زوجي عقيم وعندي عياااال منه ؟؟؟؟!! مصدومه ساعدوني بليز

[ام فطوم:).]

السلام عليكم بنات ...انا صراحه اول مره اكتب موضوع وماعندي احد اشكيله مصيبتي والله بس ماراح اطول عليكم

انا بعد بنتي الاولى بدت بيني وبين زوجي مشاكل مو طبيعيه
واليوم عرفت السبب

بنات زوجي جابلي اليوم اوراق من الطبيب ويقولي هذي تقارير طبيه من شهر 4 اللي فات سويتهم وقالي الدكتور اني عقيم ...ببنات والله مصدومه وقاعده احاول اني اخليه يروح لدكتور ثاني يحلل بس مو راضي
تخيلو الدكتور معطيه الملف كامل ويقوله روح ارفع قضيه على زوجتك..والله بنات ماهمتني القضيه ولا خايفه من المحاكم لاني واثقه من نفسي وعارفه انه في تحاليل دي ان اي تاخذ حقي..
والله كسر خاطري زوجي عشر شهور ساكت عن السالفه ومو قادر يقولها لاحد ..لو واحد غيره يذبح زوجته ولا يطلقها ..

بنات امانه ساعدوني والله ما ادري شنو اسوي الله يجزاكم خير
زوجي من قالي السالفه وهو طالع ما ادري وينه..

 

[franshiska]

رد : زوجي عقيم وعندي عياااال منه ؟؟؟؟!! مصدومه ساعدوني بليز

حبيبتي يمكن ياله العقم عقب البنت
وتصير حبيبتي
قوليله انا ماراح اقولك شي
بس اقولك في تحليل يثبت ان البنت بنتك وروحوا سووه

 

[أسيرة_أحزاني]

رد : زوجي عقيم وعندي عياااال منه ؟؟؟؟!! مصدومه ساعدوني بليز

الله ينورله بصيره ولازم يتأكد من كذا دكتوور

دكاترة الكويت نصهم خواااره

الله يفرج همج يارب

 

[\بانه]

رد : زوجي عقيم وعندي عياااال منه ؟؟؟؟!! مصدومه ساعدوني بليز

الله يعينج بس لازم يروح دكتور ثاني
السالفه مو لعبه يمكن التحاليل فيها خطا او شي لازم تقنعينه انه يروح
والله يسهل امرج ويعينج

 

[! بــدويه وآآيــد !]

،


بسم الله والله انا انصصدمت

بس حبيبتي انتي شريفه وواثقه من نفسج روحي معاه لاي مكان قولي مستعده انا محد لمسني غيرك والبنت من صلبك وماكو شي بعيد عن ربك

والله يظهر الحق عاجلا غير آجل يارب العالمين​

 

[Fe6aMi]

رد : زوجي عقيم وعندي عياااال منه ؟؟؟؟!! مصدومه ساعدوني بليز

الله يعينج بس لازم اتروحين انتي معاه حق الدكتور لان احتمال العقم ياله بعدين

 

[خذاني الشوق]

استغفر الله مالومه ياقلبي مصدووم من النتيجه ولاتلومينه من الصدمه موقادر يروح لطبيب غيره ادعي ربج ياقلبي والله يفرجها عليج

 

[Queenleo]

رد : زوجي عقيم وعندي عياااال منه ؟؟؟؟!! مصدومه ساعدوني بليز

عادي
ربج كاااتب سبحانه انه يكوون عندكم عيال
سواء عقم ولا مو عقب
"كن فيكون"
ريلج عارف انج سنعه عشان جذي كان مترردد يقوولج
وخايف اذا طلب منج تسوين فحص حق البنت ينكسر بينكم الثقه والاحترام
واهوا يحبج وخايف يخسرج
مهما كلمتيه بيتم هناك جزء صغير يقرقع بقلبه والشيطان شاطر
انا اقووول قوليله بروح اسوي فحص حق البنت وابيك ترووح عشان يقارونها معاك
وتعرف انك ابوها وانها بنتك

 

[اميره1980]

