها .

 

[فرآغ]

البرنامج هذا مثل الشات الصوتي

دردشه صوتيه وكتابيه رومات وبرايفيت وهلم جرا

 

[حجيه هيونه]

ان تميتي مناشبته جذي بيشوف له طريقة ثانية ومدخل ثاني

يمكن ما يقصد شي الا تسلية بريئة وانتي راح تخلينها شي مهم وغالية عليه بمناشبتج

حاولي تتكلمين معاه بهدوء يمكن بس يدش يضحك ويسولف ويطلع لا اكثر



<-- اتوقع البرنامج شات

 

[جيكره(و)تتغلى25]

قولي له بقولك كلمتين

انا شفت من الاب ستور انك منزل البرامج


ياا انك تنسي هالتلفونات اي فون واي باد وغيره او دورلك حل انه بيتنا ماينهدم بسبتك


وخليييييييييييييييييه وروحي غرفتج

 

[جيكره(و)تتغلى25]

الحين وين المشكله لما يدخل؟؟؟


لا في مشكله هو يمكن عادي عنده بس في بعض بعض البنات ماتبي هالشي عادي تبي حب وعلاقه وتجيب راسه


دام اصلا تسليه ينزل العاب احسن صح؟

انا زوجي عنده اي فون وبلاك بيري بس من غير خدمه


اما اي فون كله العاب اون لاين وجم مره انبش مالقى شي عاد هو وضميره بس لو اشوف ماراح اسكت له

انا دايما اقول حق رفيجاتي احنا لاهين بعيالنا يعني مو 24 ساعه لابسين عدل وكاشخين وفاضين له وبنات االابليس ماوراهم شي غير صيده وخصوصا الرجال اذا كان ضعيف راح يفكر زوجتي يالله تفضالي اخر الليل من الدوام والعيال وبنت الابليس كلام معسول و24ساعه كاشخه يكلمها ويعوض اما لو ماااعنده هالشات ماراح يفكر ولايطري علي باله