زوجي قالي سئلي الحريم! مو معقولة اللي انا عايشه

[البديلة]

السلام عليكم
الله يرظالي عليكم يليت تردون علي بدون تهويل واللي خايفه ع سمعة نكها لا ترد
ببساطة انا متزوجه من ست سبع سنين وعندي 4 عيال كلهم تحت سن المدرسه ومنفصلة عن اهل زوجي وشقتي يدوبك صاله وغرفة اطفال وغرفة نومي.


جننوني عيالي ماينامون ويبون دايم يقعدون بغرفتي والصالة حطيت فيها اثاث اي كلام لانهم دايم حايسينها

بالنسبة لي المكياج اكرهه لكن اتكحل وبعض الايام اتمكيج كامل يعني بالشهر مرة
غرفتي انا اللي اسنعها فبعض ايام تقعد حوسه

بالنسبة لللبس اغلبه سترجات وبلايز وبعض الاحيان احب دراعات

شعري ما اسوي سشوار لانه بطبيعته ناعم بس الغالب رافعته

غير موظفه وحاااايسه ووقتي دايمن مزحوم

بليز اللي مثل ظروفي نفسي ولا كلللله كاشخين وعيالهم نايمين واهي زقطه بلقطه واتينن
ترا الرجال مل ونا ماني عارفه شلون اتصرف

اوصفولي اسبوعكم العادي
اول انا كنت اسوي حركات ايام عيد ميلادة وبالعيد بس الحين مااقدر من عيالي وطلعاتي

شسوي ازوجه مثلا!! مو اتصدقون عاد لا

بس يليت تقولون الصج لا تسوون حياتكم مثاليه اللي مثلي ولا اللي شويه احسن تقول
واهم شي الظروف يعني سنوات الزواج وعدد العيال وكبر المسكن واهل الزوج


وناطرة ردكم حبوبااات

 

[خالف تعرف]

سوي عكس الي قلتيه
انتي ماتتمكيجين تمكيجي
عيالج نوميهم امبجر ٨ كلهم نايمين تكشخي وظبطي نفسج
والي فيهم يدش الغرفه عاقبيه لايصير البيت معفس واي كلام
واذا تقدرون توسعو حتى لو تاخذون منطقه بعيده

 

[انا لحبيبي .]

افضل شي النوم المبكر للاطفال

واذا المكياج مابتحبيه مافي مشكله لاتتمكيجي بس رتبي شعرك مع تقسيمة وجهك

المساله بس بدها تقسيم وقت وتنظيم حبيبتي ، لاتحرمي حالك تعيشي حياتك عشان الاطفال

*

 

[مواصله]

حددي يومين بالاسبوع يكونون خاصين لكم بروحكم وودي العيال بيت اهلج ولا اهله ساعتين اقل شيئ

بعد رمضان عدلي نومهم عشان ينامون مبجر وخليهم يلهون بنشاطات رسم تلوين معجون تلفزيون

انا بناتي ورا بعض وحامل وماعندي خدامه بس اهم شيئ عندي مايشوفني زوجي بشكل مو حلو

لا انا ولا البنات..اذا ماتحبين المكياج او ماعندج وقت حطي الحمره السحريه وتكحلي

ولبسي قطنيات وحراير بس دلع وشغل البيت خصصي يوم بالاسبوع للترتيب العميق والباقي خليه ترتيب سريع

عشان ماتنضغطين،،غرفة نومج ضروري تعلمينهم ممنوع يدخلون الا للضروره وقفلي الباب ليما يتعودون

 

[ღاصول الجمالღ]

اعيالج وريهم العين الحمره وحاولي تعصبين عليهم ،
رتبي غرفتج وبخريها ، وصي اعيالج انهم ممنوع يدشونه يعني خط احمر واذا دشوها عاقبيهم ،،
وألصاله كذالك ، حاولي اتحطين لهم تلفزيون بغرفتهم واللعاب وتخلينهم بغرفتهم ،
اما لشكلج خلج على طوول مرتبه لبسي بجايم تعطري مو شرط تمكيجين كحله وشويه حمره ، حاولي تقصين شعرج تصبغينه مو كله رافعته
وبس ، والريال يحب التغير ،،
والله يوفقج

