زوجي عقدني

[نجديه كلاس]

حبيباتي كويتيات يالسنعات مشكلتي أني وحده حساسه ومااتحمل واجمع بقلبي وزوجي أوكي معاي يعني لا اقول زين ولاموزين مادري تركيبته صعب فهمها المهم احس انه معقد ويحس بالنقص معاي رغم أني والله ماابين بالعكس معاملته انه احسن رجال بالدنيا:bbbiu: بس احس احيانا انه يغار مني واحس ما يحب أهلي رغم ان معامات أهلي له مرررًه نااايس حاولت آطنش بس ما اعرف قلتلكم حساسه مره. الله يعيني على نفسي. انصحوني ودي اكون قويه وما احس كيييييييف

 

[Patcholli]

حبيبتي وايد رياييل جذي اذا مرته اعلى منه بالشهاده ا الوظيفه او الماده يحس بالنقص ويحاول يحبطها وينزل معنوياتها

حبيبتي انتي الي عليج مسويته وزياده ..

اهم شي لا يحبطج ولا يأثر على نفسيتج ويخليج تشكين بعمرج ويهز الثقه بنفسج خلج واثقه على طول لان وايد بنات اعرفهم صار فيهم عدم ثقه بالنفس معنها كامله والكامل رب العالمين بس شككها بعمرها صارت كئيبه ويائسه وماتحب روحها بسبب زوجها اللي حبطها عشان يحسسها بالانكسار وان اهو اعلى منها واحسن منها

هاذي عقده فبعض الرياييل يحب اهو يكون التوب مايرضى مرته تكون بنفس مستواه او اعلى منه

 

[WAAAW]

لااااااااااااااااااازم تتأقلمين وتتعودين لين اهو يمل..

كلمي نفسج من داخل اذا سمعتي شي منه يجرحج .. قولي طااااف تعودت على هالكلام اهو بس يبي يستفزني

 

[رنيم الروح]

حبيبتي طنشي كلامه واهم شي لا تحبطين نفسك لانه راح تتعبين كثير اذا جرحك بكلمه حاولي تغيرين معناها بنفسك لا تتركينها تتراكم بقلبك طلعيها
وترا في رجال بس نادرا يحسون بالنقص اذا المراه احسن منهم في الماده او الشهاده

 

[((غلاي))]

الله يهديه

 

[اخت خالتهم]

أكيـد يبيـن على الإنسان اذا كاش او لا
و اذا ايجابي أو سلبـي
نفس لما تشوفين وحده ما تحبينها و تبتسلمج بس مبين من شكلها مالها خلقج
جذي بالضبـط ..


لازم تخلين هالمشاعر
انا اول زواجي كنت حسااااااااااااسـه و الصراحه ما فادني بالعكس
تغيرت 180%
بس الحمدلله تغلبت على هالشغلات لما امسك نفسي و الهي نفسي
تعودت

اذا ريلج زين خلاص عيشي حياتج حق نفسج وحتى لو عصب وزعل حق نفسه
انتي استمتعي بحياتج

 

[el.naz]

مـــثـــل حـالـتـي