زوجي مايقعد عند بناته

[؛؛sokrrah؛؛]

السلام عليكم ورحمة الله وبركاته

انا واختي بهالنك مشترك بينا
المهم .......

انا زوجي مايقعد في الشقه عندي وعن بناته نهائي

يتغدا تحت مع ابوا وخوانه وعقب يقعد بدوانيه بيتهم لي
المغرب وبعدين يروح حق ربعه

مايجي الا اذا يبي جنس او عشا مرات وبس

بناته مايطل عليهم نهائي الا اذا واجهم بالصدفه
مار يبي يبدل او يبي ياخذ شي

يعني ابي اعرف ؟

هل هذا طبيعي ؟
ليش مايقعد فتره ما بعد الغدا فوق عند بناته مايشتاق لهم
ليش مايشوف التلفزيون فوق
يعني كلش جذي
وانا الغلط مو مني مهتمه في وبلبسه وكله كاشخه

انزين ابي الصبح اذا انا بدوام ليش مايشوفهم
يطالعم سيده تحت عالطول

والله مو قادره انام ابجي
ابي رايكم هل عادي او انا مبالغه
وله انا صح

 

[ام فواازي]

انا زوجي اكثر وقته تحت يجي بعد ماينامون العيال ماله خلق عالازعاج على كلامه
بس عيالي يروحون له تحت يلزقون فيه عودي بناتج يروحون له قوليلهم بابا تحت روحي بوسيه وجذي
وانتي دقي عليه قولي يوووه فلانه اذتني تبي تكلمك وعطيها الفون
الله يهداج حايلي زوجج عشان يتعود عليهم

 

[رق رق]

ماله خلق ازعاااج عادي .
الواحد اتييله فترات مايبي ازعاع نهائيا ، وبعدين يرد عادي

 

[Om-Ritha]

يعني اهو دايما جذي؟؟؟ او كل الوقت على هلحالة؟؟
اذا هذه حالتة فحرام عليه لان هذول بنات وحرام لازم يحسون عندهم ابو
بعدين اهل ريلج مع احترامي لهم المفروض امه او ابوه يحس على ولدهم انه كل الوقت مجابل الدوانيه وطلعات يعلمونة انه عياله ومرتة لهم حق عليه
واذذا هذا التصرف جديد عليه فيمكن دايخ راسه مثل ماقالت اختي اليهال ويبي يعيش دور العزوبي من جديدهههههههههه

 

[Tom ♥ Jerry]

.



حبيبتي قعدي بينج و بينه و كلميه بخصوص هالموضوع
هذول عياله و لهم حق عليه
على الاقل خل يقعد وياهم نص ساعه باليوم بس
يسألهم شنو سوو بالمدرسه شنو شرو وين راحو..
و يخصص لهم يوم يطلعهم بالاسبوع لو مطعم مكان ترفيهي
لازم اليهال يحسون بوجود ابوهم .. عوديه من الحين انه يقعد ويا بناته
مو تعودينه على انه كلا طالع و ما يدري عن بناته
ترا الريال على ما تعودينة

الله يكون بعونج :$

 

[فوفو22]

لا مو طبيعي

كيف يعطي اهله ( ابوه واخوانه )عواطف ووقت وحب

ويحرم لحمه وفلذات كبده من هالشي ......!!!!

هذه مشكله حقيقيه تتحملين جزء منها

ممكن

1-تخلين البنات ينزلون تحت يتعود عليهم امام عينه
2-تطلبين منهم يبوسون راس ابوهم حتى وهو نايم وتكرر العمليه الظهر كل يوم

3-تسولفين عن مغامراتهم وسوالفهم ومشاكلهم وضحكهم بشكل يومي له
4- يكتبون له مكاتيب ورسوماتهم وتتركينها له على الكمدينا
5- يتصلون فيه بشكل مستمر على اي شي لا تمنعينهم
6- اذكري له انهم مشتاقين لحضنه وصوته لانه البنت بالذات اذا ماخذت عطف وحنان ابوها وشبعت منه راحت تدوره بره

كل ال 6 نقاط فوق ممكن انتي تتحملينها

فوفو

 

[om deaj]

والله يافوفو انه الي قلتيه درر

 

[ولهـ مطير]

اذا مو متعود انتي عوديه ... ما يصير چذي يهمل بناته ... كشخيهم العصر او المغرب وخليهم ينزلون عنده .. ووصيهم يقعدون عنده ويحبونه واذا يبون شي قوليلهم قولوا لابوكم ،،، والله يهديه ويسخرة لج ولبناته 

 

[الجوهرا]

درر يافوفو درررر

 

[سنفوره8]

الله يسخره لج ولبناتج يا رب

 

[حدى عنيده]

الكلام اللي كنت بقوله قالته فوفو جزاها الله خير

 

[ديانا سبنسر]

الله يخلي فوفو

 

[ماتغير شي]

مع فوفو