 

[ظل الياسميـن]

سوي عكس الي قلتيه
انتي ماتتمكيجين تمكيجي
عيالج نوميهم امبجر ٨ كلهم نايمين تكشخي وظبطي نفسج
والي فيهم يدش الغرفه عاقبيه لايصير البيت معفس واي كلام
واذا تقدرون توسعو حتى لو تاخذون منطقه بعيده

رايي من رايها :rerrerek:

 

[فله]

العمر هذا للأطفال غثيث وصعب تتحكمين فيهم
اما بخصوص الباجي
١) لبسج شوفي قطي كل شي قديم خلي في كبتك لبس حلو وذرب ماشالله البجايم ع آفا من يشيل عشان ماتلقين شي عادي ومخربط فتظطرين تلبسين الشي الذرب
٢) شعرج احمدي ربج دامه ناعم لو كان خشن شتسوين انصحج تقصين قصه حلوة لان القصير يريحج
٣) بالليل خلي لج نظام قمصان ع طول حراير لو كان طويل ولو كان ماكو شي خلي للنوم جوه
٤) شغل البيت جيبي خدامه تساعدج عيالج ماشالله٤ مسؤوليه حرام صعبه توفين بين كل هذا بيت وزوج وجهال واللي بيقولون امهاتنا تكفون امهاتنا حدهم طرق الدراعه والملفع واهم شي بطن زوجها وعيالها
٥) وبالحلقه الاخيرة الله يوفقج والله حاسه فيج بس انت ع فكرة بنعمه لانج مو موظفه لو تشوفين الموظفات تكرهين حياتج الله يعينا

 

[HaYoOoMa]

وووووويييييه

شدعووووووووووووووه عليج ؟؟؟؟؟ @@

عيالج لاتيي الساعه 9 ونص الا اهم نايميييييييييييين اخذيلج شور 5 دقايق وتكشخي البسي وسوي واستانسي ؟؟؟؟؟؟؟؟؟؟

والصبح قعديهم مبجر عال8 عسااس بالليل ينامون مبجررر ..

والعصااري لبسي لبس حلو بجامات حلوه
قطنيات اللي تكون تحت الركبه

مكياج ناعم وبس ترى مايبيلها شي

والله يوفقج ويهنيج مع ريلج ديريبالج

 

[الدلع انا]

الله يعينج ماالومج

يبيلج خدامه تساعدج عشان على الاقل تتفرغين حق نفسج اشوي

 

[متى افرح]

الله يساعدك

 

[درة أهل الطولات]

انتي الحين لو كل يوم نفس الشي راح تملين صح

1- عودي عيال النوم س8
2- حتى لو تحتلفين بمناسباتكم الخاصة مع عيالكم عادي مثلا تحجزين مطعم او مسرحيــة يعني غيري على حسب امكانياتج .
3- شعرج دام نام نزليه على كتوفك قصيه صبغيه غيري شوي
4- الميكب الحكل زيديه مسكره وقلوس شيصير ؟؟!!​

 

[خجل~]

عادي حبيبتي بس تحكمي بالوقت لا يتحكم فيج

نظمي وقتج
خلي ساعه لليهال ساعه للأبو ساعه للترتيب ساعه للطلعه ساعه وساعه يعني مسألة وقت

 

[الأميرة جوري]

الشغله يبيلها تنسيق وتنظيم....العيال مبجررر ينامون علشان ترتاحين وهم ريلج...ودارج لايدخلونها كلش وترسيدار لهم العااااااااااب الله يكون بعونج مساله جم سنه يكبرون ويهدون

 

[زوجة عزيز]

البنات ماقصروا الله يوفقج

 

[البديلة]

ادري انكم بطقوني بس انا عندي خدامة وهم مو ملحقه يمكن لانها بطيئة وماتبي عيالي وانا بعد ما ابيها

