زوجي والايميل

[جرحي ذبحني]

بنات حدي منقهرة
بقولكم السالفه انا تهاوشت مع زوجي علشان لقيت عنده ايميلات بنات يمكن اربع ايميلات المهم زوجي مايفتح ايميله يوميا يعني حسب الظروف وفضاوة المهم حلف ان مابينه وبينهم شي مجرد ايميلات وبس قلت الغيهم قال بعض ايميلاتهم حلوة وترى كله ايميل مجرد مااسكره ينتهي كل شي المهم سكت
اليوم من العجله الي فيه مخلي ايميله فاتح وراح قعدت اشيك لقيته حاط على ايميلات البنات حظر قلت حلو بس صدمه لقيته حاط على ايميلي بعد
رحت شيكت على الرسايل وطبيعت زوجي يرسل ايميلات للكل الي عنده بس لقيت ايميل مطرشه لي مع المجموعه مطرشه حق وحدة منهم بروحها شقصده من الحركه يعني يحبها ولا شنو صج منقهرة ودي اذا رد اواجه بس كالعاده بيطلع سالفه شسوي:gr4uu:

 

[غيمه ظميانه]

لاتواجهينه خليج متابعته لمى تشوفين شنو العلاقه بينه وبين البنات

الله يعين والله هالازواج استخفوا وقعدوا

 

[DooLy88]

الله يهدي الرياييل اللي جذي

اللي بس حلال عليهم وحرام عليج

عيل ضيفي شباب عندج سوي لهم بلوك وقولي له ايميلاتهم حلوة - بيرضى تتوقعين ؟

صارحيه قولي له هالشي مايعجبني ولا ابيه بوجي
بتفضل هالايميلات على رغبة زوجتك؟؟؟

ان مارضى قولي له عيل لاتزعل ان سويت شي يرضيني ومايعجبك

خوفج تتطور علاقته فيهم - او قعدي راقبي وانتي ساكتة ليما تطيحين على دليل ولو اني مافضل هالطريقة عشان لايتطور الوضع


ودي اعرف من وين تعرف عليهم وخذ ايميلاتهم ؟؟؟؟؟؟؟

 

[G!RLooNa]

رد : زوجي والايميل

شكو شكو!!!!

قوليله ترضى اضيف شباب و اقولك بمجرد ما افصل ينتهي كل شي !!!!

 

[ليلو جبريت]

رد : زوجي والايميل

شكو شكو!!!!

قوليله ترضى اضيف شباب و اقولك بمجرد ما افصل ينتهي كل شي !!!!

معاها

 

[شقرا كويتيه]

رد : زوجي والايميل

عذر اقبح من ذنب مدري جذي تنكتب المهم شسالفتهم هالرياجيل استخفوا اااف وربي مقهوره الله يعينج بس قولي نرضى اضيف شباب ومن افصل ينتهي كل شي

 

[RoWaIsHeDyA]

حبوبه لاتفتحين عينه عليهم يمكن اهوا مو حاسب لهم حساب وبعدين يمكن سوا هالحركه مايبيها تعرف ايميلج ولا احد يعرفه عادي
وبعدين مو حلوه كل شوي تواجهينه بيمل وبجذب وبيلف السالفه لانه يدري انج بتردين تعصبين وقوليله مثل ماقالت البنت ترضى اضيف شباب واعطيهم بلوك على اساس ان ايميلاتهم تعجبني واهوا بيفهمها
الله يهدي سرج ويهديه ويصلح حاله ويخليه لج:yaaaaaarb:

 

[ام شووووق]

رد : زوجي والايميل

الله يهديه:yaaaaaarb:

 

[om MaRyooM]

رد : زوجي والايميل

لما تمسكينه بالجرم المشهود حاسبيه



انا عن نفسي وحدة ماقدر اخش واتجاهل . .لازم ااحاسب واواجه واعصب و .. و... لما يخلص المسلسل

وانهيها باخر جملة : تخيل نفسك مكاني ؟؟ ؟بتخليني على ذمتك
^
^
ترا هالشي ماصار الحمدلله .. بس خيال لأني من النوع اللي ماتحمل اسكت

 

[chakletaA]

رد : زوجي والايميل

يااحلوة لاتنبشين بخصوصياته
انتي ترضين اهووو ينبش
والله لاتقوم القيامه
اشتري راحتج وزديه حب اكثر خلي هالشرشوحه تتطق
امه اني اهدم بيتي عشان مداخلات شيطانيه
في زمنه هذا الوحده اهم شي تشتري راحتهااا
وتحفظ بيتها لاجل عيالها

 

[صمــت_ALsHfaaH]

معى بعيييينهمم


مادري شقولج انا عني واجهته كذا مره اول شي قالي خلاص وعد مابطله ومابيني وبينهن شي

وبعدها طحت عليه جان يكسر الاب توب؟؟؟ وعصب وحالته حاله وقال" انا رررررررجااااااااااال "< يعني الرجال

عنده احساس وكرامه والبنت معدومه من هالشي؟

 

[مريم سالم صالح]

طنشيه وحسسيه اذا جلس ع النت انه يراسل وحده وبيمل اهو وبيمسحهن

 

[قلبي سلومي]

الله يعين

بس يمكن صج ايميلات ومايهتم لهم

 

[فوفو22]

يحليلكم

يا ماما انا شكبري ومعاي ايميلات بالهبل

واطرش جماعي

والايميل ما يخوّف ولا يرعب ولا يهدم بيوت

كلها معلومات عامه تجي مني ومناك

انسي الموضوع ولا تسوين مشكله من ولا شي

فوفو

 

[عسل سل]

عاااادي ليش حاارقه دمج بجذي راح تنضرين على ولاااا شي


كلهاا ايميل لاايودي ولااايجيييب
الله يعين لو صايدته على شي اكبر اقوول شووفي البلاوي بهاقسم واتعضي ياقلبي ولا تدورين المشااكل دواااااره

 

[اميره1980]

الله يهدي الرياييل اللي جذي

اللي بس حلال عليهم وحرام عليج

عيل ضيفي شباب عندج سوي لهم بلوك وقولي له ايميلاتهم حلوة - بيرضى تتوقعين ؟

صارحيه قولي له هالشي مايعجبني ولا ابيه بوجي
بتفضل هالايميلات على رغبة زوجتك؟؟؟

ان مارضى قولي له عيل لاتزعل ان سويت شي يرضيني ومايعجبك

خوفج تتطور علاقته فيهم - او قعدي راقبي وانتي ساكتة ليما تطيحين على دليل ولو اني مافضل هالطريقة عشان لايتطور الوضع


ودي اعرف من وين تعرف عليهم وخذ ايميلاتهم ؟؟؟؟؟؟؟

انا معاج اختي بالراي

 

[FeShinGoOo]

الله يهديه

 

[سويت فانيلا]

اخ بانجلط من الرييال لا اه يمه قلبي

 

[نسمات 26]

لا تظلمينه يمكن مثل ما قال مجرد ايميلات

بس اذا مضايقه وايد من هالشي اصري عليه علشان يحذفهم

الله يهديه

 

[انا لحبيبي .]

الله يصلح الحال ،،