زوجي مايبغا يكلمني

[قمر ري]

صباح الخيرر
بنات انا ملكت لي فتره:eh_s(9):طبعا ماشفت هو مطلب شوفه ولم أبوي قاله قال لا مابي المهم يوم الملكه شفته وارتاحت له وجاب معه الشبكه والجوال المهم الجوال لقيت فيه شرايحه على انه بيكلمني وطلعت مقصوصه خطاء وخليت اخوي يكلمه وقال له اخوي تبغا رقمه قال ايوا وكلمني وقالي مو انا حطيته شكله صاحب المحل عشان البرامج المهم مكان يكلمني كثير ولايرسال:eh_s(22):واعتبته ليش متكلمني وكذا :eh_s(4):قالي انا محب الجولات المهم جاء نهيت الاسبواع وجاني وقالي طلبتك تكفين مابي مكالمات :krkrkr:قالت له صعبه لزم نفهم بعض قبل الزواج وكل شي يكون مع بعض الأثاث والسفر ما تكلمن عن شي لسى قالي الأثاث بأخذ رأيك فيه والسفر بعدين نتفهم عليه وانا واضح معك ميحتاج تفهميني وبزوركم بس الجوال لا :eh_s(16): طبعا انا رومانسية زياده عن اللزوم :eh_s(2): ماني عارفه افهمه انو هذا شي ضروري بالنسبة لي
وكمان انا مستغربه من شي أمه لم خطبتين متعرفني وقالت انو هو الي اختارك ولم سألته من فين عرفتني قالي قسمه ونصيب وبطريقتي عرفتك:eh_s(14): طولت عليكم :eh_s(22):
المهم ساعدوني كيف أغير منه وأكلمه ولا اخليه على راحته :eh_s(2):
وايش رأيكم بحركته :krkrkr:

 

[اميره بكلمتي]

غريبه بعضهم يستانس ع المكالمات اهي تقربكم من بعض بس ماتدرين يمكن صج اغلب وقته مشغول
بس سالفه انه اهو اختارج بطريقته وامه ماتعرفكم هاذي حد ذاتها غريبه

 

[Joury86]

انا انصحج نصيحه لاتكلمينه ولهي نفسج بالتجهيز،،،بالنسبة لي المكالمات قبل العرس سبب مشاكل وخصوصا انها طريقة التواصل الوحيده،،،،لان صعب التفاهم عن طريق الفون،،،الله يوفقج ويجعلج قرة عيونه

 

[مني يغارون]

يمكن عنده قناعه ان المكالمات راح تجيب مشاكل وتخرب علاقتكم لأن كثير صارت لهم
عالعموم دام هذي رغبته خليه براحته واثقلي عليه لا تدقين خلي هو يدق اذا يبي شيء
وحاولي ما تنشغلين فيه وتبينين له ترا هالشي غلط واغلب الرجال يكرهون هالطبع
احسن شيء تثقلين
موفقه حبيبتي

 

[مفعمه بالحيويه]

والله انا راييي يمكن يزعلك


يمكن هو شافك يوم الملكه ... ............... يمكن كان متوقع انك يعني ... مابي اجرحك .. بس يمكن كان متوقع انك احلى

او كان متوقع شي وصار شي ثاني


المهم اهتمي بشكلك واناقتك .. ..ما يمنع انج من اليوتيوب تشوفين فنون الاتيكيت


والله يسخره لك







---------------------

 

[قمر ري]

لا مو سالفة جمال انا الحمدلله جميله واهتم بنفسي وباناقتي وبنظفتي الحمدلله ماينقصني شي بعدين انا واثقه مليون بالميه انها شايفني قبل يخطبني مافي احد بيجي كذا على عمه كمان متاكده اني عجبته

 

[Om_Ksha]

والله غريبه في شي ملهيه ولا ماكو احد يقول جذي الله يسخره لج

 

[قمر ري]