مشكورين ع نصايحكم

بس انتوا ما وصلتوني للي ابيه

انا ابي قولولي عنكم انتوا...ابي اغار منكم ابي اقول اي والله طلعت صج مقصرة كا فلانه نفس ظروفي وقادرة تنظم وقتها
كا فلانه ظروفها العن مني بس موفقه بين عيالها وزوجها وتحط مكياج كامل كل يومين مثلا وحاطه اليوم الفلاني عشان تتعشا معاه وتطبخ له ( انا ع فكرة ما اطبخ واذا طبخت ما اظبط الاكل ميه بلميه) يعني فهمتوا ابي برنامجكم انتوا

عفيه بنات ابي تجاربكم انتوا نظامكم كل وحدة ابي نظامها

مو المو متزوجات ينصحوني!!! فهموا المغزا من الموضوع تكفوووووون

 

[um khaled]

انا نفسج 4 عيال لا خدامه وبيت من غرفتين وصاله وحمام ومطبخ
اهم شي التنظيم
عدلي نومهم نوميهم مبجر
وبعدها افضي حق نفسج
ومو شرط تكونين كاشخه طول اليوم اهم شي تكونين لابسه شي نظيف ومكوي ومرتب
خلي يوم للتنظيف ويوم للغسيل ويوم للكوي
و على الاقل مرتين بالاسبوع مو شرط تطبخين طلبي من بره عشان ترتاح

وبس

 

[هيبة ملك]

البنات ماقصروا

عودي نفسج تكونين مرتبة على طول

 

[um khaled]

عاد نسيت اقول انا طوول اليوم انظف من حوستهم والقط اغراضهم
وصرت اخليهم يساعدوني بس ماكو فايده
انا اول ما اقوم بعد ما ادش الحمام و اصلي وجذي
اسبح اليهال وابدلهم ( يوم وترك اسبحهم واذا ما سبحتهم ابدل ملابسهم )
واوكلهم وانظف المطبخ بعدين انظف الغرف وآخر شي الصاله
وادش عالمغرب اسبح واغسل تكرمين الحمام
وارتاح شوي بعدين اعشيهم وانومهم واذا مانومتهم ادخلهم الدار يلعبون والا يطالعون تي في
وبعد العشا اكوي واعدل الكبتات
وان طلعت اخترب جدولي كله
ولو كان عندي خدامه جان جدولي ميه ميه
ويوم كان عندي كنت اقوم اجابل اليهال و اطبخ واشرف عالتنظيف بس

وحاضرين لاي استفسار... خخخخخ
​

 

[جوانا2010]

البنات ماقصرو الله يساعدك

 

[البديلة]

عاد نسيت اقول انا طوول اليوم انظف من حوستهم والقط اغراضهم
وصرت اخليهم يساعدوني بس ماكو فايده
انا اول ما اقوم بعد ما ادش الحمام و اصلي وجذي
اسبح اليهال وابدلهم ( يوم وترك اسبحهم واذا ما سبحتهم ابدل ملابسهم )
واوكلهم وانظف المطبخ بعدين انظف الغرف وآخر شي الصاله
وادش عالمغرب اسبح واغسل تكرمين الحمام
وارتاح شوي بعدين اعشيهم وانومهم واذا مانومتهم ادخلهم الدار يلعبون والا يطالعون تي في
وبعد العشا اكوي واعدل الكبتات
وان طلعت اخترب جدولي كله
ولو كان عندي خدامه جان جدولي ميه ميه
ويوم كان عندي كنت اقوم اجابل اليهال و اطبخ واشرف عالتنظيف بس

وحاضرين لاي استفسار... خخخخخ
​

لازم يحطولج تمثال مااااشاااء الله عليج عيني عليج باردة
فديتج اني اول وحدة تفهمين الموضوع وتجطين روتينج
بس اذا طلعتي اعتفس صح!!! انا مشكلتي اطلع وااايد