في حلين لا ثالث لهما
ان التحليل اللي مسويه غلط
او ان العقم صارله عقب ما حملتي يعني مو من زمان
انا شاكه بريلج ان هالتحاليل خواره خوفج لا يبي سبب يطلقج فيه و ما لقا الا جذي
ليش عيل مو راضي يروح للطبيب؟؟؟ قطعي الشك باليقين و روحو الطبيب عيدو التحليل في مكان موثوق فيه مو خرطي
الله يمسك على قلبج و يريحج يا رب

 

[ام دودو المزيونه]

الله يعينج بس فعلا روحي معاه اكثر من دكتور او يروح بروحه يتأكد اخاف التحاليل فيها غلط او الدكتور خواره بس اتوقع فحص الدي أن أي مو اي مكان يسويه والي عرفته انه يطول ويرسل لبره

 

[زوجة عزيز]

بنت خالتي حامل 7 شهور وكل ما اتروح مشتشفى يقولون لها مافي حمل واخر شي عرفو 7 شهور ماعرفو خل يروح لدكتور ثاني يمكن الدكتور غلطان
وبعدين اتصير حالات عقم مؤقته عادي

 

[iLLuMinaTion]

:gr4uu::gr4uu:

 

[اميره1980]

نسيت أسألج حبيبتي
ليش مسوي ريلج التحليل؟؟؟؟؟ مو شاكه بهالنقطة ؟

 

[جِراحُ الغَرام]

واااااي حبيبتي الله يصبرج
بس حبيبتي قولي لزوجج الله قادر على كل شي ... ولا يحط كلام الدكتور كلام منزل من الله
ياما سمعنا من البنات حالات مستعصيه واستمروا بدون اطفال من سنه الى سننييييييين وبعدها ربي عطاهم
خل يتوكل على الله ويروح يسوي تحليل مره ثانيه
وبعدين ترى في عوالم تخلي العدد ينزل فجأه منها الجاكوزي الاب توب لما يحطه بالحضن الوجبات السريعه والاكل المعلب
الملابس الضيجه

 

[ام فطوم:).]

رد : رد: زوجي عقيم وعندي عياااال منه ؟؟؟؟!! مصدومه ساعدوني بليز

نسيت أسألج حبيبتي
ليش مسوي ريلج التحليل؟؟؟؟؟ مو شاكه بهالنقطة ؟

اميره زوجي كان عنده عوار بالمنطقه اللي تحت وقاله الدكتور انه عنده دوالي وكانوا طالبين منه عينات لسائل المنوي

 

[الرها]

وش طاري عليه يسوي تحاليل الحين ؟؟؟
يمكن براسه شئ والله اعلم

 

[مٍلإيٍـٍـٍنّ<~]

رد : زوجي عقيم وعندي عياااال منه ؟؟؟؟!! مصدومه ساعدوني بليز

الله يعين قلبج بس حبوبه اقنعيه بالروحه للدكتور وغيرو هالطبيب ربى يفرج همج

 

[ام فطوم:).]

رد : رد: زوجي عقيم وعندي عياااال منه ؟؟؟؟!! مصدومه ساعدوني بليز

في حلين لا ثالث لهما
ان التحليل اللي مسويه غلط
او ان العقم صارله عقب ما حملتي يعني مو من زمان
انا شاكه بريلج ان هالتحاليل خواره خوفج لا يبي سبب يطلقج فيه و ما لقا الا جذي
ليش عيل مو راضي يروح للطبيب؟؟؟ قطعي الشك باليقين و روحو الطبيب عيدو التحليل في مكان موثوق فيه مو خرطي
الله يمسك على قلبج و يريحج يا رب

والله لو بودون التحليل المريخ بس يطمئن قلبه فديته

 

[قطوووة]

رد : زوجي عقيم وعندي عياااال منه ؟؟؟؟!! مصدومه ساعدوني بليز

الخطا بالتحاليل وارد جدا

وخل يروح يشتكي دامج متأكدة التقارير بتثبت ابوته غصبن عليه

والدكتور اللي يحرشه يرفع قضية مايستحي شنو هذا:cxxxp:

 

[باااربي]

ريلج يشرب ردبل وايد ؟؟؟؟:080402ask_prv: