زوجي قاهرني يقول لي تسنعي بليزززز

[غلا الاحساء]

السلام عليكم

امس رسلت وماشفت موضوعي مادري اذا رسل ولا لا

بدخل بالموضوع

زوجي يبيني اطبخ حق اهله تحت

يقول ليش ماتنزلين تساعدينهم وتطبخين

مع ان لي مطبخي فوق الخاص فيني

قهرني يقول تعلمي السنع ونزلي طبخي

قلت له انا ماتزوجت اهلك عشان اطبخ لهم

انا متزوجتك انت

انتو شرايكم من الصح انا ولا اهو

وبليززز اذا عاد لي الكلام وش ارد عليه

بليززززززز

 

[فتاة الإبتسامة]

واذا طبختي لاهله وساعدتيهم وش صااااار ؟؟؟؟؟
علشان زوجج طبخي لهم وكلش كلش فيها ثواب لج من الله

 

[نجدية2011]

نزلي بالاسبوع
كم طبق وش بيضرك!
وخلي نفسك زينة كل شيء الا اهل الزوج
حتى تكسبين تقدير زوجك لك اكثر

 

[ملامح اوروبيه]

شفيها اذا نزلتي و طبختي معاهم ترى عادي مو اهانه لج و لا انج خدامه عندهم هذيل مثل اهلج

 

[~Unreachable]

ماعتقد انج ملزومه تطبخين حق اهله

بس طيبة خاطر نزلي عشانه

دام انه طلب هالشي ف اكيد راح يستانس اذا شافج معاهم

 

[&ريانة العووود&]

بالعكس شي حلوو وطيب اذا ساعدتيهم ونزلتي معاج حلوو
بالعكس راح يستاانس زوجج اذا شاف هالمبادره منج ومدام انج معاهم
وبالبيت نفسه خلج وحدة منهم بس بحدود الطيب والمعاون معاهم
موفقه حبوبة

 

[ماتغير شي]

عاااادي مافيهااا شي عشاان تكبرين بعينه

 

[قــل مـا تـشـاء]

حبيبتي شكلج توج متزوجة ويبي يفرررض رااايه بأشيااء
ويبيج تصيرين بعيون آهله سنعه وانه مااكو منج .,,
حبيبتي أنتي نزلي لهم شوي من اللي تطبخين .,, يعني نقصه مانقول كل يوم يعني مره والا مرتين بالأسبوع
وبعض الليالي اذا نزلتي لهم سوي لج كيكة والا حلو وأخذيه معاج .,,
إذا شفتيهم قاموا ياكلون اللي تجيبيه ويبين بعيونهم استمررري واكسبيهم واكسبي زوجج .,,
اما اذا بيشتغلون عليج إنتقادات وهذا باصق وذاك مالح وذا مو حلوو .,,, الله يعيينج .,,
وبراااحتج حبيبتي .,, بعد فترة ترا بيهون عن أسلوب فرض الراي بس صبري عليه شوي وجاريه في هالفترة .,,
والله يوووفقكم ياارب .,,

 

[صدى الجروح]

اي يقلبي لا تحاتين. ولا تكدرين عمرج انتي طابخة طابخة شالمشكلة لو كسبتيه ورضيتيهم واهم بعد بيستانسون وتخيليً حموينج بيمدحون طباخج عند ريلج حدة بيستانس ماعليه انتي محسوبه عليهم ووحدة منهم وفيهم لا تعزلين روحج وسوي الشي. من طيب خاطر والله يوفقج ويسعدج ويهنيكم ولا تخلينة يكرر كلامة ويعيدة وماله داعي من اتفه شي تتجادلون وتسون مشكله خلج ذكية وصغيري كل الامور.

 

[مستحيل اخونك]

ساعديهم حبيبتي بس مو لدرجة تخلينهم يتكلون عليكي

يعني من مره لمره ذوقيهم طباخ ايدينك

قولي لزوجك انا باطبخ متى ماودي اطبخ

عشان يكون طبخي رايق ويعجبهم يعني لاتظغط عليه

وكمان اذا ساعدتيهم راح تكبري بنظرهم

الله يوفقك​

 

[حب1985]

نزلي مرات ساعدي خالتج بالمطبخ ... شوفيها شنو محتاجة وبيني لهم ان هالشي من نفسج مو اجبار بتمدحج عن زوجج وزوجج بيرفعج فوق

 

[* بنت المطر *]

الجمعه معزه يمكن الرجال اشتاق للاكل وي اهله شكو تاكلون بروحكم والبيت متروس ع الاقل مره بالاسبوع اكلوا جماعه

ترا اونس

 

[عشق حائل]

عااااادي ي قلبووو نزززلي مااافيها شي هذولا اهلج ترضين حريم اخوانج يسوو جذي معكم اكيد لا
نزلي معاهم ترا المشاركه بالاكل وبكل شي حلوووووة حتى انتي بتستانسين طيعي زوجك ومتى مابغيتي تنزلين سوي معك حلا او اي شي تسوينه ارسلي لهم منه مافيها شي الواحد يبي الذكررر الطيب خليهم يذكروونك بالخير​

 

[ąl.65мђ]

البنات ماقصروا .. مثل راي البنات ..​

 

[كويتية تكفي مية]

شوفي انا رايي عشان استقلاليتج ومحد يتشره عليج مره نزلي طبخي تحت والباجي انتي طبخي بمطبخج وتنقصي لهم
ومو دايما مره بالاسبوع او مرتين انتي عودي الكل على طبعج

 

[&&&&&&&&]

المرأة الذكيه اللي تكسب زوجها

اكسبيه بجميع الوسائل وراح يجي يوم يذكرلك المواقف الزينه ويعوضكي عن تعبكي

ودي وتقديري ​

 

[حبيبي مالكني]

حبيبتي عشان ريلج بين فترة وفترة نزلي وطبخي معاهم وساعديهم
هالشي بكبرج بعين ريلج
وماراح يعيد لج هالعباره

 

[عيونـ الكونـ]

ماشالله تبارك الله البنات ماقصرو كفو ووفو
الله يسعدكم يارب

 

[&جالكسي&]

انا من رايي تطبخين عندهم دام النفس عليج طيبه لايشن حرب اهو واهله عليج حزتها بتقولين ياليتني طايخه وساكته بعدين انتي بس دخلي المطبخ اشراف موشرط تحوسين والله يعينج فتره وتعدي ان شالله والله يهدي سركم ويبعد عنكم المشاكل

 

[brettey]

لا ما تطبخين يوميا انتي مو ملزومه فيهم
بس حبيبتي سوي طبق او طبقين بمطبخج نزليه لهم طيبه خاطر وبيكون شكلج حلو جدامهم مره بالاسبوع مو يوميا بس يكون طبق معتبر يعني مو خفايف طبق ثقيل وقوي
شرعا انتي ملزومه بطاعه زوجج بس اهله لا بس توجبينهم
واذا كنتي موظفه خالتج كل بين فتره يبيلها بخور او مطاره جاي او عطور جذي طيبي خاطرها