ايه هو يتاخر بالدوام ويقولي المدير مره مشدد عليه وباقي اليوم ينشغل مع اصحابه او اهله او في البيت وكذا بس حتى ولول لزم يكون في وقت لي انا ابغا اعوده وهو كان يكلمني اخر اليل وحس اني اتضايق فقال خلاص نقطعه مره طبعا هو زياده مايحب الاجهزه مايحب يكلم في الجوال

 

[Pink_Roses]

خليه براحته اهو عنده رقمك متى ما حب يكلمك راح يتصل

 

[قمر ري]

بنات بليز ساعدوني محب اخلي الموضوع كذا
انا تذكرت شي هو في البدايه كان تمام معي المهم انا الغبيه رحت ارسالت له احبك والرجل شكله مصدق خبر مره الحين مايرسل ولايدق

 

[Om_Ksha]

غريبه دام يكلمج اخر الليل وحس انج متضايقه أكيد قلتي شي خلاه يحط حدود
مايحب الجوال انه يستخدمه للضروره بس ولا شنو بالضبط

 

[قمر ري]

يقول بس لي الضروره بس هو في البدايه كان يكلمني ويتغزل فيني بس من بعد مارسالت له احبك بدء يتغير وعتبته وقالي انا مشغول وكذا وبعدين جاني في البيت وقالي طلبتك مابي مكالمات ماني عارفه ارجع اكلمه واعتبه ولا ايش اسوي طبعا انا نفسي اعيش فترة الملكه بكل تفاصيله وكمان خايفه انوا في احد يعبي راسه

 

[shak!shoka]

اول شي غلطتي لمن دزيتي احبك ! من وجهة نظري مشاعرج المفروض تكتمينها اطول فتره ممكنه لمن تعرفينه عدل ،، استعيلتي


ودام قال مابي تلفون خلاص لا ادقين ولا تكلمينه خليه براحته ولا تضايقينه بالعتب
،، عطيه فرصه يتعلق فيج لا تفرضين نفسج عليه
شغلي نفسج والله يسخره لج

 

[mima]

ابتعدي عنه بشكل كبير
لما بنفسه يشتاق لك واثقلي عليه
في كثير رجال يخافون من المكالمات وقت الملكه انه ممكن تسبب مشاكل او احراجات

الاكيد انك لاتفهمين عدم اتصاله انه مو حابك

وان شاء الله بعد الزواج بتفهمين مقصده بوضوح

 

[هيبة ملك]

المعرس لما مايفز بعروسه. اول الايام معناه. انه ماهضمهاولاارتاح

فخليه لاتلحين عليه. خليه يقتنع. فيك ويتقبلك


والبعض. يشوف. ان المكالمات مالها داعي. او انه خجول

 

[مني يغارون]

لا تخافين ما اعتقد ان في أحد يعبي راسه
بس تسرعتي لما قلتي احبك ما عطيتيه فرصه انه يحاول يوصل لقلبك ويكسبه
عطيتيه كاش
بس خلاص اللي صار صار وكل شيء يتصلح ان شاءالله
انصحك بقوه تقرين قصص ناعمه الهاشمي راح تفتح عيونك على اشياء
ما تتوقعينها وان شاءالله تكونين قرة عين له ويكون قرة عين لك وبالتوفيق حبيبتي

 

[قمر ري]

صباح الخير
الحمدلله كلمته وطلع بس تعبان مافي شي من الي توقعته والي قالتوا عليه

 

[Pinky -cat]

خلاص دام ما يبي مو لازم ودام يبيج وتخطبتوا خلاص جهزي روحج ولاحقة على كل شي ثاني

موفقة ولا تفكرين وايد

 

[baa6aa]

ريلي نفس ريلج ما يحب لا مكالمات و لا مسجات

اتصالاتنا تكون وحورها اذا ابي شي او بطلع و باخذ الاذن
والمسجات في حالة كان مع ربعه
بس سوالف و ضحك نفس ما احنا نبي ماكو
مرات احس ودي جذي بليل اظل معاه عالتلفون لين ننام
وقلتله ابي هالشي
بس قال ان مو ستايله ولا سوالف ومايحب

 

[mrs.inona]

موفقه حبيبتي